Տեսչական մարմնում 2023 թվականի օգոստոսի 9-ին հարուցված թիվ ՎԴ-350 վարչական վարութի արդյունքում արձանագրված խախտումների համար ՍՄՏ ԲԵՍՏ ՍՊԸ-ի նախկին տնօրեն Սեպուհ Մխճեանին վարչական տույժ նշանակելու մասին թիվ 1773 որոշում 01.11.2023թ.
06.11.2023
«01» նոյեմբերի 2023թ. ք. Երևան
Որոշում N ——
Վարչական տույժ նշանակելու մասին
ՀՀ առողջապահական և աշխատանքի տեսչական մարմնի (այսուհետ՝ Տեսչական մարմին) ղեկավարի տեղակալ Վահագն Գրիգորյանս, քննելով.
1. քաղաքացի Մարինա Երոյանի դիմումի հիման վրա Տեսչական մարմնում 2023 թվականի օգոստոսի 9-ին հարուցված թիվ ՎԴ-350 վարչական վարույթի նյութերը, այդ թվում՝ «ՍՄՏ-ԲԵՍՏ» ՍՊԸ-ի (այսուհետ՝ Ընկերություն) կողմից ներկայացված փաստաթղթերի ուսումնասիրության 2023 թվականի սեպտեմբերի 20-ի արձանագրությունը,
2. վարչական իրավախախտման վերաբերյալ արձանագրության կազմման 2023 թվականի հոկտեմբերի 9-ի ծանուցագիրը,
3. վարչական իրավախախտման վերաբերյալ 2023 թվականի հոկտեմբերի 20-ի թիվ 1801 արձանագրությունը,
4. վարչական իրավախախտման գործի քննության տեղի և ժամանակի մասին 2023 թվականի հոկտեմբերի 20-ի ծանուցագիրը.
Պարզեցի
1.Նկարագրական մաս
Ղեկավարվելով «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «ա» կետով և հաշվի առնելով քաղաքացի Մարինա Երոյանի դիմումը, Տեսչական մարմնում 2023 թվականի օգոստոսի 9-ին հարուցվել է թիվ ՎԴ-350 վարչական վարույթը` Ընկերությունում ՀՀ աշխատանքային օրենսգրքի 130-րդ, 170-րդ, 192-րդ և 198-րդ հոդվածների պահանջների պահպանումը պարզելու նպատակով:
Ուսումնասիրվել են վարչական վարույթին առնչվող հետևյալ փաստաթղթերը.
1. Մարինա Երոյանի աշխատանքային պայմանագիրը,
2. Մարինա Երոյանի աշխատանքից ազատման դիմումը և հրամանը,
3. 2022 թվականի ապրիլ և 2023 թվականի փետրվար ամիսների աշխատավարձերի փոխանցման հանձնարարականները,
4. Մարինա Երոյանի աշխատավարձի վճարման պարտավությունների վերաբերյալ Ընկերության կողմից տրամադրված տեղեկանքը։
Արդյունքում պարզ է դարձել, որ խախտվել են.
1. ՀՀ աշխատանքային օրենսգրքի 130-րդ և 192-րդ հոդվածների 1-ին մասերի պահանջները, այն է՝
ա. Մարինա Երոյանի 2022 թվականի ապրիլ ամսվա աշխատավարձը՝ 30180 ՀՀ դրամը և 22700 ՀՀ դրամը վճարվել է համապատասխանաբար 2022 թվականի հունիսի 23-ին և հուլիսի 12-ին, իսկ 2023 թվականի փետրվար ամսվա աշխատվարձը՝ 57900 ՀՀ դրամը՝ 2023 թվականի ապրիլի 17-ին,
բ. հաշվարկվել, սակայն Մարինա Երոյանին չի վճարվել 2023 թվականի հունվար ամսվա աշխատավարձը՝ 73300 ՀՀ դրամը, մարտ ամսվա աշխատավարձը՝ 54600 ՀՀ դրամը և ամենամյա արձակուրդը չօգտագործելու համար դրամական հատուցումը՝ 75550 ՀՀ դրամ աշխատավարձը,
2. ՀՀ աշխատանքային օրենսգրքի 198-րդ հոդվածի պահանջը, այն է՝ 2022 թվականի ապրիլ և 2023 թվականի փետրվար ամիսների աշխատվարձերը սահմանված ժամկետից ուշ վճարման կետանցված յուրաքանչյուր օրվա համար Մարինա Երոյանին չի վճարվել տուժանք՝ վճարման ենթակա գումարի 0,15 տոկոսի չափով, բայց ոչ ավելի, քան վճարման ենթակա գումարի չափը:
2022 թվականի հուլիսի 29-ից մինչև 2023 թվականի օգոստոսի 14-ը Ընկերության տնօրեն հանդիսացած Սեպուհ Մխճեանը պատշաճ կարգով ծանուցվել է վարչական վարույթի արդյունքում արձանագրված խախտումների հետ կապված վարչական իրավախախտման արձանագրության կազմման տեղի և ժամանակի մասին։
