Հայաստանի Հանրապետության ինտերնետով ծանուցման պաշտոնական կայք

Թիվ ԵԴ/26486/02/18 քաղաքացիական գործով դատական ծանուցագիր


Երևան քաղաքի առաջին ատյանի ընդհանուր իրավասության դատարանի դատավոր Ս. Երիցյանս, քննության առնելով, ըստ հայցի <<Գլոբալ Կրեդիտ>> ՈՒՎԿ ՍՊԸ-ի (այսուհետ՝ նաև Ընկերություն) ընդդեմ Անահիտ Վազգենի Դանիելյանի (այսուհետ նաև` Պատասխանող)` գումար բռնագանձելու պահանջի մասին, քաղաքացիական գործը պարզեցված վարույթի կարգով քննելու հարցը,

ՊԱՐԶԵՑԻ

Դիմելով դատարան` Ընկերությունը հայտնել է, որ կողմերի միջև 23.04.2018 թվականին կնքված թիվ CV18-S2780 վարկային պայմանագրի հիման վրա հայցվորը պարտավորվել է պատասխանողին տրամադրել վարկ՝ 1.200.000 ՀՀ դրամ գումարի չափով կանխիկ կամ անկանխիկ, 24 տոկոս դրույքաչափով մինչև 20.04.2021 թվականը մարման վերջնական ժամկետով: 23.04.2018թ.-ին Պատասխանողին կանխիկ ելքի անդորագրով է Պայմանագրով նախատեսված վարկի գումարը:
Պատասխանողը պայմանագրային պարտավորությունները պատշաճ չի կատարել և վերջինիս պարտքն Ընկերության նկատմամբ 13.11.2018 թվականի դրությամբ կազմում է 1.441.321,2 ՀՀ դրամ:
Ելնելով վերոգրյալից և հիմք ընդունելով Վարկային պայմանագրի դրույթները, ՀՀ քաղաքացիական օրենսգրքի 345-րդ, 347-րդ, 408-րդ, 450-րդ, 887-րդ հոդվածները, ՀՀ Քաղաքացիական դատավարության օրենսգրքի 3-րդ, 120-րդ, և 121-րդ հոդվածները, պահանջել է Անահիտ Վազգենի Դանիելյանից բռնագանձել 1.441.321,2 ՀՀ դրամ, սկսած 13.11.2018 թվականից մինչև Վարկային պայմանագրի ժամկետի ավարտը՝ 20.04.2021 թվականը վարկի ժամկետային մնացորդի՝ 1.127.067,8 ՀՀ դրամի նկատմամբ շարունակել հաշվարկել և բռնագանձել տարեկան 24 տոկոս, 13.11.2018թ.-ից մինչև պարտավորության ամբողջական մարումը վարկի ժամկետանց գումարի՝ 73.099,5 ՀՀ դրամի նկատմամբ հաշվարկել և բռնագանձել ՀՀ Կենտրոնական բանկի կողմից սահմանած տարեկան կտրվածքով հաշվարկային դրույքաչափի կրկնապատիկի չափով տոկոսներ, 13.11.2018 թ.-ից մինչև պարտավորության ամբողջական մարումը վարկի ժամկետանց գումարի՝ 73.099,5 ՀՀ դրամի նկատմամբ օրական կտրվածքով հաշվարկել և բռնագանձել 0.05 տոկոս տույժ, 13.11.2018թ.-ից մինչև պարտավորության ամբողջական մարումը ժամկետանց տոկոսագումարի՝ 111.027,4 ՀՀ դրամի նկատմամբ հաշվարկել և բռնագանձել օրական 0.08 տոկոս տույժ, 13.11.2018թ.-ից մինչև պարտավորության ամբողջական մարումը ժամկետանց վարկի գումարի և ժամկետանց տոկոսագումարի՝ 184.126,9 ՀՀ դրամի նկատմամբ հաշվարկել և բռնագանձել օրական 0.5 տոկոս խնդրահարույց վարկի սպասարկան վճար, 13.11.2018թ.-ից մինչև վարկային պայմանագրի ավարտը՝ 20.04.2021թ.-ը յուրաքանչյուր ամսվա համար հաշվարկել և բռնագանձել 24.000 ՀՀ դրամ ամսական սպասարկման վճար, ինչպես նաև 29.000 ՀՀ դրամ, որպես նախապես վճարված պետական տուրքի գումար:
Հայցադիմումը Երևան քաղաքի ընդհանուր իրավասության դատարանում մուտքագրվել է 19.11.2018 թվականին և կազմվել թիվ ԵԴ/26486/02/18 քաղաքացիական գործը:
Քաղաքացիական գործը դատական կազմին հանձնվել է 22.11.2018 թվականին:
Երևան քաղաքի առաջին ատյանի ընդհանուր իրավասության դատարանի` 30.11.2018 թվականի որոշմամբ <<Գլոբալ Կրեդիտ>> ՈՒՎԿ ՍՊԸ-ի ընդդեմ Անահիտ Վազգենի Դանիելյանի` գումարի բռնագանձման մասին հայցադիմումն ընդունվել է վարույթ:
Դատարանի` 30.11.2018 թվականի <<Հայցադիմումը վարույթ ընդունելու>> մասին որոշումը Անահիտ Վազգենի Դանիելյանի կողմից ստացվել է 11.12.2018 թվականին:
Պատասխանողի կողմից հայցադիմումի պատասխան չի ներկայացվել:
ՀՀ քաղաքացիական դատավարության օրենսգրքի 296-րդ հոդվածի համաձայն` դատարանները պարզեցված վարույթն իրականացնում են սույն օրենսգրքով նախատեսված գործի քննության ընդհանուր կանոնների համաձայն՝ այն հատուկ կանոնների պահպանմամբ, որոնք սահմանված են սույն գլխի դրույթներով:
ՀՀ քաղաքացիական դատավարության օրենսգրքի 297-րդ հոդվածի 1-ին մասի համաձայն՝ առաջին ատյանի դատարանը որոշում է կայացնում գործը պարզեցված վարույթի կարգով քննելու մասին, եթե ներկայացվել է նվազագույն աշխատավարձի երկուհազարապատիկը չգերազանցող գումարի բռնագանձման պահանջ:
ՀՀ քաղաքացիական դատավարության օրենսգրքի 297-րդ հոդվածի 2-րդ մասի համաձայն՝ առաջին ատյանի դատարանը կարող է պարզեցված վարույթի կարգով քննել նաև այլ գործեր, եթե առկա է գործին մասնակցող բոլոր անձանց միջև կնքված` գործը պարզեցված վարույթի կարգով քննելու վերաբերյալ գրավոր համաձայնություն, և հայցադիմումի պատասխան ներկայացնելու համար սահմանված ժամկետում գործին մասնակցող որևէ անձ չի առարկել գործը պարզեցված վարույթի կարգով քննելու դեմ:
ՀՀ քաղաքացիական դատավարության օրենսգրքի 298-րդ հոդվածի 1-ին մասի համաձայն՝ դատարանը պատասխանողից հայցադիմումի պատասխան ստանալու, իսկ այն չներկայացվելու դեպքում` պատասխան ուղարկելու համար սահմանված ժամկետն ավարտվելու օրվան հաջորդող յոթնօրյա ժամկետում որոշում է կայացնում գործը պարզեցված վարույթի կարգով քննելու մասին, որում նշվում են դատական ակտի հրապարակման ժամանակը և վայրը:
ՀՀ քաղաքացիական դատավարության օրենսգրքի 298-րդ հոդվածի 2-րդ մասի համաձայն՝ գործը պարզեցված վարույթի կարգով քննելու մասին առաջին ատյանի դատարանի որոշումը ոչ ուշ, քան այն կայացնելու հաջորդ օրն ուղարկվում է գործին մասնակցող անձանց:
ՀՀ քաղաքացիական դատավարության օրենսգրքի 300-րդ հոդվածի 1-ին մասի համաձայն՝ գործի քննությունը պարզեցված վարույթի կարգով իրականացվում է առանց դատական նիստ հրավիրելու:
ՀՀ քաղաքացիական դատավարության օրենսգրքի 300-րդ հոդվածի 2-րդ մասի համաձայն՝ առաջին ատյանի դատարանը պարզեցված վարույթի կարգով գործի քննության արդյունքով եզրափակիչ դատական ակտը կայացնում և հրապարակում է սույն օրենսգրքի 299-րդ հոդվածի 1-ին մասով սահմանված, իսկ դատարանի կողմից այդ ժամկետը երկարաձգվելու դեպքում` երկարաձգված ժամկետն ավարտվելու օրվանից մեկամսյա ժամկետում:
Դատարանը, արձանագրելով, որ պատասխանողի կողմից հայցադիմումի պատասխան չի ներկայացվել, լրացել է ՀՀ քաղաքացիական դատավարության օրենսգրքի 139-րդ հոդվածով սահմանված հայցադիմումի պատասխան ներկայացնելու համար սահմանված երկշաբաթյա ժամկետը, գտնում է, որ գործը պետք է քննել պարզեցված վարույթի կարգով:
Վերոգրյալի հիման վրա և ղեկավարվելով ՀՀ քաղաքացիական դատավարության օրենսգրքի 139-րդ, 199-րդ, 200-րդ, 296-298-րդ և 300-րդ հոդվածներով`

ՈՐՈՇԵՑԻ

Թիվ ԵԴ/26486/02/18 քաղաքացիական գործն, ըստ հայցի <<Գլոբալ Կրեդիտ>> ՈՒՎԿ ՍՊԸ-ի ընդդեմ Անահիտ Վազգենի Դանիելյանի` գումար բռնագանձելու մասին, քննել պարզեցված վարույթի կարգով:
Թիվ ԵԴ/26486/02/18 քաղաքացիական գործով վճիռը հրապարակել 25.02.2019 թվականին Հայաստանի Հանրապետության դատական համակարգում (court.am) տեղադրելու և Երևան քաղաքի առաջին ատյանի ընդհանուր իրավասության դատարանի Աջափնյակի նստավայրի գրասենյակ հանձնելու միջոցով (հասցե` քաղաք Երևան, Նազարբեկյան թաղամաս 40):
Սույն որոշումն ուժի մեջ է մտնում կայացման պահից:


ԴԱՏԱՎՈՐ Ս. ԵՐԻՑՅԱՆ

Հասցե` ՀՀ,ք. Երևան, Նազարբեկյան 40

Հեռ..` +374 10 330520

Էլ. փոստ`