Հայաստանի Հանրապետության ինտերնետով ծանուցման պաշտոնական կայք

Ջրվեժ համայնքի ղեկավարի որոշման կարգավորման առարկան

«ԷԿՈԱԳՐՈՖՈՒԴ» սահմանափակ պատասխանատվությամբ ընկերոիթյունը, հանդիսանալով անշարժ գույքի հարկ վճարող սուբյեկտ, Հարկային օրենսգրքով սահմանված կարգով չի կատարել անշարժ գույքի հարկ վճարելու պարտականությունը, ինչի կապակցությամբ 2023 թվականի մայիսի 11-ին «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի և 34-րդ հոդվածի հիմքով Ջրվեժի համայնքապետարանի աշխատակազմում հարուցվել է վարչական վարույթ՝ անշարժ գույքի հարկի գումարի գանձման հարցի քննության նպատակով։

«Վարչարարության հիմունքների և վարչական վարույթի մասին» օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը․

Վարչական ակտն ընդունելու համար հիմք հանդիսացող փաստերը․

Համաձայն Հայաստանի Հանրապետության անշարժ գույքի կադաստրի կոմիտեի կողմից տրված ելակետային տվյալների՝ հարկման օբյեկտ հանդիսացող, Ջրվեժ համայնք, գյուղ Ձորաղբյուր, Ջերմոցների փողոց, թիվ 2 հասցեում գտնվող անշարժ գույքը (կադաստրային ծածկագիր՝ 07-042-0326-0047) հանդիսանում է «ԷԿՈԱԳՐՈՖՈՒԴ» սահմանափակ պատասխանատվությամբ ընկերության սեփականությունը (ՀՎՀՀ 01295127, հասցեն՝ ք․Երևան, Կենտրոն, Մաշտոցի պողոտա, 24 շենք, բն․7)։ Համայնքի բյուջե վճարման ենթակա անշարժ գույքի հարկը 2019-2022 թվականների համար կազմում է 3 298 179 (երեք միլիոն երկու հարյուր իննսունութ հազար մեկ հարյուր յոթանասունինը) Հայաստանի Հանրապետության դրամ, որը սահմանված ժամկետում չի վճարվել։ «ԷԿՈԱԳՐՈՖՈՒԴ» սահմանափակ պատասխանատվությամբ ընկերության նշված ժամանակահատվածի համար անշարժ գույքի հարկը օրենքով սահմանված ժամկետում չվճարելու արդյունքում առաջացել է տույժ՝ 591 667 (հինգ հարյուր իննսունմեկ հազար վեց հարյուր վաթսունյոթ) դրամի չափով, որի համար 2023 թվականի մայիսի 11-ին «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի և 34-րդ հոդվածի հիմքով հարուցվել է վարչական վարույթ։

Հարուցված վարչական վարույթի շրջանակներում 2023 թվականի հունիսի 7-ին հրավիրվել են վարչական վարույթի լսումներ, որին մասնակցելու նպատակով պատշաճ ծանուցվել է «ԷԿՈԱԳՐՈՖՈՒԴ» սահմանափակ պատասխանատվությամբ ընկերությանը։ Վերջինս վարչական վարույթի լսումների չի ներկայացել։

Վարչական ակտն ընդունելու հիմնավորումը․

Համաձայն Հայաստանի Հանրապետության Սահմանադրության՝ յուրաքանչյուր ոք պարտավոր է օրենքով սահմանված կարգով և չափով մուծել հարկեր, կատարել պարտադիր այլ վճարումներ։

Համաձայն Հարկային օրենսգրքի 224-րդ հոդվածի՝ անշարժ գույքի հարկը սեփականության իրավունքով հարկման օբյեկտ համարվող անշարժ գույքի համար սույն բաժնով սահմանված կարգով Հայաստանի Հանրապետության համայնքների բյուջեներ վճարվող տեղական հարկ է, որը կախված չէ հարկ վճարողների տնտեսական գործունեության արդյունքներից:

Իրավահարաբերությունների պահին գործող «Հարկային օրենսգրքի» 401-րդ հոդվածի համաձայն հարկի վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար հարկ վճարողը կամ հարկային գործակալը վճարում է տույժ` 0.04 տոկոսի չափով։

Համաձայն «Տեղական ինքնակառավարման մասին» օրենքի 38-րդ հոդվածի 1-ին մասի 3-րդ կետի՝ համայնքի ղեկավարը օրենքով սահմանված կարգով կազմակերպում է տեղական հարկերի, տուրքերի և վճարների, համայնքի վարչական սահմաններում գտնվող համայնքային և պետական սեփականություն հանդիսացող հողերի, համայնքի սեփականություն հանդիսացող գույքի վարձավճարների գանձումն ու վերահսկումը։

Ելնելով վերոգրյալից և ղեկավարվելով Հայաստանի Հանրապետության Սահմանադրությամբ, Հարկային օրենսգրքի 224-րդ և 225-րդ, «Տեղական ինքնակառավարման մասին» օրենքի 38-րդ, «Վարչարարության հիմունքների և վարչական վարույթի մասին» օրենքի 53-60-րդ հոդվածներով,

որոշում եմ․

1․«ԷԿՈԱԳՐՈՖՈՒԴ» սահմանափակ պատասխանատվությամբ ընկերությունից հօգուտ Ջրվեժ համայնքի բյուջեի գանձել 3 889 846 (երեք միլիոն ութ հարյուր ութսունինը հազար ութ հարյուր քառասունվեց) դրամ, որպես վճարման ենթակա անշարժ գույքի հարկ, որից՝ 591 846 (հինգ հարյուր իննսունմեկ հազար ութ հարյուր քառասունվեց) դրամը՝ որպես պարտավորությունը չկատարելու արդյունքում հաշվարկված տույժ։

2․Որոշումն օրենքով սահմանված կարգով՝ եռօրյա ժամկետում պատշաճ ձևով հանձնել «ԷԿՈԱԳՐՈՖՈՒԴ» սահմանափակ պատասխանատվությամբ ընկերությանը։

3․ Որոշումն ուժի մեջ է մտնում վարույթի մասնակիցներին իրազեկելուն հաջորդող օրվանից։

4․Սույն որոշումը կարող է բողոքարկվել վարչական կարգով կամ Հայաստանի Հանրապետության վարչական դատարան՝ Վարչական դատավարության օրենսգրքով սահմանված կարգով՝ վարչական ակտն ուժի մեջ մտնելու պահից երկամսյա ժամկետում։

5․Սույն որոշման պահանջները չկատարելու դեպքում «Վարչարարության հիմունքների և վարչական վարույթի մասին» օրենքի 88-րդ հոդվածով սահմանված կարգով այն ենթակա է հարկադիր կատարման՝ Հայաստանի Հանրապետության հարկադիր կատարումն ապահովող ծառայության միջոցով՝ անբողոքարկելի դառնալուց հետո։

Հասցե` Կոտայքի մարզ, գ․Ջրվեժ, Մելքոնյան փողոց, թիվ 76

Հեռ..` 010684929

Վեբ կայք` www.jrvezh.am

Էլ. փոստ`