Ո Ր Ո Շ ՈՒ Մ N Տ(19)233799-Ա Վարչական տույժ նշանակելու մասին
26.04.2024
Ո Ր Ո Շ ՈՒ Մ N Տ(19)233799-Ա
Վարչական տույժ նշանակելու մասին
քաղաք Երևան «23» հոկտեմբերի 2023թ․
Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմնի (այսուհետ՝ Տեսչական մարմին) ղեկավար Գարեգին Խաչատրյանս, ուսումնասիրելով Մարատ Սերգեյի Ավագյանի (այսուհետ նաև՝ վարորդ, անձնագիր՝ AT0644963) նկատմամբ 2023 թվականի հոկտեմբերի 08-ին կազմված թիվ Տ(19)233799 արձանագրությունը (այսուհետ՝ Արձանագրություն) և վարչական վարույթի վերաբերյալ այլ նյութերը`
ՊԱՐԶԵՑԻ
Տեսչական մարմնի մասնագետների կողմից իրականացվել են վերահսկողական գործառույթներ՝ ընդհանուր օգտագործման պետական ավտոմոբիլային ճանապարհով թույլատրելի առավելագույն զանգվածը գերազանցող ծանրաքաշ և (կամ) մեկ սռնու վրա ընկնող բեռնվածքը գերազանցող տրանսպորտային միջոցների նկատմամբ, որի արդյունքում կազմվել է թիվ Տ(19)233799 արձանագրությունը և կշռման թիվ 20810230149 կշռման անդորրագիրը (կշեռք՝ ԷԴԵՍՍԱ-ԱՍ գ/հ 1, ստուգաչափման համար՝ թիվ 075731)՝ վարորդ Մարատ Սերգեյի Ավագյանի կողմից կատարված վարչական իրավախախտման փաստի վերաբերյալ, այն է՝ 08․10․2023թ․-ին, ժամը՝ 18։53-ին, Մ-2 միջպետական նշանակության Ա/Ճ-ի 200-000 կմ հատվածում երթևեկել է երկու սռնի ունեցող կիսակցորդի սռնիների ընդհանուր բեռնվածքը 2․540 կիլոգրամով գերազանցող 3 սռնի ունեցող ԿԱՄԱԶ «KAMAZ» մակնիշի 37 QR 235 հաշվառման համարանիշի մեխանիկական տրանսպորտային միջոցով և 2 սռնի ունեցող ՕԴԱԶ «ODAZ» 02 A 724 հաշվառման համարանիշի կիսակցորդով։
Այսինքն՝ խախտվել է Ավտոմոբիլային ճանապարհների մասին օրենքի 10-րդ հոդվածի 6-րդ մասի «է» կետի պահանջը, որի համար նախատեսված է վարչական պատասխանատվություն Վարչական իրավախախտումների վերաբերյալ Հայաստանի Հանրապետության օրենսգրքի 150․3-րդ հոդվածի 1-ին մասով։
Ավտոմոբիլային ճանապարհների մասին օրենքի 10-րդ հոդվածի 6-րդ մասի «է» կետի համաձայն՝ ընդհանուր օգտագործման ավտոմոբիլային ճանապարհներով արգելվում են` թույլատրելի առավելագույն զանգվածը և (կամ) մեկ սռնու վրա ընկնող բեռնվածքը գերազանցող ծանրաքաշ տրանսպորտային միջոցների երթևեկությունը, բացառությամբ չմասնատվող բեռների։
Վարչական իրավախախտումների վերաբերյալ Հայաստանի Հանրապետության օրենսգրքի 150․3-րդ հոդվածի 1-ին մասի համաձայն՝ Հայաստանի Հանրապետության ընդհանուր օգտագործման պետական ավտոմոբիլային ճանապարհներով թույլատրելի առավելագույն զանգվածը գերազանցող ծանրաքաշ և (կամ) մեկ սռնու (սռնիների) վրա ընկնող բեռնվածքը գերազանցող տրանսպորտային միջոցներով երթևեկելը` առաջացնում է տուգանքի նշանակում` մինչև մեկ տոննա և ավել յուրաքանչյուր տոննայի համար` սահմանված նվազագույն աշխատավարձի երկուհարյուրապատիկի չափով:
