Հայաստանի Հանրապետության ինտերնետով ծանուցման պաշտոնական կայք

04.08․2023թ-ին, ժամը 14։00-ին նշանակված ՀՀ Սնանկության դատարանի 13.04.2021թ. թիվ ՍնԴ/0113/04/21 վճռով սնանկ ճանաչված Արգեն Ժորայի Գեղամյանին պատկանող, ինչպես նաև Արգեն Ժորայի Գեղամյանին և երրորդ անձ Նազիկ Շավարշի Գևորգյանին համատեղ սեփականության իրավունքով պատկանող, որպես «ԴԱՐ ՖՈՒԴ» ՍՊԸ-ի պարտավորությունների կատարման ապահովման միջոց «Հայբիզնեսբանկ» ՓԲԸ-ում գրավադրված գույքերի բաց աճուրդը չի կայացել հայտեր չլինելու պատճառով:
08․09.2023թ-ին, ժամը 14։00-ին, ՀՀ Սնանկության դատարանի 13.04.2021թ. թիվ ՍնԴ/0113/04/21 վճռով սնանկ ճանաչված Արգեն Ժորայի Գեղամյանի սնանկության գործով կառավարիչ Արտակ Պետրոսյանի կողմից, հիմք ընդունելով ՀՀ Սնանկության դատարանի թիվ ՍնԴ/0113/04/21 սնանկության գործով 22.05.2023թ. որոշումը, ՀՀ, ք․Երևան, Տիգրան Մեծի 65ա հասցեում /7-րդ հարկ, 703 սենյակ/ կանցկացվի ՀՀ Սնանկության դատարանի 13.04.2021թ. թիվ ՍնԴ/0113/04/21 վճռով սնանկ ճանաչված Արգեն Ժորայի Գեղամյանին պատկանող, ինչպես նաև Արգեն Ժորայի Գեղամյանին և երրորդ անձ Նազիկ Շավարշի Գևորգյանին համատեղ սեփականության իրավունքով պատկանող, որպես «ԴԱՐ ՖՈՒԴ» ՍՊԸ-ի պարտավորությունների կատարման ապահովման միջոց «Հայբիզնեսբանկ» ՓԲԸ-ում գրավադրված գույքերի բաց աճուրդը:
Աճուրդի ներկայացված թիվ 1 և թիվ 2 լոտերի մեկնարկային արժեքը 10 տոկոսով նվազեցված են նախորդ աճուրդի մեկնարկային արժեքից և կազմում են․
Լոտ 1 - ՀՀ, Կոտայքի մարզ, ք. Եղվարդ, Թարգմանչաց փողոց, 1-ին նրբանցք, թիվ 11 հասցեում գտնվող անշարժ գույք /444,1 քմ ընդհանուր մակերեսով բնակելի տուն, 0,08 հա ընդհանուր մակերեսով բնակելի կառուցապատման հողամաս, անշարժ գույքի նկատմամբ իրավունքների պետական գրանցման վկայական թիվ 06122017-07-0009, կադաստրային ծածկագիր 07-004-0000-0000-001, սեփականության իրավունքով պատկանում է պարտապան Արգեն Ժորայի Գեղամյանին, որպես «ԴԱՐ ՖՈՒԴ» ՍՊԸ-ի պարտավորությունների կատարման ապահովման միջոց գրավադրված է «Հայբիզնեսբանկ» ՓԲԸ-ում/ - մեկնարկային արժեքը կազմում է 53.589.600 (հիսուներեք միլիոն հինգ հարյուր ութսունիննը հազար վեց հարյուր) ՀՀ դրամ,
Լոտ 2 - ՀՀ, Կոտայքի մարզ, ք. Եղվարդ, Շիրակի փողոց, թիվ 73 հասցեում գտնվող անշարժ գույք /319,4 քմ ընդհանուր մակերեսով բնակելի տուն, 39,6 քմ ընդհանուր մակերեսով տնտեսական շինություն /կիսակառույց/, 30,8 քմ ընդհանուր մակերեսով տնտեսական շինություն /թոնրատուն/, անշարժ գույքի նկատմամբ իրավունքների պետական գրանցման վկայական թիվ 05122017-07-0041, կադաստրային ծածկագիր 07-004-0196-0020, ընդհանուր բաժնային սեփականության իրավունքով պատկանում է պարտապան Արգեն Ժորայի Գեղամյանին /1/4/ և Նազիկ Շավարշի Գևորգյանին /3/4/, որպես «ԴԱՐ ՖՈՒԴ» ՍՊԸ-ի պարտավորությունների կատարման ապահովման միջոց գրավադրված է «Հայբիզնեսբանկ» ՓԲԸ-ում/ - մեկնարկային արժեքը կազմում է 33.728.400 (երեսուներեք միլիոն յոթ հարյուր քսանութ հազար չորս հարյուր) ՀՀ դրամ