2023 թվականի հոկտեմբերի 20-ին նշանակված վարչական իրավախախտման արձանագրության կազմմանը Սեպուհ Մխճեանը չի ներկայացել և չի ներկայացրել միջնորդություն այն հետաձգելու վերաբերյալ։
Հիմք ընդունելով «Վարչական իրավախախտումների վերաբերյալ» ՀՀ օրենսգրքի 255-րդ հոդվածը՝ 2023 թվականի հոկտեմբերի 20-ին կազմվել է վարչական իրավախախտման վերաբերյալ թիվ 1801 արձանագրությունը։
Սեպուհ Մխճեանը պատշաճ կարգով ծանուցվել է վարչական իրավախախտման վերաբերյալ գործի քննության տեղի և ժամանակի մասին։
2023 թվականի նոյեմբերի 1-ին նշանակված վարչական իրավախախտման գործի քննությանը Սեպուհ Մխճեանը չի ներկայացել և չի ներկայացրել միջնորդություն՝ այն հետաձգելու վերաբերյալ։
2. Պատճառաբանական մաս
Վարչական մարմինը, հիմք ընդունելով գործում առկա փաստական հանգամանքները, այդ թվում՝ Ընկերության կողմից ներկայացված փաստաթղթերի ուսումնասիրության 2023 թվականի սեպտեմբերի 20-ի արձանագրությունը, Ընկերության կողմից Մարինա Երոյանի ունեցած աշխատավարձի վճարման պարտավությունների վերաբերյալ տեղեկանքը, հաշվի առնելով նաև այն հանգամանքը, որ Սեպուհ Մխճեանը Ընկերության տնօրեն է հանդիսացել 2022 թվականի հուլիսի 29-ից մինչև 2023 թվականի օգոստոսի 14-ն ընկած ժամանակահատվածում (հիմք՝ ՀՀ ԱՆ իրավաբանական անձանց պետական ռեգիստրում Սեպուհ Մխճեանի Ընկերության տնօրեն հանդիսանալու վերաբերյալ առկա տեղեկատվությունը), հաստատված է համարում, որ 2022 թվականի հուլիսի 29-ից մինչև 2023 թվականի օգոստոսի 14-ն ընկած ժամանակահատվածում խախտվել են.
1. ՀՀ աշխատանքային օրենսգրքի 130-րդ և 192-րդ հոդվածների 1-ին մասերի պահանջները, այն է՝
ա. Մարինա Երոյանի 2023 թվականի փետրվար ամսվա աշխատվարձը՝ 57900 ՀՀ դրամը, վճարվել է 2023 թվականի ապրիլի 17-ին,
բ. հաշվարկվել, սակայն Մարինա Երոյանին չի վճարվել 2023 թվականի հունվար ամսվա աշխատավարձը՝ 73300 ՀՀ դրամ, մարտ ամսվա աշխատավարձը՝ 54600 ՀՀ դրամ և ամենամյա արձակուրդը չօգտագործելու համար դրամական հատուցումը՝ 75550 ՀՀ դրամ,
2. ՀՀ աշխատանքային օրենսգրքի 198-րդ հոդվածի պահանջը, այն է՝ 2023 թվականի փետրվար ամսվա աշխատվարձերը սահմանված ժամկետից ուշ վճարման կետանցված յուրաքանչյուր օրվա համար Մարինա Երոյանին չի վճարվել տուժանք՝ վճարման ենթակա գումարի 0,15 տոկոսի չափով, բայց ոչ ավելի, քան վճարման ենթակա գումարի չափը:
«Վարչական իրավախախտումների վերաբերյալ» ՀՀ օրենսգրքի 267-րդ հոդվածի համաձայն` վարչական իրավախախտման վերաբերյալ գործը քննվում է վարչական պատասխանատվության ենթարկվող անձի ներկայությամբ: Գործը կարող է այդ անձի բացակայությամբ քննվել միայն այն դեպքերում, երբ տվյալներ կան գործի քննության տեղի և ժամանակի մասին նրան ժամանակին ծանուցելու վերաբերյալ և եթե նրանից միջնորդություն չի ստացվել գործի քննությունը հետաձգելու մասին:
Վարչական իրավախախտումների վերաբերյալ գործի քննության արդյունքում վարչական մարմինը, քննելով գործում առկա բոլոր փաստական հանգամանքները, հաստատված է համարում, որ կատարվել է վարչական իրավախախտում, որի համար պատասխանատու է 2022 թվականի հուլիսի 29-ից մինչև 2023 թվականի օգոստոսի 14-ը «ՍՄՏ ԲԵՍՏ» ՍՊԸ-ի տնօրեն` Սեպուհ Մխճեանը (նույնականացման քարտ 012440277, տրված 12.03.2020 թվականին, 001-ի կողմից, հասցե՝ քաղաք Երևան, Տերյան փ., 52 շենք., 13 բն.)։