ՀՀ կառավարության 2006 թվականի հուլիսի 20-ի թիվ 1106-Ն որոշման Հավելված 2-ով (այսուհետ նաև՝ Հավելված) հաստատվել են տրանսպորտային միջոցների թույլատրելի առավելագույն զանգվածը և (կամ) մեկ սռնու վրա ընկնող բեռնվածքը, ինչպես նաև մեծ եզրաչափերի առավելագույն չափերը։ Համաձայն նշված հավելվածի 3.4.3 կետի՝ երկու սռնի ունեցող կցորդի կամ կիսակցորդի սռնիների ընդհանուր բեռնվածությունը, երբ սռնիների միջև հեռավորությունը (d)` 1,3 մետրից մինչև 1,8 մետր է (1,3 ≤ d < 1,8), թույլատրելի առավելագույն բեռնվածությունը՝ 18․000 կիլոգրամ է։
Վարչական իրավախախտման վերաբերյալ գործի քննությունը նշանակվել է 20․10․2023թ․-ին ժամը՝ 16։00-ին, որի մասին Մարատ Սերգեյի Ավագյանը պատշաճ ծանուցվել է 08․10․2023թ․-ին, ժամը 18։53-ին, սակայն գործի քննության նշանակված օրը չի ներկայացել։
Համաձայն թիվ 20810230149 կշռման անդորրագրի՝ տրանսպորտային միջոցի ընդհանուր զանգվածը կշռման պահին կազմել է 37․190 կգ․, որից 1-ին սռնին՝ 3․810 կգ․, 2-րդ սռնին՝ 6․030 կգ․, 3-րդ սռնին՝ 6․810 կգ․, 4-րդ սռնին՝ 10․530 կգ․, 5-րդ սռնին՝ 10․010 կգ․։
Այսպիսով, վարչական վարույթի ընթացքում հետազոտված ապացույցներով հիմնավորվել է Մարատ Սերգեյի Ավագյանի կողմից կատարված իրավախախտման փաստը:
Օրենսդրական պահանջների և չափորոշիչների հաշվառմամբ` վարչական վարույթի նյութերի հետազոտումից պարզվել է, որ վարչական վարույթի նյութերում առկա են իրավախախտման փաստը հաստատող բավարար ապացույցներ (տրանսպորտի բնագավառում վարչական իրավախախտում կատարելու վերաբերյալ թիվ Տ(19)233799 արձանագրությունը, կշռման թիվ 20810230149 կտրոնը, լուսանկարի պատճենը և այլ նյութեր):
Վերոգրյալի հիման վրա և ղեկավարվելով Վարչական իրավախախտումների վերաբերյալ Հայաստանի Հանրապետության օրենսգրքի 24413-րդ հոդվածով, 281-րդ հոդվածով, 282-րդ հոդվածի 1-ին կետով՝
ՈՐՈՇԵՑԻ
Մարատ Սերգեյի Ավագյանին ենթարկել վարչական պատասխանատվության և նրա նկատմամբ նշանակել վարչական տույժ՝ տուգանք 400․000 (չորս հարյուր հազար) ՀՀ դրամ գումարի չափով:
Ծանոթություն․
Սույն որոշումը կարող է բողոքարկվել այն սահմանված կարգով հանձնելու (հանձնված համարվելու) օրվանից հետո՝ երեսուն օրվա ընթացքում Տեսչական մարմին կամ ՀՀ վարչական դատարան՝ օրենքով սահմանված կարգով և ժամկետներում:
Տուգանքի գումարն անհրաժեշտ է վճարել ՀՀ պետական բյուջե՝ Հայաստանի Հանրապետության ֆինանսների նախարարության կենտրոնական գանձապետարանի՝ 900005001517 հաշվեհամարին:
ԳԱՐԵԳԻՆ ԽԱՉԱՏՐՅԱՆ
Տուգանքի գումարը վճարելիս անհրաժեշտ է նպատակը դաշտում նշել որոշման համարը։
Հասցե` 0054 ՀՀ ք․ Երևան, Ա․ Միկոյան 109/8
Հեռ..` 060708510
Էլ. փոստ`