Հայաստանի Հանրապետության ինտերնետով ծանուցման պաշտոնական կայք

Երրոդ անձ՝ Էլվիրա Մաթևոսյան

Հասցեն՝ ՀՀ, Վայոց Ձոր, Ջերմուկ, Ձախափնյակ փ. 24/39



ԴԱՏԱԿԱՆ ԾԱՆՈւՑԱԳԻՐ



Երևան քաղաքի առաջին ատյանի ընդհանուր իրավասության քաղաքացիական դատարանի /դատավոր՝ Էդ. Ամալյան/ վարույթում է գտնվում թիվ ԵԴ/26461/02/22 քաղաքացիական գործն ըստ հայցի ,Մայկրեդիտե ՈՒՎԿ ՍՊ ընկերության ընդդեմ Գագիկ Կարապետյանի, երրորդ անձինք՝ Սոս Կարապետյանի, Էլվիրա Մաթևոսյանի՝ ընդհանուր բաժնային սեփականություն հանդիսացող գույքից պատասխանողի բաժինն առանձնացնելու, դրա վրա բռնագանձում տարածելու, իսկ անհնարինության դեպքում գույքը հրապարակային սակարկություններով վաճառելու և բռնագանձումը պատասխանողի բաժնի վրա տարածելու պահանջների մասին՝

Դուք, Ձեր անձը հաստատող փաստաթղթով որպես երրորդ անձ /հայցվոր, հայցվորի ներկայացուցիչ, դիմող, դիմողի ներկայացուցիչ, հակընդդեմ պատասխանող, հակընդդեմ պատասխանողի ներկայացուցիչ,երրորդ անձի ներկայացուցիչ/, 2024թ. փետրվարի 19-ին, ժամը 12:00-ին հրավիրվում եք Երևան քաղաքի առաջին ատյանի ընդհանուր իրավասության քաղաքացիական դատարանի Արաբկիրի նստավայրի վարչական շենք՝ դատավոր Էդ. Ամալյանի վարույթում գտնվող թիվ ԵԴ/26461/02/22 քաղաքացիական գործով նախնական դատական նիստին մասնակցելու համար:

Դատական նիստերի դահլիճ թիվ 10

Ծանուցագիրը ստացա անձամբ----------------------------------------------------------------------------------------

Դատարանի հասցեն՝ ք. Երևան, Հր.Ներսիսյան 10



Դատավորի գործավար` Լ. Պետրոսյան

Գործ ԵԴ/26461/02/22


ՈՐՈՇՈՒՄ
Ապացուցման պարտականությունը բաշխելու մասին
11․09․2023թ. ք. Երևան
Երևան քաղաքի առաջին ատյանի ընդհանուր իրավասության քաղաքացիական դատարանը նախագահությամբ դատավոր` Էդ. Ամալյանի, քարտուղարությամբ Մ. Հովհաննիսյանի, դռնբաց նախնական դատական նիստում քննության առնելով քաղաքացիական գործն ըստ հայցի «Մայկրեդիտ» ՈՒՎԿ ՍՊ ընկերության ընդդեմ Գագիկ Կարապետյանի, երրորդ անձինք՝ Սոս Կարապետյանի, Էլվիրա Մաթևոսյանի՝ ընդհանուր բաժնային սեփականություն հանդիսացող գույքից պատասխանողի բաժինն առանձնացնելու, դրա վրա բռնագանձում տարածելու, իսկ անհնարինության դեպքում գույքը հրապարակային սակարկություններով վաճառելու և բռնագանձումը պատասխանողի բաժնի վրա տարածելու պահանջների մասին՝

ՊԱՐԶԵՑ
«Մայկրեդիտ» ՈՒՎԿ ՍՊ ընկերության ներկայացուցիչը 25.05.2022 թվականին հայցադիմում է ներկայացրել Երևան քաղաքի առաջին ատյանի ընդհանուր իրավասության դատարան (այսուհետ նաև՝ Դատարան) ընդդեմ Գագիկ Կարապետյանի, երրորդ անձինք՝ Սոս Կարապետյան, Էլվիրա Մաթևոսյան՝ ընդհանուր բաժնային սեփականություն հանդիսացող գույքից պատասխանողի բաժինն առանձնացնելու, դրա վրա բռնագանձում տարածելու, իսկ անհնարինության դեպքում գույքը հրապարակային սակարկություններով վաճառելու և բռնագանձումը պատասխանողի բաժնի վրա տարածելու պահանջների մասին:
Դատարանի /դատավոր՝ Ա․Փիլոսյան/ 07․06․2022թ․-ի որոշմամբ հայցադիմումն ընդունվել է վարույթ։
Դատավոր Ա․Փիլոսյանի լիազորությունների դադարման հիմքով սույն քաղաքացիական գործը վերամակագրվել է Դատարանի դատավոր Էդ․Ամալյանին, ով իր 13․03․2023թ․-ի որոշմամբ քաղաքացիական գործն ընդունել է վարույթ և հրավիրել է նախանական դատական նիստ։
ՀՀ քաղաքացիական դատավարության օրենսգրքի 63-րդ հոդվածի համաձայն՝
1. Ապացույցները, ինչպես նաև դրանք ձեռք բերելուն ուղղված միջնորդությունները ներկայացնում են գործին մասնակցող անձինք:
2. Գործին մասնակցող անձը պարտավոր է մինչև ապացուցման պարտականությունը բաշխելու մասին որոշմամբ սահմանված ժամկետի ավարտն առաջին ատյանի դատարանի և գործին մասնակցող մյուս անձանց առջև բացահայտել ու հնարավորության դեպքում տրամադրել տվյալ պահին իրեն հայտնի այն ապացույցները, որոնց վրա նա հղում է կատարում որպես իր պահանջների և առարկությունների ապացուցման հիմք:
3. Առաջին ատյանի դատարանն ապացուցման պարտականությունը բաշխելու մասին որոշմամբ սահմանված ժամկետի ավարտից հետո գործին մասնակցող անձի ներկայացրած լրացուցիչ ապացույցն ընդունում է, իսկ ապացույց ձեռք բերելուն ուղղված միջնորդությունը բավարարում է, եթե դրանք ներկայացնողը հիմնավորում է դատարանի սահմանած ժամկետում տվյալ ապացույցը կամ միջնորդությունը ներկայացնելու անհնարինությունը՝ իրենից անկախ պատճառներով։
4. Եթե գործին մասնակցող մյուս անձինք հնարավորություն չեն ունեցել նախապես ծանոթանալու ապացուցման պարտականությունը բաշխելու մասին որոշմամբ սահմանված ժամկետի ավարտից հետո ընդունված ապացույցին, ապա առաջին ատյանի դատարանը գործին մասնակցող անձանց տրամադրում է ողջամիտ ժամկետ` այդ ապացույցին ծանոթանալու, դրա վերաբերյալ դիրքորոշում, ներառյալ` այն հիմնավորող ապացույցներ ներկայացնելու համար։
ՀՀ քաղաքացիական դատավարության օրենսգրքի 169-րդ հոդվածի 1-ին մասի՝ սույն օրենսգրքի 167-րդ հոդվածի 1-ին մասի 1-9-րդ կետերով նախատեսված հարցերը քննարկելուց հետո առաջին ատյանի դատարանը կայացնում է ապացուցման պարտականությունը բաշխելու մասին որոշում:
Քննարկելով ՀՀ քաղաքացիական դատավարության օրենսգրքի 167-րդ հոդվածի 1-ին մասի 1-9-րդ կետերով նախատեսված հարցերը, դատարանը գտնում է, որ պետք է սահմանել ապացուցման ենթակա փաստերը և ՀՀ քաղաքացիական դատավարության օրենսգրքի 62-րդ հոդվածով սահմանված ապացուցման պարտականության բաշխման կանոններին համապատասխան` բաշխել ապացուցման պարտականությունը հետևյալ կերպ` գործին մասնակցող յուրաքանչյուր անձ պարտավոր է ապացուցել իր պահանջների և առարկությունների հիմքում դրված և գործի լուծման համար նշանակություն ունեցող փաստերը:
Ելնելով վերոգրյալից և ղեկավարվելով ՀՀ քաղաքացիական դատավարության օրենսգրքի 169-րդ հոդվածով՝ դատարանը
ՈՐՈՇԵՑ
Թիվ ԵԴ/26461/02/22 քաղաքացիական գործով սահմանել ապացուցման ենթակա հետևյալ փաստերը՝
-Պատասխանողի հայցվորի հանդեպ օրինական ուժի մեջ մտած դատական ակտի հիման վրա չկատարված պարտավորություն ունենալու հանգամանքը,
-վեճի առարկա անշարժ գույք(եր)ը Պատասխանողի և Երրորդ անձանց համատեղ և (կամ բաժնային) սեփականությունը հանդիսանալու փաստը
-ընդհանուր սեփականության մասնակցի մոտ պարտատիրոջ նկատմամբ պարտավորությունները մարելու համար այլ գույքն անբավարար լինելու հանգամանքը
-միաժամանակ այն դեպքում, երբ պարտապանն առարկում է նշված փաստի դեմ, վերջինս է կրում այլ գույքի առկայությունն ապացուցելու պարտականությունը, հետևաբար նաև այդ փաստի վիճելի լինելու դեպքում՝ դրանից բխող բացասական հետևանքները,
-առանց ընդհանուր սեփականության ներքո գտնվող գույքին անհամաչափ վնաս պատճառելու բաժինը բնեղենով առանձնացնելու անհնարինության կամ դրա դեմ ընդհանուր սեփականության մնացած մասնակիցների կողմից առարկելու հանգամանքները
-պարտատիրոջ կողմից ընդհանուր uեփականության մնացած մաuնակիցներից շուկայական գնով պարտապանի բաժինը գնելու պահանջ ներկայացնելու հանգամանքը
- ընդհանուր սեփականության մնացած մասնակիցների կողմից պարտապանի բաժինը ձեռք բերելուց հրաժարվելու հանգամանքը:
Նշված փաստերի ապացուցման պարտականությունը դնել հայցվոր կողմի վրա։
Պատասխանողը պետք է ապացուցի իր առարկությունների հիմքում ընկած փաստերը։
Գործին մասնակցող անձանց կողմից ապացույցներ և դրանք ձեռք բերելուն ուղղված միջնորդություններ ներկայացնելու ժամկետ սահմանել մինչև 16․02․2024 թվականը:
Սույն որոշումը ենթակա չէ բողոքարկման:

Դատավոր` Էդ. Ամալյան

Հասցե` ք. Երևան, Հրաչյա Ներսիսյան 10

Հեռ..` 010-20-00-11

Էլ. փոստ`