Հայաստանի Հանրապետության ինտերնետով ծանուցման պաշտոնական կայք

Թիվ ԵԴ/1768/02/19 քաղաքացիական գործով դատական ծանուցագիր


Երևան քաղաքի առաջին ատյանի ընդհանուր իրավասության դատարանի դատավոր Ս. Երիցյանս, քննության առնելով, ըստ հայցի <<Հայաստանի ավտոապահովագրողերի բյուրո>> իրավաբանական անձանց միության (այսուհետ՝ նաև Բյուրո) ընդդեմ Արմեն Սուրենի Թեմուրյանի, Ռոբերտ Անդրանիկի Հովսեփյանի (այսուհետ նաև`Պատասխանող)` գումար բռնագանձելու պահանջի մասին, քաղաքացիական գործը պարզեցված վարույթի կարգով քննելու հարցը,

ՊԱՐԶԵՑԻ

Դիմելով դատարան` Բյուրոն հայտնել է, որ 26.05.2018 թվականին ժամը 10-ն անց 30-ի սահմաններում, Երևան քաղաքի Էրեբունու փողոցում Ռոբերտ Անդրանիկի Հովսեփյանը սեփականության իրավունքով Արմեն Սուրենի Թեմուրյանին պատկանող <<Գազ-3110>> մակնիշի 01 OO 260 հաշվառման համարանիշներով ավտոմեքենայով վրաերթի է ենթարկել Վրաստանի Հանրապետության քաղաքացի Ջեմա Միկելաձեին, ինչի հետևանքով վերջինիս պատճառվել է գույքային վնաս:
Ճանապարհային ոստիկանության 18.06.2018թ. <<Քրեական գործի հարուցումը մերժելու մասին>> որոշման համաձայն, պատահարում մեղավոր է ճանաչվել <<Գազ-3110>> մակնիշի 01 OO 260 հաշվառման համարանիշներով ավտոմեքենայի վարորդ Ռոբերտ Անդրանիկի Հովսեփյանը:
Տուժող Ջեմա Միկելաձեին <<Հայաստանի ավտոապահովագրողների բյուրո>> հասարակական կազմակերպության կողմից հատուցվել է 200.000 ՀՀ դրամ: Համաձայն ԱՊՊԱ տեղեկատվական համակարգի տվյալների <<Գազ-3110>> մակնիշի 01 OO 260 հաշվառման համարանիշներով ավտոմեքենայի վերաբերյալ վթարի պահի դրությամբ ԱՊՊԱ պայմանագիր առկա չի եղել, հետևաբար վերջինիս վարորդի և սեփականատիրոջ նկատմամբ Հայցվորը ձեռք է բերել հետադարձ պահանջի իրավունք:
Բյուրոն 24.07.2018թ. Բ/18-04595 ծանուցմամբ պատասխանողներից պահանջել է Բյուրոյին վճարել 215.000 դրամ գումարը՝ վճարման համար տրամադրելով 2 ամիս ժամկետ՝ սկսած ծանուցումների ելքի ամսաթվից, սակայն պատասխանողները ցուցաբերել են անգործություն:
Ելնելով վերոգրյալից Բյուրոն պահանջել է պատասխանող Արմեն Սուրենի Թեմուրյանից, Ռոբերտ Անդրանիկի Հովսեփյանից բռնագանձել 208.022 ՀՀ դրամ գումար, որից 200.000 ՀՀ դրամ գումարը որպես տուժողին պատճառված և Բյուրոյի կողմից հատուցված գումար, 8.022 ՀՀ դրամ գումարը 25.01.2019 թվականի դրությամբ պահանջվող ՀՀ քաղաքացիական օրենսգրքի 411-րդ հոդվածով սահմանված տոկոսների գումարը, ինչպես նաև 26.01.2019թ.-ից սկսած մինչև պարտավորության դադարման օրը պատասխանողների կողմից ապօրինի պահված 200.000 դրամ գումարի նկատմամբ հաշվարկված ՀՀ Քաղաքացիական օրենսգրքի 411-րդ հոդվածով սահմանված տոկոսները, ինչպես նաև Բյուրոյի կողմից վճարված պետական տուրքի գումարը՝ 4.161 ՀՀ դրամ, և 55.000 ՀՀ դրամ, որպես փաստաբանի խելամիտ վարձատրության գումար:
Հայցադիմումը Երևան քաղաքի ընդհանուր իրավասության դատարանում մուտքագրվել է 29.01.2019 թվականին և կազմվել թիվ ԵԴ/1768/02/18 քաղաքացիական գործը:
Քաղաքացիական գործը դատավորի աշխատակազմին հանձնվել է 04.02.2019 թվականին: Երևան քաղաքի առաջին ատյանի ընդհանուր իրավասության դատարանի` 13.02.2019 թվականի որոշմամբ <<Հայաստանի ավտոապահովագրողերի բյուրո>> իրավաբանական անձանց միության ընդդեմ Արմեն Սուրենի Թեմուրյանի, Ռոբերտ Անդրանիկի Հովսեփյանի` գումարի բռնագանձման մասին հայցադիմումն ընդունվել է վարույթ:
Պատասխանողներ Արմեն Սուրենի Թեմուրյանին, Ռոբերտ Անդրանիկի Հովսեփյանին ուղարկված ծրարը դատարան է ստացվել 26.03.2019 թվականին <<չպահանջված>> նշագրումով: ՀՀ քաղաքացիական դատավարության օրենսգրքի 95-րդ հոդվածի 5-րդ մասին համաձայն՝ Եթե դատավարության մասնակիցը հրաժարվել է ստանալ ծանուցագիրը, կամ նրա հայտնած հասցեով ուղարկված ծանուցագիրը վերադարձվել է դատարան, կամ ուղարկելու օրվանից երկշաբաթյա ժամկետում դատարանը չի ստացել հետադարձ ծանուցումը (ծանուցման մասին անդորրագիրը), կամ դատավարության մասնակցի հասցեն անհայտ է, ապա դատարանը դատական ծանուցագիրը ուղարկում է՝
1) ֆիզիկական անձի դեպքում` այդ անձի հաշվառման, աշխատանքի վայրի հայտնի հասցեով և անձի վերջին հայտնի բնակության վայրի համապատասխան համայնքի կամ վարչական շրջանի ղեկավարին, իսկ գործի նյութերում ֆիզիկական անձի այլ հասցեների, այդ թվում՝ էլեկտրոնային փոստի վերաբերյալ տվյալների առկայության դեպքում՝ նաև այդ հասցեներով.
2) իրավաբանական անձի դեպքում՝ այդ անձի մշտապես գործող մարմնի գտնվելու վայրի հասցեով, իսկ գործի նյութերում իրավաբանական անձի այլ հասցեների, այդ թվում՝ էլեկտրոնային փոստի վերաբերյալ տվյալների առկայության դեպքում՝ նաև այդ հասցեներով: Սույն հոդվածի 5-րդ մասով սահմանված գործողությունները կատարելու հետ միաժամանակ դատական ծանուցագիրը տեղադրվում է Հայաստանի Հանրապետության հրապարակային ծանուցումների պաշտոնական ինտերնետային կայքում: Սույն մասով նախատեսված գործողությունները կատարելուց հետո 15-րդ օրն անձը համարվում է ծանուցված:
Պատասխանողի կողմից հայցադիմումի պատասխան չի ներկայացվել:
ՀՀ քաղաքացիական դատավարության օրենսգրքի 296-րդ հոդվածի համաձայն` դատարանները պարզեցված վարույթն իրականացնում են սույն օրենսգրքով նախատեսված գործի քննության ընդհանուր կանոնների համաձայն՝ այն հատուկ կանոնների պահպանմամբ, որոնք սահմանված են սույն գլխի դրույթներով:
ՀՀ քաղաքացիական դատավարության օրենսգրքի 297-րդ հոդվածի 1-ին մասի համաձայն՝ առաջին ատյանի դատարանը որոշում է կայացնում գործը պարզեցված վարույթի կարգով քննելու մասին, եթե ներկայացվել է նվազագույն աշխատավարձի երկուհազարապատիկը չգերազանցող գումարի բռնագանձման պահանջ:
ՀՀ քաղաքացիական դատավարության օրենսգրքի 297-րդ հոդվածի 2-րդ մասի համաձայն՝ առաջին ատյանի դատարանը կարող է պարզեցված վարույթի կարգով քննել նաև այլ գործեր, եթե առկա է գործին մասնակցող բոլոր անձանց միջև կնքված` գործը պարզեցված վարույթի կարգով քննելու վերաբերյալ գրավոր համաձայնություն, և հայցադիմումի պատասխան ներկայացնելու համար սահմանված ժամկետում գործին մասնակցող որևէ անձ չի առարկել գործը պարզեցված վարույթի կարգով քննելու դեմ:
ՀՀ քաղաքացիական դատավարության օրենսգրքի 298-րդ հոդվածի 1-ին մասի համաձայն՝ դատարանը պատասխանողից հայցադիմումի պատասխան ստանալու, իսկ այն չներկայացվելու դեպքում` պատասխան ուղարկելու համար սահմանված ժամկետն ավարտվելու օրվան հաջորդող յոթնօրյա ժամկետում որոշում է կայացնում գործը պարզեցված վարույթի կարգով քննելու մասին, որում նշվում են դատական ակտի հրապարակման ժամանակը և վայրը:
ՀՀ քաղաքացիական դատավարության օրենսգրքի 298-րդ հոդվածի 2-րդ մասի համաձայն՝ գործը պարզեցված վարույթի կարգով քննելու մասին առաջին ատյանի դատարանի որոշումը ոչ ուշ, քան այն կայացնելու հաջորդ օրն ուղարկվում է գործին մասնակցող անձանց:
ՀՀ քաղաքացիական դատավարության օրենսգրքի 300-րդ հոդվածի 1-ին մասի համաձայն՝ գործի քննությունը պարզեցված վարույթի կարգով իրականացվում է առանց դատական նիստ հրավիրելու:
ՀՀ քաղաքացիական դատավարության օրենսգրքի 300-րդ հոդվածի 2-րդ մասի համաձայն՝ առաջին ատյանի դատարանը պարզեցված վարույթի կարգով գործի քննության արդյունքով եզրափակիչ դատական ակտը կայացնում և հրապարակում է սույն օրենսգրքի 299-րդ հոդվածի 1-ին մասով սահմանված, իսկ դատարանի կողմից այդ ժամկետը երկարաձգվելու դեպքում` երկարաձգված ժամկետն ավարտվելու օրվանից մեկամսյա ժամկետում:
Դատարանը, արձանագրելով, որ պատասխանողի կողմից հայցադիմումի պատասխան չի ներկայացվել, լրացել է ՀՀ քաղաքացիական դատավարության օրենսգրքի 139-րդ հոդվածով սահմանված հայցադիմումի պատասխան ներկայացնելու համար սահմանված երկշաբաթյա ժամկետը, գտնում է, որ գործը պետք է քննել պարզեցված վարույթի կարգով:
Վերոգրյալի հիման վրա և ղեկավարվելով ՀՀ քաղաքացիական դատավարության օրենսգրքի 139-րդ, 199-րդ, 200-րդ, 296-298-րդ և 300-րդ հոդվածներով`

ՈՐՈՇԵՑԻ

Թիվ ԵԴ/1768/02/19 քաղաքացիական գործն, ըստ հայցի <<Հայաստանի ավտոապահովագրողերի բյուրո>> իրավաբանական անձանց միության ընդդեմ Արմեն Սուրենի Թեմուրյանի, Ռոբերտ Անդրանիկի Հովսեփյանի` գումար բռնագանձելու պահանջի մասին, քննել պարզեցված վարույթի կարգով:
Թիվ ԵԴ/1768/02/19 քաղաքացիական գործով վճիռը հրապարակել 12.06.2019 թվականին Հայաստանի Հանրապետության դատական իշխանության պաշտոնական կայքում (www.court.am) տեղադրելու և Երևան քաղաքի առաջին ատյանի ընդհանուր իրավասության դատարանի Աջափնյակի նստավայրի գրասենյակ հանձնելու միջոցով (հասցե` քաղաք Երևան, Նազարբեկյան թաղամաս 40):
Սույն որոշումն ուժի մեջ է մտնում կայացման պահից:

ԴԱՏԱՎՈՐ Ս. ԵՐԻՑՅԱՆ

Հասցե` ք. Երևան, Նազարբեկյան 40

Հեռ..` +374 10 330520

Էլ. փոստ`