Հայաստանի Հանրապետության ինտերնետով ծանուցման պաշտոնական կայք

ԱՐՄԻՆԵ ԱՂԱՍՅԱՆ ԱԼԵՔՍԱՆԴՐԻ ԱՆՀԱՏ ՁԵՌՆԱՐԿԱՏԻՐՈՋԸ ԱՌԱՆՑ ԹՈՒՅԼՏՎՈՒԹՅԱՆ ՈԳԵԼԻՑ ԵՎ (ԿԱՄ) ԱԼԿՈՀՈԼԱՅԻՆ ԽՄԻՉՔՆԵՐԻ ԵՎ ԾԽԱԽՈՏԱՅԻՆ ԱՐՏԱԴՐԱՏԵՍԱԿՆԵՐԻ ՎԱՃԱՌՔ ԻՐԱԿԱՆԱՑՆԵԼՈՒ ՀԱՄԱՐ ՎԱՐՉԱԿԱՆ ՏՈՒՅԺԻ ՆՇԱՆԱԿՄԱՆ ՕՐՎԱՆԻՑ ՀԵՏՈ` ՄԵԿ ՏԱՐՎԱ ԸՆԹԱՑՔՈՒՄ ՆՈՒՅՆ ԻՐԱՎԱԽԱԽՏՈՒՄԸ ԿՐԿԻՆ ԿԱՏԱՐԵԼՈՒ ՀԱՄԱՐ ՊԱՏԱՍԽԱՆԱՏՎՈՒԹՅԱՆ ԵՆԹԱՐԿԵԼՈՒ ԵՎ
ՏՈՒԳԱՆՔ ՆՇԱՆԱԿԵԼՈՒ ՄԱՍԻՆ

