Հայաստանի Հանրապետության ինտերնետով ծանուցման պաշտոնական կայք

1.ՀՀ Տաշիր համայնքի ղեկավարի որոշման կարգավորման առարկան Քաղաքացի Արկադի Մխոյանը, հանդիսանալով գույքահարկ վճարող սուբյեկտ, «Գույքահարկի մասին» ՀՀ օրենքով սահմանված կարգով չի կատարել գույքահարկ վճարելու պարտականությունը, ինչի կապակցությամբ 2020 թվականի հուլիսի 09-ին « Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» ենթակետի հիմքով Տաշիրի համայնքապետարանի աշխատակազմում հարուցվել է վարչական վարույթ՝ գույքահարկի գանձման հարցի քննության նպատակով: «Վարչարարության հիմունքների և վարչական վարույթի մասին» Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ օբյեկտիվ քննության արդյունքում բացահայտելով գործի բոլոր հանգամանքները, վարչական մարմինը հաստատված է համարում հետևյալը.
2. Վարչական ակտը ընդունելու հիմք հանդիսացող փաստերը. Համաձայն Տաշիրի համայնքապետարանի ֆինանսական,հաշվապահական հաշվառման,եկամուտների գանձման և հավաքագրման բաժնի կողմից տրված « Գույքահարկի մասին» ՀՀ օրենքի 4-րդ հոդվածով սահմանված գույքահարկով հարկվող օբյեկտ համարվող ՀՀ Ոստիկանության ՃՈ կողմից տրամադրված փոխադրամիջոցների հաշվառման և գնահատման տվյալների՝ քննարկվող անշարժ գույքը՝ Տաշիր համայնք քաղաք Տաշիր,փողոց Դպրոցականների,թղ.9,շ.11,բն.31 հասցեում հաշվառված VAZ21074-120-21 մակնիշի 34OD636 հերթական համարանիշի,ՎԱԶ-2106 մակնիշի 16UO546 հերթական համարանիշի, MERCEDES-BENZ S320 մակնիշի,26OU288 հերթական համարանիշի և NISSAN MARCH 1.2 մակնիշի, 35DM057 հերթական համարանիշի ավտոմեքենաները հանդիսանում են քաղաքացի Արկադի Մխոյանի սեփականությունը,որոնք« Գույքահարկի մասին» ՀՀ օրենքով հանդիսանում են հարկվող օբյեկտ: Նշված գույքերի համար վճարման ենթակա գույքահարկը կազմում է 1.015.537 (մեկ միլիոն տասնհինգ հազար հինգ հարյուր երեսունյոթ) ՀՀ դրամ,ինչը 2011-2020թթ ընկած ժամանակահատվածում վճարվել է մասամբ: Քաղաքացի Արկադի Մխոյանը նշված ժամանակահատվածի համար գույքահարկը օրենքով սահմանված ժամկետում չվճարելու արդյունքում առաջացել է տույժ՝ 311.934(երեք հարյուր տասնմեկ հազար ինը հարյուր երեսունչորս) ՀՀ դրամի չափով: 2020 թվականի հուլիսի 9-ին «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի առաջին մասի «բ» կետի հիմքով հարուցված վարչական վարույթի շրջանակներում 2020 թվականի հուլիսի 27-ին հրավիրվել են վարչական վարույթի լսումներ, որին մասնակցելու նպատակովպատշաճ ծանուցվել է քաղաքացի Արկադի Մխոյանը (հիմք՝ փոստային անդորրագիր 10.07.2020) : Արկադի Մխոյանը չի ներկայացել վարչական վարույթի լսումներին:
3. Վարչական ակտ ընդունելու հիմնավորումը. ՀՀ Սահմանադրության 60-րդ հոդվածի համաձայն՝ յուրաքանչյուր ոք պարտավոր է օրենքով սահմանված կարգով և չափով մուծել հարկեր, կատարել պարտադիր այլ վճարումներ: Համաձայն «Գույքահարկի մասին» ՀՀ օրենքի 2-րդ հոդվածի՝ գույքահարկը սեփականության իրավունքով նշված օրենքի երրորդ հոդվածում նշված անձանց պատկանող հարկվող օբյեկտ համարվող գույքի համար սույն օրենքով սահմանված կարգով և չափով համապատասխան բյուջեներ վճարվող ուղղակի հարկ է, որը կախված չէ հարկ վճարողների տնտեսական գործունեության արդյունքներից: Համաձայն «Գույքահարկի մասին»ՀՀ օրենքի 2-րդ հոդվածի՝ ՀՀ օրենսդրությամբ սահմանված կարգով և համամասնությամբ, գույքահարկի գումարը վճարվում է համայնքի վարչական տարածքում հաշվառված փոխադրամիջոցների համար հարկվող օբյեկտի հաշվառման վայրի համայնքի բյուջե: Համաձայն ՀՀ հարկային օրենսգրքի 401-րդ հոդվածի՝ հարկի վճարումը սահմանված ժամկետից ուշացնելու դեպքում ժամկետանց յուրաքանչյուր օրվա համար հարկ վճարողը կամ հարկային գործակալը վճարում է տույժ՝ ժամանակին չմուծված հարկի գումարի 0.075 տոկոսի չափով: Համաձայն «Տեղական ինքնակառավարման մասին» ՀՀ օրենքի 8-րդ հոդվածի ՝ համայնքի ղեկավարը, որպես սեփական լիազորություն, օրենքով սահմանված կարգով կազմակերպում է գույքահարկի գանձումը: Հարկային պարտավորությունների գծով գումարների վճարումը սահմանված ժամկետից ուշացնելու դեպքում տեղական ինքնակառավարման մարմինը որոշում է կայացնում հարկ վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում վերջինիս: Ելնելով վերոգրյալից և ղեկավարվելով ՀՀ Սահմանադրության, «Տեղական ինքնակառավարման մասին» ՀՀ օրենքի, «Գույքահարկի մասին» ՀՀ օրենքի 2-րդ և 3-րդ,ՀՀ հարկային օրենսգրքի 398-րդ,«Վարչարարության հիմունքների և վարչակական վարույթի մասին» ՀՀ օրենքի 53-րդ, 58-60-րդ հոդվածներով`

ՈՐՈՇՈՒՄ ԵՄ՝

Քաղաքացի Արկադի Մխոյանից հօգուտ Տաշիր համայնքի բյուջե գանձել 1.015.537 (մեկ միլիոն տասնհինգ հազար հինգ հարյուր երեսունյոթ) ՀՀ դրամ, որպես Տաշիր համայնքի քաղաք Տաշիր,փողոց Դպրոցականների, թղ.9,շ.11,բն.31 հասցեում հաշվառված VAZ21074-120-21 մակնիշի 34OD636 հերթական համարանիշի,ՎԱԶ-2106 մակնիշի 16UO546 հերթական համարանիշի, MERCEDES-BENZ S320 մակնիշի,26OU288 հերթական համարանիշի և NISSAN MARCH 1.2 մակնիշի, 35DM057 հերթական համարանիշի ավտոմեքենաների համար վճարման ենթակա գույքահարկի գումար,որից որից 311.934(երեք հարյուր տասնմեկ հազար ինը հարյուր երեսունչորս) ՀՀ դրամի՝ որպես պարտականությունը չկատարելու արդյունքում հաշվարկված տույժ.
2. Սույն որոշումը կարող է վարչական կարգով բողոքարկվել Տաշիր համայնքի ղեկավարին կամ դատական կարգով ՀՀ վարչական դատարան՝ երկամսյա ժամկետում:
3. Սույն որոշման պահանջները կամովին չկատարելու դեպքում «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ենթակա է հարկադիր կատարման՝ ՀՀ ԱՆ ԴԱՀԿ ծառայության միջոցով անբողոքարկելի դառնալուց հետո եռամսյա ժամկետում.
4. Սույն որոշման կատարման ընթացքի նկատմամբ հսկողությունն իրականացնում է Տաշիր համայնքի ղեկավարը:
5. Որոշումը ուժի մեջ է մտնում ընդունման հաջորդ օրվանից:


ՀԱՄԱՅՆՔԻ ՂԵԿԱՎԱՐ՝ ԷԴԳԱՐ ԱՐՇԱԿՅԱՆ

Հասցե` ՀՀ,մ․ Լոռի, ք․ Տաշիր,Վ․Սարգսյան 94

Հեռ..` (0254)2-22-41

Էլ. փոստ`