Գույքի անբավարարության հիմքով թիվ 00190562 կատարողական վարույթը կասեցնելու մասին որոշում
10.06.2022
Հարկադիր կատարումն ապահովող ծառայության Երևան քաղաքի Ավան, Նոր Նորք և Քանաքեռ-Զեյթուն վարչական շրջանների բաժինը հայտնում է, որ ավագ հարկադիր կատարող Արմենուհի Մելքոնյանի կողմից կայացվել է որոշում թիվ 00190562 կատարողական վարույթը՝ ՀՀ Ավան և Նոր Նորք վարչ. շրջ. ընդ. իրավ. դատարանի կողմից 28.12.2016թ. տրված թիվ ԵԱՆԴ/0010/02/14 կատարողական թերթի համաձայն պետք է պարտապաններ Գուրգեն Սամվելի Մելքոնյանից և Անահիտ Վեմերի Մելքոնյանից համապարտության կարգով հօգուտ Կոնվերս բանկ ՓԲԸ-ի բռնագանձել 34.997,34 ԱՄՆ դոլարին ՀՀ դրամ և հաշվարկվող տոկոսներ, ինչպես նաև 283.647 ՀՀ դրամ որպես նախապես վճարված արբիտրաժային գումար: Բռնագանձումը տարածել ք.Երևան, Ազատության պող. 2 շենքի թիվ 40 բնակարանի վրա, կասեցնելու մասին:
Կատարողական գործողությունների կատարման ընթացքում պարտապանին պատկանող և գրավադրված ք.Երևան, Ազատության պող. 2 շենքի թիվ 40 բնակարան հասցեում գտնվող անշարժ գույքը փորձագետի թիվ ԷՊՐ 239/2022 եզրակացությամբ գնահատվել է 18.700.000 ՀՀ դրամ, իսկ պարտքը 08.06.2022թ. դրությամբ կազմում է 110.497,90 ԱՄՆ դոլար և 307.297,20 ՀՀ դրամ:
Կատարողական վարույթով բռնագանձման վերաբերյալ վճռի հարկադիր կատարման ընթացքում պարտապան Անահիտ Վեմերի Մելքոնյանի գույքի նկատմամբ բռնագանձում տարածելու պարագայում պարզվել է, որ այդ գույքը օրենքով սահմանված նվազագույն աշխատավարձի երկուհազարապատիկի և ավել չափով բավարար չէ պահանջատիրոջ հանդեպ պարտավորությունների ամբողջական կատարումն ապահովելու համար: