Թիվ ԵԴ/24783/02/21 քաղաքացիական գործով դատական նիստի ծանուցագիր
10.11.2022
0008, ք.Երևան, Մ. Խորենացու 162Ա
Հեռ. /010 57-66-13/
Հայցվոր- Էդգար Ալեքսանի Բարսեղյանին
/ ՀՀ, ք.Երևան, Մարգարյան 2-րդ նրբ., 16շ., բն.6/
Պատասխանող- Մադհանկումար Ռաամասամի Մուրուգաիյանին
/Բնակվելու վայրի հասցե՝ ՀՀ, ք.Երևան, Հ.Բեկնազարյան փող. 5/16/
Դատավոր Լ. Գրիգորյանի վարույթում է քննվում թիվ ԵԴ/24783/02/21 քաղաքացիական գործով ըստ հայցի Էդգար Ալեքսանի Բարսեղյանի ընդդեմ Մադհանկումար Ռաամասամի Մուրուգաիյանի, երրորդ անձինք՝ ՀՀ ԿԱ ԱԳԿ պետական կոմիտե և «Ամերիաբանկ» ՓԲԸ-ի՝ պայմանագրով ստանձնած պարտավորությունների կատարմանը պարտավորեցնելու, անշարժ գույքի մասի վարձակալության պայմանագիրը վաղաժամկետ լուծելու և որպես դրա հետևանք իրավունքի պետական գրանցումը դադարեցնելու պահանջների մասին:
Միաժամանակ տեղեկացնում եմ, որ ՀՀ քաղաքացիական դատավարության օրենսգրքի 147-րդ հոդվածի համաձայն`գործին մասնակցող անձն իրավունք ունի դատարանին խնդրել գործը քննել իր բացակայությամբ` ներկայացված փաստաթղթերի և նյութերի հիման վրա: Գործին մասնակցող անձն իրավունք ունի դատարանին խնդրել դատական նիստն անցկացնել իր բացակայությամբ: Դատական նիստի ժամանակի և վայրի մասին ծանուցված գործին մասնակցող անձի չներկայանալը դատական նիստին արգելք չէ գործի քննության համար:
ՀՀ քաղաքացիական դատավարության օրենսգրքի 180-րդ հոդվածի 1–ին կետի 11–րդ մասի համաձայն` առաջին ատյանի դատարանը դատավարության ցանկացած փուլում հայցը կամ դիմումը թողնում է առանց քննության, եթե` ծանուցված հայցվորը (դիմողը) կամ նրա ներկայացուցիչը չի ներկայացել երկու հաջորդական դատական նիստերին և չի ներկայացրել գործի քննությունը հետաձգելու կամ գործն իր բացակայությամբ լուծելու վերաբերյալ միջնորդություն, և պատասխանողը չի միջնորդել գործի քննությունը շարունակելու վերաբերյալ:
Դատարան անհրաժեշտ է ներկայանալ անձը հաստատող փաստաթղթով, իսկ դատարանին տեղեկություններ հաղորդել և դատավարական փաստաթղթեր ուղարկել կարող եք նաև erebuni-dataran@mail.ru էլեկտրոնային հասցեով:
Տեղեկացնում եմ, որ դատական նիստը հետաձգվել և նշանակվել է 2023 թվականի հունվարի 09-ին, ժամը 11:00-ին, Երևան քաղաքի ընդհանուր իրավասության դատարանի Էրեբունի նստավայրում, դահլիճ թիվ 6:
ԴԱՏԱՎՈՐԻ ԳՈՐԾԱՎԱՐ ` Ա.ՊՈՂԻԿՅԱՆ
