Հայաստանի Հանրապետության ինտերնետով ծանուցման պաշտոնական կայք

«Քառմառկ» ՍՊԸ
(ՀՀ, ք. Երևան, Խանջյան 41)

ԾԱՆՈՒՑՈՒՄ
(Թիվ ԵԴ2/3100/02/23 քաղաքացիական գործով վեճի առարկայի նկատմամբ ինքնուրույն պահանջներ չներկայացնող երրորդ անձ ներգրավվելու իրավունքի
և դրա իրականացման կարգի վերաբերյալ)

Երևան քաղաքի առաջին ատյանի ընդհանուր իրավասության քաղաքացիական դատարանի վարույթում է գտնվում թիվ ԵԴ2/3100/02/23 քաղաքացիական գործն ըստ հայցի՝ ԲԻԷՅՋԵՄ ԿԱՐԳՈ ՀԵՆԴԼԻՆԳ» ՍՊԸ-ի ընդդեմ Պետական գույքի կառավարման կոմիտեի՝ մրցույթն անվավեր ճանաչելու և իրավունքը խախտող գործողությունները կանխելու պահանջների մասին ՀՀ քաղաքացիական դատավարության օրենսգրքի 38-րդ հոդվածի համաձայն`
1. Վեճի առարկայի նկատմամբ ինքնուրույն պահանջներ չներկայացնող երրորդ անձինք կարող են գործի մեջ մտնել հայցվորի կամ պատասխանողի կողմում մինչև դատաքննության ավարտը, իսկ նույն օրենսգրքի 41-րդ և 42-րդ գլուխներով նախատեսված կարգով քննվող գործերով՝ մինչև եզրափակիչ դատական ակտի հրապարակումը, եթե գործով կայացվող վճիռը կարող է ազդել կողմերից մեկի հանդեպ նրանց ունեցած իրավունքների կամ պարտականությունների վրա կամ կարող է հանգեցնել նման իրավունքների և պարտականությունների ծագմանը:
2. Վեճի առարկայի նկատմամբ ինքնուրույն պահանջներ չներկայացնող երրորդ անձինք կարող են ներգրավվել գործին իրենց միջնորդության հիման վրա:
3. Եթե առաջին ատյանի դատարանը գտնում է, որ դատական ակտը կարող է անխուսափելիորեն ազդել որոշակի անձանց իրավունքների և պարտականությունների վրա, ապա ծանուցում է տվյալ անձանց` որպես վեճի առարկայի նկատմամբ ինքնուրույն պահանջներ չներկայացնող երրորդ անձ ներգրավվելու նրանց իրավունքի և դրա իրականացման կարգի վերաբերյալ:
Հաշվի առնելով այն հանգամանքը, որ եզրափակիչ դատական ակտը կարող է ազդել Ձեր իրավունքների կամ պարտականությունների վրա, կամ կարող է հանգեցնել նման իրավունքների և պարտականությունների ծագմանը, ծանուցում եմ, որ Դուք կարող եք ՀՀ քաղաքացիական դատավարության օրենսգրքի 38-րդ հոդվածով սահմանված կարգով միջնորդություն ներկայացնել դատարան` նշված գործով վեճի առարկայի նկատմամբ ինքնուրույն պահանջներ չներկայացնող երրորդ անձ ներգրավվելու մասին:

Հասցե` Հակաբյան 41ա

Հեռ..` (+374 10) 51-18-13 ներքին 457

Էլ. փոստ`