Գնորդը կատարելու է գույքի ձևակերպման, գրանցման հետ կապված ծախսերը:
Գույքի աճուրդը կանցկացվի «Պարտապանին պատկանող գույքը հրապարակային սակարկություններով վաճառելու կարգը հաստատելու մասին» ՀՀ արդարադատության նախարարի ՝ 16.03.2020թ. թիվ 116-Ն հրամանի համաձայն:
Աճուրդին մասնակցելու ցանկություն ունեցող անձինք աճուրդի հայտարարությամբ սահմանված ժամկետում` բայց ոչ ուշ, քան աճուրդի անցկացման օրվանից հինգ օր առաջ, կարող են աճուրդի մասնակցության հայտ (այսուհետ՝ հայտ) ներկայացնել ՀՀ, ք․ Երևան, Օտյան 53/2 հասցեում գտնվող ՀՀ Սնանկության դատարանի գրասենյակ՝ հայտը գրասենյակի միջոցով կառավարչին փոխանցելու (տրամադրելու) համար:
Հայտում պետք է նշվեն.
1) հայտատու իրավաբանական անձի անվանումը, ծանուցման հասցեն, իրավաբանական անձի ներկայացուցչի (նրա անունից հանդես եկող անձի) անունը, ազգանունը, կոնտակտային տվյալները.
2) հայտատու ֆիզիկական անձի անունը, ազգանունը, ծանուցման հասցեն, կոնտակտային տվյալները, ներկայացուցչի միջոցով հանդես գալու դեպքում՝ ներկայացուցչի անունը, ազգանունը, ծանուցման հասցեն, կոնտակտային տվյալները.
3) պարտապանի անվանումը (ֆիզիկական անձի դեպքում՝ անունը, ազգանունը).
4) աճուրդի անցկացման օրը, ամիսը, տարեթիվը.
5) կառավարչի անունը, ազգանունը.
6) հայտին կցվող փաստաթղթերի ցանկը:
Հայտը ստորագրվում է հայտատուի (նրա անունից հանդես եկող անձի, ներկայացուցչի) կողմից:
Հայտին կից ներկայացվում են.
1) լոտի մեկնարկային գնի 5 տոկոսի չափով նախավճարի վճարումը աճուրդի մասին հայտարարությունում նշված սնանկության հատուկ հաշվին կատարված լինելու փաստը հաստատող անդորրագիրը.
2) լոտի մեկնարկային գնի 1 տոկոսի, բայց ոչ ավել, քան նվազագույն աշխատավարձի երկուհարյուրապատիկի չափով աճուրդի մասնակցության վճարի վճարումը աճուրդի մասին հայտարարությունում նշված սնանկության հատուկ հաշվին կատարված լինելու փաստը հաստատող անդորրագիրը.
3) լիազորագիր, եթե հայտատուն հանդես է գալիս լիազորված անձի միջոցով.
4) իրավաբանական անձ հայտատուների դեպքում՝ նաև պետական գրանցումը հավաստող փաստաթղթի և կանոնադրության, ինչպես նաև իրավաբանական անձի ներկայացուցչի անձը հաստատող փաստաթղթի պատճենները.
5) անհատ ձեռնարկատեր հայտատուների դեպքում՝ նաև պետական հաշվառումը հավաստող փաստաթղթի և անձը հաստատող փաստաթղթի պատճենները.
