թիվ ԵԴ/36168/02/20 քաղաքացիական գործով դատական ծանուցագիր
19.02.2023
0008, ք.Երևան, Մ. Խորենացու 162Ա
Հեռ. /010 57-66-13/
Հայցվոր՝ Հայկուհի Հայկի Հարությունյանին
/Ծանուցման հասցե՝ ք. Երևան, Կորյունի 15/
Պատասխանող՝«ՎԵՏՕ» հասարակական-քաղաքական շարժման ղեկավար
Նարեկ Մալյան
/Հասցե՝ ք.Երևան, Ղազար Փարպեցու փող. 22 շենք, 3բն./
Դատավոր Լ. Գրիգորյանի վարույթում է քննվում ԵԴ/36168/02/20 քաղաքացիական գործով ըստ հայցի Հայկուհի Հայկի Հարությունյանի ընդդեմ «ՎԵՏՕ» հասարակական-քաղաքական շարժման ղեկավար Նարեկ Մալյանի՝ զրպարտություն համարվող փաստացի տվյալները հրապարակայնորեն հերքելուն պարտավորեցնելու և վնասի փոխհատուցում տրամադրելուն պարտավորեցնելու պահանջի մասին:
Միաժամանակ տեղեկացնում եմ, որ ՀՀ քաղաքացիական դատավարության օրենսգրքի 147-րդ հոդվածի համաձայն`գործին մասնակցող անձն իրավունք ունի դատարանին խնդրել գործը քննել իր բացակայությամբ` ներկայացված փաստաթղթերի և նյութերի հիման վրա: Գործին մասնակցող անձն իրավունք ունի դատարանին խնդրել դատական նիստն անցկացնել իր բացակայությամբ: Դատական նիստի ժամանակի և վայրի մասին ծանուցված գործին մասնակցող անձի չներկայանալը դատական նիստին արգելք չէ գործի քննության համար:
ՀՀ քաղաքացիական դատավարության օրենսգրքի 180-րդ հոդվածի 1–ին կետի 11–րդ մասի համաձայն` առաջին ատյանի դատարանը դատավարության ցանկացած փուլում հայցը կամ դիմումը թողնում է առանց քննության, եթե` ծանուցված հայցվորը (դիմողը) կամ նրա ներկայացուցիչը չի ներկայացել երկու հաջորդական դատական նիստերին և չի ներկայացրել գործի քննությունը հետաձգելու կամ գործն իր բացակայությամբ լուծելու վերաբերյալ միջնորդություն, և պատասխանողը չի միջնորդել գործի քննությունը շարունակելու վերաբերյալ:
Դատարան անհրաժեշտ է ներկայանալ անձը հաստատող փաստաթղթով, իսկ դատարանին տեղեկություններ հաղորդել և դատավարական փաստաթղթեր ուղարկել կարող եք նաև erebuni-dataran@mail.ru էլեկտրոնային հասցեով:
Տեղեկացնում եմ, որ դատական նիստը հետաձգվել և նշանակվել է 2023 թվականի ապրիլի 13-ին, ժամը 12:30-ին, Երևան քաղաքի ընդհանուր իրավասության քաղաքացիական դատարանի Էրեբունի նստավայրում, դահլիճ թիվ 6:
ԴԱՏԱՎՈՐԻ ԳՈՐԾԱՎԱՐ ` Տ. ԳԵՎՈՐԳՅԱՆ