Վերջինիս կողմից վարչական իրավախախտում կատարելու մեջ առկա չեն «Վարչական իրավախախտումների վերաբերյալ» ՀՀ օրենսգրքի 34-րդ հոդվածով սահմանված վարչական պատասխանատվությունը ծանրացնող հանգամանքներ:
«Վարչական իրավախախտումների վերաբերյալ» ՀՀ օրենսգրքի 9-րդ հոդվածի համաձայն` վարչական իրավախախտում (զանցանք) է համարվում պետական կամ հասարակական կարգի, քաղաքացիների իրավունքների և ազատությունների, կառավարման սահմանված կարգի դեմ ոտնձգվող հակաիրավական, մեղավոր (դիտավորյալ կամ անզգույշ) այնպիսի գործողությունը կամ անգործությունը, որի համար օրենսդրությամբ նախատեսված է վարչական պատասխանատվություն:
Նշված իրավանորմից հետևում է, որ օրենսդիրը վարչական իրավախախտման առկայության հիմքում դրել է մեղքի առկայությունը, որը կարող է դրսևորվել դիտավորությամբ կամ անզգուշությամբ:
Վարչական մարմինը գտնում է, որ Սեպուհ Մխճեանի կողմից իրավախախտումը կատարվել է անզգուշությամբ:
«Վարչական իրավախախտումների վերաբերյալ» ՀՀ օրենսգրքի 11-րդ հոդվածի համաձայն` վարչական իրավախախտումը համարվում է անզգուշությամբ կատարված, եթե այն կատարած անձը կանխատեսել է իր գործողության կամ անգործության վնասակար հետևանքների առաջացման հնարավորությունը, բայց հույս է ունեցել կանխելու դրանք, սակայն ոչ գիտակցաբար թույլ է տվել այդ հետևանքների առաջացումը:
«Վարչական իրավախախտումների վերաբերյալ» ՀՀ օրենսգրքի 14-րդ հոդվածի համաձայն` պաշտոնատար անձինք ենթակա են վարչական պատասխանատվության այնպիսի վարչական իրավախախտումների համար, որոնք կապված են կառավարման կարգի, պետական ու հասարակական կարգի, բնության, բնակչության առողջության պահպանության ոլորտում սահմանված կանոնները և մյուս այն կանոնները չպահպանելու հետ, որոնց կատարման ապահովումը մտնում է նրանց պաշտոնեական պարտականությունների մեջ:
Նշված հոդվածից հետևում է, որ 2022 թվականի հուլիսի 29-ից մինչև 2023 թվականի օգոստոսի 14-ն ընկած ժամանակահատվածում «ՍՄՏ ԲԵՍՏ» ՍՊԸ-ի տնօրեն` Սեպուհ Մխճեանը, ՀՀ օրենսդրությամբ սահմանված կարգով քաղաքացիաիրավական և վարչաիրավական հարաբերություններում հանդես է եկել որպես պաշտոնատար անձ:
«Վարչական իրավախախտումների վերաբերյալ» ՀՀ օրենսգրքի 41-րդ հոդվածի 1-ին մասի համաձայն՝ աշխատանքային օրենսդրության և աշխատանքային իրավունքի նորմեր պարունակող այլ նորմատիվ իրավական ակտերի պահանջները խախտելը (բացառությամբ սույն օրենսգրքի 411, 412,41.6, 961 հոդվածներով, 158 հոդվածի տասնիններորդ մասով, 1695, 1698 հոդվածներով նախատեսված դեպքերի)` առաջացնում է նախազգուշացում խախտում թույլ տված անձի նկատմամբ:
«Վարչական իրավախախտումների վերաբերյալ» ՀՀ օրենսգրքի 1698-րդ հոդվածի 1-ին մասի համաձայն՝ գործատուի կողմից Հայաստանի Հանրապետության օրենսդրությամբ սահմանված կարգով կամ ժամկետներում աշխատավարձ չհաշվարկելը կամ չվճարելը կամ ոչ աշխատողի մեղքով առաջացած պարապուրդի ժամանակ վճարում չկատարելը կամ «Նվազագույն ամսական աշխատավարձի մասին» Հայաստանի Հանրապետության օրենքի 1-ին և (կամ) 2-րդ հոդվածներով նախատեսված չափից պակաս աշխատավարձ սահմանելը կամ այդ մեծությունը գերազանցող չափով աշխատավարձը սխալ հաշվարկելը` առաջացնում է տուգանքի նշանակում խախտում թույլ տված անձի նկատմամբ` յուրաքանչյուր աշխատողի մասով չհաշվարկված կամ չվճարված աշխատավարձի մեկ քառորդի չափով:
3. Եզրափակիչ մաս
Ղեկավարվելով «Վարչական իրավախախտումների վերաբերյալ» ՀՀ օրենսգրքի 230-րդ, 279-րդ, 281-րդ, 283-րդ հոդվածներով, 282-րդ հոդվածի 1-ին մասով՝
Որոշեցի
1. Սեպուհ Մխճեանին, որպես խախտում թույլ տված անձ՝
1) ՀՀ աշխատանքային օրենսգրքի 198-րդ հոդվածի պահանջը խախտելու համար «Վարչական իրավախախտումների վերաբերյալ» ՀՀ օրենսգրքի 41-րդ հոդվածի 1-ին մասի համաձայն ենթարկել վարչական տույժի՝ նախազգուշացման,
2) ՀՀ աշխատանքային օրենսգրքի 130-րդ և 192-րդ հոդվածների 1-ին մասերի պահանջները խախտելու համար, այն է՝ Մարինա Երոյանի 2023 թվականի հունվար, փետրվար, մարտ ամիսների աշխատվարձերը և չօգտագործված ամենամյա արձակւրդի համար հատուցումը, ընդհանուր գումարով՝ 261350 (երկու հարյուր վաթսունմեկ հազար երեք հարյուր հիսուն) ՀՀ դրամ չվճարելու և/կամ սահմանված ժամկետից ուշ վճարելու համար «Վարչական իրավախախտումների վերաբերյալ» ՀՀ օրենսգրքի 1698-րդ հոդվածի 1-ին մասի համաձայն ենթարկել վարչական տույժի՝ սահմանված ժամկետում չվճարված աշխատավարձի մեկ քառորդի չափով՝ 65337 (վաթսունհինգ հազար երեք հարյուր երեսունյոթ) ՀՀ դրամ վարչական տուգանքի։
2. Սույն որոշումը ծանուցել Սեպուհ Մխճեանին, հասցե՝ քաղաք Երևան, Տերյան փ., 52 շենք., 13 բն.։
3. Սույն վարչական ակտն ուժի մեջ է մտնում վարչական վարույթի մասնակիցներին իրազեկելուն հաջորդող օրվանից:
4. Սույն որոշումը ստանալու օրվանից 30 օրվա ընթացքում կարող է բողոքարկվել ակտն ընդունած Տեսչական մարմին կամ ՀՀ վարչական դատավարության օրենսգրքի
72-րդ հոդվածով սահմանված ժամկետում՝ ՀՀ վարչական դատարան:
5. Իրերի և փաստաթղթերի հարցը լուծվել է։
ՂԵԿԱՎԱՐԻ ՏԵՂԱԿԱԼ՝
ՎԱՀԱԳՆ ԳՐԻԳՈՐՅԱՆ
Ինձ բացատրվել է, որ համաձայն «Վարչական իրավախախտումների վերաբերյալ» ՀՀ օրենսգրքի 305-րդ հոդվածի 1-ին մասի, տուգանքը պետք է վճարվի տուգանք նշանակելու մասին որոշումը հանձնելու օրվանից ոչ ուշ, քան տասնհինգ օրվա ընթացքում, իսկ այդ որոշումը գանգատարկելու կամ բողոքարկելու դեպքում` գանգատը կամ բողոքը առանց բավարարման թողնելու մասին ծանուցման օրվանից ոչ ուշ, քան տասնհինգ օրվա ընթացքում:
Ծանոթություն`
Իրավախախման համար կիրառվող տուգանքի վճարման պետբյուջեի հաշվի համարը` ՀՀ առողջապահական և աշխատանքի տեսչական մարմնի համար իրավախախտումների համար կիրառվող տուգանքների և պատժամիջոցների մուտքեր N900005024097.
Որոշումը ստացա ______________________________________________________________________________________________________________________
(անունը, հայրանունը, ազգանունը, պաշտոնը, ամսաթիվը)
______________________________________________________________________________________________________________________
Որոշումը ստանալուց և ստորագրելուց հրաժարվելու մասին նշում ______________________________________________________________________________________________________________________
Նշում որոշումը պատվիրված փոստով ուղարկելու և ստանալու ծանուցման մասին
____________________________________________________________________________________________________________________________________________________________________________________________________________________________________________
(ուղարկելու ամսաթիվը, փոստային առաքանու համարը, փոստային առաքանին հասցեատիրոջը հանձնելու վերաբերյալ ծանուցագրի համարը)