6) անհատ ձեռնարկատեր չհանդիսացող ֆիզիկական անձ հայտատուների դեպքում՝ նաև անձը հաստատող փաստաթղթի պատճենը:
Աճուրդին կարող են ներկա գտնվել նաև աճուրդի մասնակից չհամարվող անձինք, ներառյալ` Հայաստանի Հանրապետության արդարադատության նախարարի (այսուհետ` նախարար) գրավոր հանձնարարությամբ` Հայաստանի Հանրապետության արդարադատության նախարարության ներկայացուցիչները (այսուհետ` աճուրդի մասնակից չհամարվող անձ): Աճուրդի մասնակից չհամարվող անձինք, բացառությամբ Հայաստանի Հանրապետության արդարադատության նախարարության ներկայացուցիչների, աճուրդին ներկա գտնվելու համար վճարում են 10․000 /տաս հազար/ ՀՀ դրամի չափով մուտքի վճար։
Աճուրդի մասնակից չհամարվող անձինք աճուրդին ներկա գտնվելու համար աճուրդի հայտարարությամբ սահմանված ժամկետում` բայց ոչ ուշ, քան աճուրդի անցկացման օրվանից հինգ օր առաջ ՀՀ, Կոտայքի մարզ, ք․ Չարենցավան, 6-րդ թաղամաս, 16-րդ շենք, 23-րդ բնակարան հասցեին ուղարկում են ծանուցում աճուրդին ներկա գտնվելու ցանկության մասին` նշելով ներկա գտնվելու ցանկություն ունեցող անձի անունը, ազգանունը, ծանուցման հասցեն, կոնտակտային տվյալները: Ծանուցմանը կցվում են անձը հաստատող փաստաթղթի պատճենը (նախարարության ներկայացուցիչների դեպքում` նաև նախարարի գրավոր հանձնարարականը), ինչպես նաև մուտքի վճարի վճարումը աճուրդի մասին հայտարարությունում նշված սնանկության հատուկ հաշվին կատարված լինելու փաստը հաստատող անդորրագիրը: Սույն կետով նախատեսված կարգը չի տարածվում աճուրդի մասնակից չհամարվող անձ հանդիսացող` Հայաստանի Հանրապետության արդարադատության նախարարության ներկայացուցիչների վրա:
Աճուրդի մասնակցության 1 տոկոս վճարի և 5 տոկոս նախավճարի գումարները, ինչպես նաև աճուրդի մասնակից չհամարվող անձանց համար մուտքի վճարի գումարը պետք է վճարվեն «ՎՏԲ-Հայաստան բանկ» ՓԲԸ-ի Չարենցավանի մասնաճյուղում բացված Արգեն Ժորայի Գեղամյանի թիվ 16028027960763 սնանկության հատուկ հաշվին։
Աճուրդում հաղթող է համարվում առավել գին առաջարկող մասնակիցը:
Աճուրդում հաղթած և աճուրդի արդյունքների մասին արձանագրությունը ստորագրած անձը պարտավոր է վճարել լոտի վաճառքի գինը արձանագրությունը ստորագրելուց հետո՝ տասն օրվա ընթացքում` նվազեցնելով վճարված նախավճարի չափը: Նշված ժամկետում վաճառքի գինն ամբողջությամբ չվճարելու դեպքում աճուրդը համարվում է չկայացած, իսկ աճուրդի հաղթողի կողմից վճարված նախավճարը և մասնակցության վճարը չեն վերադարձվում: Վաճառքի գինն ամբողջությամբ վճարվելուց, այն փաստացի սնանկության հատուկ հաշվին մուտքագրվելուց և սահմանված վճարումների կատարումը հավաստող փաստաթղթերը կառավարչին ներկայացնելուց հետո՝ հինգ աշխատանքային օրվա ընթացքում կնքվում է լոտի առուվաճառքի պայմանագիր:
Աճուրդի ընթացքը ձայնագրվելու կամ տեսագրվելու է կառավարչի կողմից:
Մանրամասներին ծանոթանալու և լոտերն ուսումնասիրելու համար ցանկացողները կարող են աճուրդին նախորդող 7 աշխատանքային օրերի ընթացքում, ժամը 12։00-ից մինչև ժամը 14։00, բայց ոչ ուշ, քան աճուրդի անցկացման օրվանից հինգ օր առաջ, դիմել Արգեն Ժորայի Գեղամյանի սնանկության գործով կառավարիչ Ա. Պետրոսյանին (ՀՀ, ք․ Երևան, Տիգրան Մեծի 65ա հասցեում /7-րդ հարկ, 703 սենյակ/, հեռ. (077) 19-10-76)։

Հասցե` ՀՀ, Կոտայքի մարզ, ք. Չարենցավան, 6-րդ թաղ, 16շ., 23բն.

Հեռ..` +374 77191076

Էլ. փոստ`