Հայաստանի Հանրապետության ինտերնետով ծանուցման պաշտոնական կայք

Պարտապան «ԱՐՍ-ՇԻՆ» սահմանափակ պատասխանատվությամբ ընկերության տնօրեն՝ Էդգար Գառնիկի Ավեյանին
(ք. Երևան, Նոր Նորք, Թոթովենցի փող., շ.1/17)

Հայաստանի Հանրապետության սնանկության դատարանի (դատավոր՝ Ն. Հարությունյան) 2022 թվականի սեպտեմբերի 20-ի որոշմամբ՝ Հայաստանի Հանրապետության պետական եկամուտների կոմիտեի դիմումն ընդդեմ «ԱՐՍ-ՇԻՆ» սահմանափակ պատասխանատվությամբ ընկերության՝ «ԱՐՍ-ՇԻՆ» սահմանափակ պատասխանատվությամբ ընկերությանը սնանկ ճանաչելու պահանջի մասին, ընդունվել է վարույթ:
Դիմումը վարույթ ընդունելու մասին որոշումը, դիմումի և կից փաստաթղթերի պատճենները 2022 թվականի սեպտեմբերի 22-ին ուղարկվել են պարտապան «ԱՐՍ-ՇԻՆ» սահմանափակ պատասխանատվությամբ ընկերությանը՝ ՀՀ, Վայոց ձորի մարզ, գ. Ելփին, 25 փ., տուն 42 հասցեով: Նշված փոստային առաքանին հետ է վերադարձվել ՀՀ սնանկության դատարան (այսուհետ նաև` Դատարան)՝ «Անհայտ» նշումով։
Դիմումը վարույթ ընդունելու մասին որոշումը 2022 թվականի սեպտեմբերի 22-ին ուղարկվել է պարտապան «ԱՐՍ-ՇԻՆ» սահմանափակ պատասխանատվությամբ ընկերության տնօրեն Էդգար Գառնիկի Ավեյանին՝ քաղաք Երևան, Նոր Նորք, Թոթովենցի փող., շ. 1/17 հասցեով: Նշված փոստային առաքանին հետ է վերադարձվել Դատարան՝ «Չպահանջված» նշումով։
Դատարանի սնանկության գործով ժամանակավոր կառավարիչ նշանակելու մասին որոշումը 2022 թվականի սեպտեմբերի 22-ին ուղարկվել է պարտապան «ԱՐՍ-ՇԻՆ» սահմանափակ պատասխանատվությամբ ընկերությանը՝ ՀՀ, Վայոց ձորի մարզ, գ. Ելփին, 25 փ., տուն 42 հասցեով, իսկ «ԱՐՍ-ՇԻՆ» սահմանափակ պատասխանատվությամբ ընկերության տնօրեն Էդգար Գառնիկի Ավեյանին՝ քաղաք Երևան, Նոր Նորք, Թոթովենցի փող., շ. 1/17 հասցեով: Նշված փոստային առաքանիները հետ են վերադարձվել Դատարան՝ «Անհայտ» և «Չպահանջված» նշումներով։
ՀՀ քաղաքացիական դատավարության օրենսգրքի 99-րդ հոդվածի 3-րդ մասի համաձայն՝ այն դեպքերում, երբ, սույն օրենսգրքի համաձայն, դատավարական ժամկետի հաշվարկն սկսվում է դատավարական փաստաթուղթն ստանալու օրվանից, և դատավարության մասնակիցը հրաժարվել է ստանալ դատավարական փաստաթուղթը, կամ դատարանին հայտնի հասցեով ուղարկված դատավարական փաստաթուղթը վերադարձվել է, կամ ուղարկելու օրվանից երկշաբաթյա ժամկետում դատարանը չի ստացել այն ստանալու մասին անդորրագիրը, կամ դատավարության մասնակցի հասցեն անհայտ է, ապա դատարանը սույն օրենսգրքի 95-րդ հոդվածի 5-րդ մասով նախատեսված գործողությունները կատարելու հետ միաժամանակ Հայաստանի Հանրապետության հրապարակային ծանուցումների պաշտոնական ինտերնետային կայքում տեղադրում է հրապարակային ծանուցում, որ նշված դատավարական փաստաթղթերը դեպոնացված են առաջին ատյանի դատարանում` դրանց ծանոթանալու նպատակով: Դատավարական փաստաթղթերի դեպոնացման մասին հրապարակային ծանուցումը Հայաստանի Հանրապետության հրապարակային ծանուցումների պաշտոնական ինտերնետային կայքում տեղադրելուց հետո՝ 15-րդ օրը, դատավարական փաստաթղթերը համարվում են հանձնված (ստացված):
Թիվ ՍնԴ/2645/04/22 սնանկության գործով պարտապանին սնանկ ճանաչելու դիմումը և կից փաստաթղթերը, պարտապանին ուղարկված ծանուցումները, ինչպես նաև Դատարանի դիմումը վարույթ ընդունելու որոշումը և սնանկության գործով ժամանակավոր կառավարիչ նշանակելու մասին որոշումը դեպոնացված են Հայաստանի Հանրապետության սնանկության դատարանում (հասցե՝ ք. Վայք, Ջերմուկի խճուղի 8)՝ դրանց ծանոթանալու նպատակով:
Պարզաբանում. Համաձայն «Սնանկության մասին» ՀՀ օրենքի 17-րդ հոդվածի 1-ին մասի 2-րդ և 3-րդ պարբերությունների՝ հարկադրված սնանկության վերաբերյալ դիմումը վարույթ ընդունելու մասին որոշումը ստանալուց հետո՝ հնգօրյա ժամկետում պարտապանը պարտավոր է դատարան ներկայացնել սույն օրենքի 12-րդ հոդվածով նախատեսված փաստաթղթերը և կրում է դրանք չներկայացնելու պատճառով առաջացող իրավական հետևանքների ռիսկը: Եթե դատարանի որոշումն ստանալուն հաջորդող 15 օրվա ընթացքում պարտապանը գրավոր չի վիճարկում իր սնանկությունը, ապա մեկշաբաթյա ժամկետում դատավորն առանց դատական նիստ հրավիրելու վճիռ է կայացնում պարտապանին սնանկ ճանաչելու մասին, եթե պարտապանն անվճարունակ է կամ առկա են սույն օրենքի 3-րդ հոդվածի 2-րդ մասի 2-րդ կետով նախատեսված հիմքերը:


ԴԱՏԱՎՈՐԻ ՕԳՆԱԿԱՆ` Մ.ՊՈՂՈՍՅԱՆ

Հասցե` Վայոց Ձորի մարզ, ք.Վայք, Ջերմուկի խճ.8

Հեռ..` 0282 2 32 24

Էլ. փոստ`