Վաղարշապատ համայնքի ղեկավարը, քննության առնելով թիվ 82/23 վարչական գործը՝ Վաղարշապատ համայնքի Էջմիածին քաղաքի Ա.Մանուկյան 1թ/44 հասցեում Արմինե Աղասյան Ալեքսանդրի անհատ ձեռնարկատիրոջ կողմից առանց համապատասխան թույլտվության ոգելից և (կամ) ալկոհոլային խմիչքների և ծխախոտային արտադրատեսակների վաճառք իրականացնելու համար վարչական տույժի նշանակման օրվանից հետո` մեկ տարվա ընթացքում նույն իրավախախտումը, կրկին կատարելու վերաբերյալ, պարզեց, որ.
Արմինե Աղասյան Ալեքսանդրի անհատ ձեռնարկատիրոջ (հասցե՝ ք. Էջմիածին, Ա. Մանուկյան 1-ին թղմ., թիվ 44 տուն, պետ.գրանցման համար՝ 99.1072006/2019-05-02, ՀՎՀՀ՝49638753), կողմից Վաղարշապատ համայնքի Էջմիածին քաղաքի Ա.Մանուկյան 1թ/44 հասցեում կատարվել է Վարչական իրավախախտումների վերաբերյալ Հայաստանի Հանրապետության օրենսգրքի 169.16-րդ հոդվածի 1-ին մասի 2-րդ կետով նախատեսված վարչական իրավախախտման հատկանիշներ պարունակող արարք, ինչի կապակցությամբ Վաղարշապատի համայնքապետարանի եկամուտների հաշվառման և հավաքագրման բաժնի 03.07.2023 թվականին կազմված թիվ ՀՎ-18 արձանագրության հիման վրա 2023 թվականի հուլիսի 3-ին «Վարչարարության հիմունքների և վարչական վարույթի մասին» Հայաստանի Հանրապետության օրենքի 30-րդ հոդվածի 1-ին մասի «բ» ենթակետի և նույն օրենքի 34-րդ հոդվածով սահմանված կարգով, Վարչական իրավախախտումների վերաբերյալ Հայաստանի Հանրապետության օրենսգրքի 169.16-րդ հոդվածի 1-ին մասի 2-րդ կետի պահանջների խախտման փաստով հարուցվել է վարչական վարույթ: Վաղարշապատի համայնքապետարանի վարչական իրավախախտման դեպքերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքների իրականացման հանձնաժողովը, հրավիրել և անցկացրել է լսում Արմինե Աղասյան Ալեքսանդրի անհատ ձեռնարկատիրոջ բացակայությամբ, ով պատշաճ ծանուցված է եղել:
Վարչական ակտն ընդունելու համար հիմք հանդիսացող փաստերը
• Վաղարշապատի համայնքապետարանի աշխատակազմի եկամուտների հաշվառման և հավաքագրման բաժնի կողմից 03.07.2023թ. կազմված թիվ ՀՎ-18 արձանագրությունը:
• Հանձնաժողովի թիվ 82/23 վարչական գործով լսումներ անցկացնելու վերաբերյալ 21.07.2023թ-ի թիվ 1 և 14.08.2023թ-ի թիվ 2 արձանագրությունները:
• Վաղարշապատ համայնքի ղեկավարի 24.03.2022 թվականի թիվ 419Ա որոշումը և 28.04.2023 թվականի թիվ 534Ա որոշումը:
«Վարչարարության հիմունքների և վարչական վարույթի մասին» ՀՀ օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները և հիմք ընդունելով վերոհիշյալ փաստերը, վարչական մարմինը հաստատված է համարում հետևյալը.
Արմինե Աղասյան Ալեքսանդրի անհատ ձեռնարկատերը Վաղարշապատ համայնքի Էջմիածին քաղաքի Ա.Մանուկյան 1թ/44 հասցեում առանց համապատասխան թույլտվության իրականացրել է ոգելից և (կամ) ալկոհոլային խմիչքների և ծխախոտային արտադրատեսակների վաճառք, ինչի կապակցությամբ 2023 թվականի փետրվարի 25-ին Վաղարշապատի համայնքապետարանում հարուցվել էր վարչական վարույթ, որը ավարտվել էր Վաղարշապատ համայնքի ղեկավարի վարույթում քննված թիվ 14/22 վարչական գործով 24.03.2022թ-ին. կայացված թիվ 419Ա որոշմամբ, որով Արմինե Աղասյան Ալեքսանդրի անհատ ձեռնարկատերը ենթարկվել էր վարչական պատասխանատվության և վարչական իրավախախտման համար նշանակվել էր տույժ:
Վաղարշապատի համայնքապետարանի աշխատակազմի եկամուտների հաշվառման և հավաքագրման բաժնի կողմից 10.03.2023թ. կազմված թիվ ՀՎ1 արձանագրության հիման վրա կրկին անգամ վերը նշված արարքը տուգանք նշանակելուց հետո կրկին կատարելու փասով ևս հարուցվել էր վարչական վարույթ, որը ավարտվել էր Վաղարշապատ համայնքի ղեկավարի վարույթում քննված թիվ 02/23 վարչական գործով 28.04.2023թ-ին. կայացված թիվ 534Ա որոշմամբ, որով Արմինե Աղասյան Ալեքսանդրի անհատ ձեռնարկատերը ենթարկվել էր վարչական պատասխանատվության և վարչական իրավախախտման համար նշանակվել էր տույժ:
Չնայած այն հանգամանքին, որ Արմինե Աղասյան Ալեքսանդրի անհատ ձեռնարկատերը Վաղարշապատ համայնքի Էջմիածին քաղաքի Ա.Մանուկյան 1թ/44 հասցեում առանց համապատասխան թույլտվության ոգելից և (կամ) ալկոհոլային խմիչքների և ծխախոտային արտադրատեսակների վաճառք իրականացնելու համար ենթարկվել էր վարչական տույժերի, վերջինս շարունակել էր առանց համապատասխան թույլտվության իրականացնել նույն գործունեությունը, այսինքն Արմինե Աղասյան Ալեքսանդրի անհատ ձեռնարկատիրոջ նկատմամբ առանց թույլտվության ոգելից և (կամ) ալկոհոլային խմիչքների և ծխախոտային արտադրատեսակների վաճառք իրականացնելու համար վարչական տույժ նշանակելու օրվանից հետո մեկ տարվա ընթացքում կրկին կատարել է նույն իրավախախտումը, որի վերաբերյալ Վաղարշապատի համայնքապետարանի եկամուտների հաշվառման և հավաքագրման բաժնի կողմից 03.07.2023թ. կազմվել է թիվ ՀՎ-18 արձանագրությունը:
Նշված փաստական հանգամանքները հաշվի առնելով՝ 2023 թվականի հուլիսի 21-ին Վաղարշապատի համայնքապետարանում հրավիրվել է լսում, որին մասնակցելու նպատակով պատշաճ ծանուցումը ուղարկվել էր Արմինե Աղասյան Ալեքսանդրի անհատ ձեռնարկատիրոջը, սակայն ծանուցման հետադարձ փոստային առաքանին չի վերադարձել:
Հիմք ընդունելով այն փաստը, որ Արմինե Աղասյան Ալեքսանդրի անհատ ձեռնարկատերը պատշաճ չէր ծանուցվել վարչական վարույթի վերաբերյալ, լսումները հետաձգվեցին և նշանակվեցին 2023 թվականի օգոստոսի 14-ին, իսկ ծանուցումը հրապարակվեց ՀՀ հրապարակային ծանուցումների azdarar.am պաշտոնական կայքում:
Չնայած պատշաճ ծանուցմանը 2023 թվականի օգոստոսի 14-ին հրավիրված վարչական վարույթի լսումներին Արմինե Աղասյան Ալեքսանդրի անհատ ձեռնարկատերը չներկայացավ:
Այսպիսով Արմինե Աղասյան Ալեքսանդրի անհատ ձեռնարկատերը «Վարչարարության հիմունքների և վարչական վարույթի մասին» ՀՀ օրենքի 29.1-րդ հոդվածի համաձայն` պատշաճ ծանուցված լինելով վարչական նիստի անցկացման վայրի և ժամանակի մասին չի ներկայացել վարչական վարույթի լսմանը, չի ներկայացրել բացատրություններ և միջնորդություններ:
Վարչական ակտ ընդունելու իրավական հիմերը.
Համաձայն «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 26-րդ կետի` համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության:
Վարչական իրավախախտումների վերաբերյալ ՀՀ օրենսգրքի 169.16-րդ հոդվածի 1-ին մասի 1-ին կետի համաձայն՝ առանց թույլտվության ոգելից և (կամ) ալկոհոլային խմիչքների և (կամ) ծխախոտային արտադրատեսակների կամ ծխախոտային արտադրատեսակների փոխարինիչների կամ ծխախոտային արտադրատեսակների նմանակների վաճառք իրականացնելը, իսկ հանրային սննդի օբյեկտներում ոգելից և ալկոհոլային խմիչքների և (կամ) ծխախոտային արտադրատեսակների կամ ծխախոտային արտադրատեսակների փոխարինիչների կամ ծխախոտային արտադրատեսակների նմանակների իրացում իրականացնելը`առաջացնում են տուգանքի նշանակում՝ սահմանված նվազագույն աշխատավարձի հարյուրապատիկից մինչև երկուհարյուրապատիկի չափով:
Վարչական իրավախախտումների վերաբերյալ ՀՀ օրենսգրքի 169.16-րդ հոդվածի 1-ին մասի 2-րդ կետի համաձայն՝ սույն մասով նախատեսված արարքը վարչական տույժի նշանակման օրվանից հետո` մեկ տարվա ընթացքում, կրկին կատարելը՝ առաջացնում է տուգանքի նշանակում՝ սահմանված նվազագույն աշխատավարձի երեքհարյուրապատիկից մինչև չորսհարյուրապատիկի չափով:
«Տեղական տուրքերի և վճարների մասին» ՀՀ օրենքի 9-րդ հոդվածի 1-ին մասի 9-րդ կետի համաձայն` Հայաստանի Հանրապետության համայնքներում սահմանվում են տեղական տուրք` օրենքով նախատեսված դեպքերում համայնքի վարչական տարածքում ոգելից և ալկոհոլային խմիչքների կամ ծխախոտային արտադրատեսակների կամ ծխախոտային արտադրատեսակների փոխարինիչների (բացառությամբ բժշկական նշանակության ծխախոտային արտադրատեսակների փոխարինիչների) կամ ծխախոտային արտադրատեսակների նմանակների վաճառքի թույլտվության համար.:
ՀՀ Սահմանադրության 60-րդ հոդվածի 8-րդ կետի համաձայն՝յուրաքանչյուր ոք պարտավոր է մուծել օրենքին համապատասխան սահմանված հարկեր, տուրքեր, կատարել պետական կամ համայնքային բյուջե մուտքագրվող պարտադիր այլ վճարումներ:
Այսինքն` Արմինե Աղասյան Ալեքսանդրի անհատ ձեռնարկատերը Վաղարշապատ համայնքի Էջմիածին քաղաքի Ա.Մանուկյան 1թ/44 հասցեում առանց համապատասխան թույլտվության ոգելից և (կամ) ալկոհոլային խմիչքների և ծխախոտային արտադրատեսակների վաճառք իրականացնելու համար վարչական տույժի նշանակման օրվանից հետո` մեկ տարվա ընթացքում կրկին կատարել է նույն իրավախախտումները:
Ելնելով վերոգրյալից և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի առաջին մասի 26-րդ կետով, Վարչական իրավախախտումների վերաբերյալ ՀՀ օրենսգրքի 169.16-րդ հոդվածի 1-ին մասի 2-րդ կետով, 23-րդ և 35-րդ հոդվածներով, «Տեղական տուրքերի և վճարների մասին» ՀՀ օրենքի 9-րդ հոդվածի 1-ին մասի 9-րդ կետով և «Վարչարարության հիմունքների և վարչական վարույթի մասին» ՀՀ օրենքի 53-րդ, 58-60-րդ հոդվածներով՝

ՈՐՈՇՈՒՄ ԵՄ

1. Արմինե Աղասյան Ալեքսանդրի անհատ ձեռնարկատիրոջ նկատմամբ նշանակել տուգանք՝ առանց թույլտվության ոգելից և (կամ) ալկոհոլային խմիչքների և ծխախոտային արտադրատեսակների վաճառք իրականացնելու համար վարչական տույժի նշանակման օրվանից հետո` մեկ տարվա ընթացքում, կրկին կատարելու համար 300 000 /երեք հարյուր հազար/ ՀՀ դրամ:
2. Սույն որոշումը կարող է դատական կարգով բողոքարկվել ՀՀ վարչական դատարան՝ «Վարչարարության հիմունքների և վարչական վարույթի մասին» ՀՀ օրենքի 70-րդ և ՀՀ վարչական դատավարության օրենսգրքի 73-րդ հոդվածներով նախատեսված կարգով՝ դրա ուժի մեջ մտնելու օրվանից երկամսյա ժամկետում։
3. Սույն որոշման պահանջները չկատարելու դեպքում, «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ենթակա է հարկադիր կատարման` ՀՀ ԱՆ հարկադիր կատարումն ապահովող ծառայության միջոցով` անբողոքարկելի դառնալուց հետո եռամսյա ժամկետում:
4. Սույն որոշումն ուժի մեջ է մտնում կողմերին իրազեկելուն հաջորդող օրվանից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am կայքի և /կամ համայնքապետարանի տեղեկագրերում հրատարակելու միջոցով:

Հասցե` ՀՀ Արմավիրի մարզ, Վաղարշապատ համայնք ք.Էջմիածին, Սբ.Մ.Մաշտոց 0

Հեռ..` (0231)5-36-63 (650)

Վեբ կայք` http://ejmiatsin.am/

Էլ. փոստ`