29.01.2015թ. վիճակախաղերի, շահումով խաղերի, խաղատների և և ինկասացիոն ծառայությունների մատուցման լիցենզավորող հանձնաժողովի նիստի եզրակացության մասին
29.01.2015
29.01.2015թ. վիճակախաղերի, շահումով խաղերի, խաղատների և և ինկասացիոն ծառայությունների մատուցման լիցենզավորող հանձնաժողովի եզրակացությունը.
Հիմք ընդունելով «Ինտեր Լոտո» ՍՊԸ կողմից 16.01.2015թ. ներկայացված գրությունը, կից փաստաթղթերը, ի լրումն 19.01.2015թ. և 20.01.2015թ. ներկայացված գրությունները, կից փաստաթղթերը և առաջնորդվելով «Վիճակախաղերի մասին» ՀՀ օրենքի 8-րդ հոդվածի 4-րդ մասով` համաձայնություն տալ «Ինտեր Լոտո» ՍՊԸ կողմից 16.01.2015թ. ներկայացված «Շահող Սրտեր» վիճակախաղի կազմակերպման և անցկացման կանոնակարգին (այսուհետ` Կանոնակարգ) վերապահումով` ստորև նշված թերությունները շտկելուց հետո.
- Վիճակախաղի տոմսի աշխատանքային նմուշի «Հեռուստախաղարկության մասի կազմակերպման և անցկացման նկարագիրը» 2-րդ կետի համաձայն` խաղաքարերը պարկից հանվում են խաղավարի կողմից, իսկ Կանոնակարգի «Հեռուստախաղարկության մասի կազմակերպման և անցկացման նկարագիրը» 4.2 ենթակետում նման դրույթ նախատեսված չէ:
- Կանոնակարգի` «Վիճակախաղի մասնակիցների իրավունքները» 14.1 կետում սահմանված է, որ դրամային մանր շահումները (մինչև 20.000 դրամ ներառյալ) վճարվում են նաև տոմսերի իրացման կետերից, իսկ «Շահումները տալու վայրը և ժամկետները» 11-րդ կետում շահումների տրման նման դրույթ սահմանված չէ: