Հայաստանի Հանրապետության ինտերնետով ծանուցման պաշտոնական կայք

ԷՋՄԻԱԾԻՆ ՔԱՂԱՔԻ Ռ.ԵՍԱՅԱՆ 65 ՀԱՍՑԵԻ ԴԻՄԱՑ ԳՏՆՎՈՂ, ՀԱՄԱՅՆՔԱՅԻՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՏԱՐԱԾՔՈՒՄ ՎԱՀՐԱՄ ՀԱՐՈՒԹՅՈՒՆԻ ՄԱՐԿՈՍՅԱՆԻ ԿՈՂՄԻՑ ԻՆՔՆԱԿԱՄ ՇԻՆՈՒԹՅՈՒՆ ԿԱՌՈՒՑԵԼՈՒ ՀԱՄԱՐ ՏՈՒԳԱՆՔ ՆՇԱՆԱԿԵԼՈՒ ՄԱՍԻՆ

Էջմիածին համայնքի ղեկավարը, քննության առնելով թիվ 51/21 վարչական գործը՝ էջմիածին քաղաքի Ռ.Եսայան 65 հասցեի դիմաց գտնվող, համայնքային սեփականություն հանդիսացող տարածքում Վահրամ Հարությունի Մարկոսյանի կողմից ինքնակամ շինություն կառուցելու վերաբերյալ, պարզեց որ
Վահրամ Հարությունի Մարկոսյանը (հասցե՝ Արմավիրի մարզ գ.Արաքս Կ.Դեմիրճյան փող. թիվ 18 տուն, անձնագիր՝ AU0342880, տրված 08.07.2021թ-ին 057-ի կողմից), իրեն, Վարդան Հարությունի Մարկոսյանին և Վասակ Հարությունի Մարկոսյանին համասեփականատիրության իրավունքով պատկանող ք.Էջմիածին Ռ.Եսայան 65 հասցեում, ինչպես նաև համայնքային սեփականություն հանդիսացող, Էջմիածին քաղաքի Ռ.Եսայան 65 հասցեի դիմաց գտնվող տարածքում, խախտելով Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածով սահմանված պահանջները, առանց համապատասխան քաղաքաշինական փաստաթղթերի ու համապատասխան հողօգտագործման իրավունքի, իրականացրել է ապօրինի շինարարական աշխատանքներ (այսուհետ՝ ինքնակամ կառույց), ինչի կապակցությամբ Էջմիածնի համայնքապետարանի աշխատակազմի քաղաքաշինության և հողօգտագործման բաժնի կողմից 04.08.2021 թվականին կազմված թիվ 16 արձանագրության և զեկուցագրի հիման վրա 2021 թվականի օգոստոսի 04-ին «Վարչարարության հիմունքների և վարչական վարույթի մասին» Հայաստանի Հանրապետության օրենքի 30-րդ և 31-րդ հոդվածների հիմքով Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 1-ին մասի 3-րդ կետի պահանջների խախտման փաստով հարուցվել է վարչական վարույթ:
Էջմիածնի համայնքապետարանի վարչական իրավախախտման դեպքերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքների իրականացման հանձնաժողովը (այսուհետ՝ հանձնաժողով) հրավիրել և անցկացրել է լսում, որին մասնակցել են Վահրամ Հարությունի Մարկոսյանը, Վարդան Հարությունի Մարկոսյանը և Վասակ Հարությունի Մարկոսյանը:
Վարչական ակտն ընդունելու համար հիմք հանդիսացող փաստերը.
• 02.02.2005թ-ի թիվ 1192257 անշարժ գույքի նկատմամբ իրավունքների պետական գրանցման վկայականը:
• Էջմիածնի համայնքապետարանի աշխատակազմի քաղաքաշինության և հողօգտագործման բաժնի կողմից Էջմիածին քաղաքի Ռ.Եսայան 65 հասցեում Վահրամ Հարությունի Մարկոսյանի կողմից ինքնակամ կառուցված շինության կապակցությամբ 04.08.2021 թվականին կազմված թիվ 16 արձանագրությունը, տեղազննության ակտը:
• Տարածքի լուսանկարահանման փաստաթղթերը:
• Էջմիածին համայնքի ղեկավարի 10.08.2021 թվականի «Էջմիածին քաղաքի Ռ.Եսայան 65 հասցեում ինքնակամ շինարարությունը կասեցնելու մասին» թիվ 917 որոշումը:
• Հանձնաժողովի 20.08.2021թ. թիվ 51/21 վարչական գործով լսումներ անցկացնելու վերաբերյալ արձանագրությունը:
• 01.09.2021թ.-ի քաղաքաշինության և հողօգտագործման բաժնի կողմից կատարված տեղազզնության ակտը և իրավիճակային հատակագիծը:
Վարչարարության կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները և հիմք ընդունելով վերոհիշյալ փաստերը՝ հաստատված է համարվում հետևյալը.
Արմավիրի մարզ գ.Արաքս Կ.Դեմիրճյան փող. թիվ 18 տան բնակիչ Վահրամ Հարությունի Մարկոսյանի կողմից իրեն, Վարդան Հարությունի Մարկոսյանին և Վասակ Հարությունի Մարկոսյանին համասեփականատիրության իրավունքով պատկանող Էջմիածին քաղաքի Ռ.Եսայան 65 հասցեում և նշված հասցեի դիմաց, համայնքային սեփականություն հանդիսացող տարածքում, կատարվել է շինարարական աշխատանքներ /քարե պարիսպի կառուցում/ առանց համապատասխան քաղաքաշինական փաստաթղթերի ու համապատասխան հողօգտագործման իրավունքի, ուստի կարող ենք հաստատված համարել, որ քննարկվող շինությունը հանդիսանում է ինքնակամ կառույց:
Վերը նշված իրավախախտումը կասեցնելու նպատակով Էջմիածին համայնքի ղեկավարը ընդունել է 10.08.2021 թվականի «Էջմիածին քաղաքի Ռ.Եսայան 65 հասցեում ինքնակամ շինարարությունը կասեցնելու մասին» թիվ 917 որոշումը, որի վերաբերյալ համապատասխան ծանուցումը փոստային առաքմամբ հանձնվել է Վահրամ Հարությունի Մարկոսյանին և ուժի մեջ է մտել վերջինիս իրազեկելուն հաջորդող օրվանից:
Նշված փաստական հանգամանքները հաշվի առնելով՝ 2021 թվականի օգոստոսի 4-ին «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» կետի հիմքով, Էջմիածնի համայնքապետարանում հարուցված վարչական վարույթի շրջանակներում 2021 թվականի օգոստոսի 20-ին հրավիրվել է լսում, որին մասնակցելու նպատակով պատշաճ ծանուցվել են Վահրամ Հարությունի Մարկոսյանը, Վարդան Հարությունի Մարկոսյանը և Վասակ Հարությունի Մարկոսյանը, ինչպես նաև ծանուցումները հրապարակվել են azdarar.am հրապարակային ծանուցումների կայքում, ուստի վերջիններս համարվել են պատշաճ ծանուցված:
Վահրամ Հարությունի Մարկոսյանը, Վարդան Հարությունի Մարկոսյանը և Վասակ Հարությունի Մարկոսյանը ներկայացել են վարչական նիստի լսմանը և հայտարարել են, որ Ռ.Եսայան 65 հասցեում քանդվել է շինության պատը և որևէ շինարարություն չի իրականացվել, որ շինարարություն իրականացնելու համար պատրաստակամ են ներկայանալ համայնքապետարան և միայն ստացված օրինական հիմքերի վրա կատարել շինարարական աշխատանքներ, քանդման աշխատանքները սկիզբ են առել վթարային իրավիճակը ստեղծվելու պատճառով, իսկ Վասակ Հարությունի Մարկոսյանը ավելացրել է, որ աշխատանքները կանտարելու ընթացքում վերականգնվել է փլված պատը:
01.09.2021թ. Էջմիածնի համայնքապետարանի աշխատակազմի քաղաքաշինության և հողօգտագործման բաժնի կողմից էջմիածին քաղաքի Ռ.Եսայան 65 հասցեի դիմաց գտնվող տարածքում կատարվել է տեղազննություն, որի ընթացքում պարզվել է, որ Վահրամ Հարությունի Մարկոսյանի կողմից ինքնակամ շինությունը շարունակվել է, կառուցվել է պատ համայնքային սեփականությունը հանդիսացող տարածքում:
Այսպիսով գտնում եմ, որ ապացուցված է այն փաստը, որ է Վահրամ Հարությունի Մարկոսյանի կողմից կատարվել է Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 1-ին մասի 3-րդ կետով սահմանված իրավախախտում և վերջինս սույն դեպքում հանդիսանում է իրավախախտման սուբյեկտ։
Վարչական ակտ ընդունելու հիմնավորումը.
Համաձայն «Տեղական ինքնակառավարման մասին» ՀՀ օրենքի 35-րդ հոդվածի առաջին մասի 26-րդ կետի` համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության:
Համաձայն «Տեղական ինքնակառավարման մասին» ՀՀ օրենքի 42-րդ հոդվածի առաջին մասի 8-րդ կետի` համայնքի ղեկավարը, որպես սեփական լիազորություն, օրենքով սահմանված կարգով քաղաքաշինության և կոմունալ տնտեսության բնագավառում կանխարգելում ու կասեցնում է ինքնակամ շինարարությունը և օրենքով սահմանված կարգով ապահովում է դրանց հետևանքների վերացումը:
Հայաստանի Հանրապետության քաղաքացիական օրենսգրքի 188-րդ հոդվածի առաջին մասի համաձայն՝ ինքնակամ կառույց է համարվում, օրենքով և այլ իրավական ակտերով սահմանված կարգով, այդ նպատակի համար չհատկացված հողամասում կամ առանց թույլտվության կամ թույլտվությամբ սահմանված պայմանների կամ քաղաքաշինական նորմերի և կանոնների էական խախտումներով կառուցված կամ վերակառուցված շենքը, շինությունը կամ այլ կառույցը:
Այսինքն շինարարությունն ինքնակամ (ապօրինի) (այսուհետ` ապօրինի) է համարվում, եթե`
1) կառուցվում է oրենքով և այլ իրավական ակտերով uահմանված կարգով այդ նպատակի համար չհատկացված հողամաuում, կամ
2) կառուցվում է առանց թույլտվության, կամ
3) կառուցվում է թույլտվությամբ uահմանված պայմանների կամ քաղաքաշինական նորմերի և կանոնների էական խախտումներով:
Նշված 3 պայմաններից մեկի առկայությունն արդեն իսկ բավարար է իրականացվող շինարարությունը կամ կառուցված շինությունն ինքնակամ (ապօրինի) համարելու համար:
Նույն հոդվածի 2-րդ մասի համաձայն՝ պետական կամ համայնքային սեփականություն հանդիսացող հողամասում գտնվող ինքնակամ կառույցի նկատմամբ ճանաչվում է պետության կամ համայնքի սեփականությունը, անկախ նրանից, թե ով է այն կառուցել:
Նույն հոդվածի 3-րդ մասի համաձայն՝ հողամասի սեփականատերն իրավունք ունի քանդելու իր հողամասում գտնվող ինքնակամ կառույցը: Չօրինականացված ինքնակամ կառույցը պետության, համայնքի կամ այլ շահագրգիռ անձի հայցով, որի իրավունքները և օրենքով պահպանվող շահերը խախտվել են, ենթակա է քանդման, իսկ հողամասը` նախկին վիճակի վերականգնման` հողամասի սեփականատիրոջ հաշվին:
«Քաղաքաշինության մասին» ՀՀ օրենքի 26-րդ հոդվածի 4-րդ մասի համաձայն՝ քաղաքային և գյուղական համայնքների տարածքներում համայնքի ղեկավարը վերահսկում է կառուցապատողներին տրված ճարտարապետահատակագծային առաջադրանքների, բնակավայրերի քաղաքաշինական կանոնադրության պահանջների կատարումը, հողերի և ամրակայված գույքի քաղաքաշինական նպատակային օգտագործումը, ինչպես նաև կանխարգելում, կասեցնում է ինքնակամ շինարարության դեպքերը և օրենքով սահմանված կարգով ապահովում է դրանց հետևանքների վերացումը:
«Քաղաքաշինության մասին» Հայաստանի Հանրապետության օրենքի 6-րդ հոդվածի 4-րդ մասի «ա» կետի համաձայն՝ կառուցապատողները պարտավոր են կառուցապատումն իրականացնել օրենքով սահմանված կարգով հաստատված ճարտարապետաշինարարական նախագծին համապատասխան, շինարարության թույլտվության հիման վրա։
Նույն օրենքի 23-րդ հոդվածի 1-ին մասի համաձայն՝ շինարարության թույլտվությունը փաստաթուղթ է, որը հաստատում է կառուցապատողի իրավունքը՝ իրականացնել որոշակի շինարարական գործունեություն, ինչպես նոր կառուցվող կամ վերակառուցվող տարածքում, այնպես էլ գոյություն ունեցող շենքերում և շինություններում։
Վարչական իրավախախտումների վերաբերյալ Հայաստանի Հանրապետության օրենսգրքի 32-րդ հոդվածի առաջին պարբերության համաձայն` վարչական իրավախախտման համար տույժը նշանակվում է կատարված իրավախախտման համար պատասխանատվություն նախատեսող նորմատիվ ակտով սահմանված շրջանակներում, վարչական իրավախախտումների մասին օրենսդրության հիմունքներին, նույն օրենսգրքին և վարչական իրավախախտումների վերաբերյալ մյուս ակտերին ճիշտ համապատասխան։
Տվյալ պարագայում Վահրամ Հարությունի Մարկոսյանը համայնքային սեփականություն հանդիսացող, Էջմիածին քաղաքի Ռ.Եսայան 65 հասցեի դիմաց գտնվող տարածքում, առանց համապատասխան քաղաքաշինական փաստաթղթերի /շինարարության թույլտվության/, իրականացրել է ապօրինի ինքնակամ կառույցի շինարարություն:
Վարչական իրավախախտումների վերաբերյալ ՀՀ օրենսգրքի 154-րդ հոդվածի 1-ին մասի 3-րդ կետի համաձայն՝ հողօգտագործման իրավունք չունեցող անձանց կողմից պետությանը և համայնքներին սեփականության իրավունքով պատկանող հողամասերի վրա շենքեր և շինություններ ինքնակամ կառուցելը`առաջացնում է տուգանքի նշանակում` սահմանված նվազագույն աշխատավարձի չորսհարյուրապատիկի չափով:
Ելնելով վերոգրյալից և ղեկավարվելով Վարչական իրավախախտումների վերաբերյալ ՀՀ օրենսգրքի 154-րդ հոդվածով, ՀՀ քաղաքացիական օրենսգրքի 188-րդ հոդվածով, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 26-րդ կետով, 42-րդ հոդվածի առաջին մասի 8-րդ կետով, «Քաղաքաշինության մասին» Հայաստանի Հանրապետության օրենքի 6-րդ հոդվածի 4-րդ մասի ա) կետով և 23-րդ հոդվածի 1-ին մասով և «Վարչարարության հիմունքների և վարչական վարույթի մասին» ՀՀ օրենքի 53-րդ, 58-60-րդ հոդվածներով՝

ՈՐՈՇՈՒՄ ԵՄ

1. Վահրամ Հարությունի Մարկոսյանի նկատմամբ նշանակել տուգանք 400 000 /չորս հարյուր հազար/ ՀՀ դրամ գումարի չափով՝ համայնքային սեփականություն հանդիսացող, Էջմիածին քաղաքի Ռ.Եսայան 65 հասցեի դիմաց գտնվող տարածքում ինքնակամ շինություն կառուցելու համար:
2. Նախազգուշացնել Վահրամ Հարությունի Մարկոսյանին, որ եթե նա, սույն որոշմամբ տուգանք նշանակելուց հետո, շարունակի իրականացնել շինարարական աշխատանքները, ապա համաձայն «Վարչական իրավախախտումների վերաբերյալ» Հայաստանի Հանրապետության օրենսգրքի 154-րդ հոդվածի 2-րդ մասի` կնշանակվի տուգանք, սահմանված նվազագույն աշխատավարձի երկուհազարհինգհարյուրապատիկի չափով` 2 500 000 /երկու միլիոն հինգ հարյուր հազար/ ՀՀ դրամ գումարով:
3.Որոշման կատարման ընթացքի նկատմամբ հսկողության ապահովումը հանձնարարել Էջմիածնի համայնքապետարանի աշխատակազմի քարտուղարին։
4. Սույն որոշումը կարող է բողոքարկվել «Վարչարարության հիմունքների և վարչական վարույթի մասին» ՀՀ օրենքի 70-րդ և ՀՀ վարչական դատավարության օրենսգրքի 73-րդ հոդվածներով նախատեսված կարգով՝ դրա ուժի մեջ մտնելու օրվանից երկամսյա ժամկետում։
5. Սույն որոշման պահանջները չկատարելու դեպքում, «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ենթակա է հարկադիր կատարման` ՀՀ ԱՆ հարկադիր կատարումն ապահովող ծառայության միջոցով` անբողոքարկելի դառնալուց հետո եռամսյա ժամկետում:
6. Սույն որոշումն ուժի մեջ է մտնում կողմերին իրազեկելուն հաջորդող օրվանից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am կայքի և /կամ համայնքապետարանի տեղեկագրերում հրատարակելու միջոցով:

Հասցե` ՀՀ Արմավիրի մարզ, ք.Էջմիածին, Սբ.Մ.Մաշտոց 0

Հեռ..` (0231)5-36-63 (650)

Վեբ կայք` http://ejmiatsin.am/

Էլ. փոստ`