Հայաստանի Հանրապետության ինտերնետով ծանուցման պաշտոնական կայք

Քաղաքացիական գործ թիվ ԵԴ/27544/02/22
ՀՀ ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ

ՈՐՈՇՈՒՄ
ՀԱՅՑԱԴԻՄՈՒՄԸ ՎԱՐՈՒՅԹ ԸՆԴՈՒՆԵԼՈՒ ՄԱՍԻՆ

18-ը նոյեմբերի 2022 թվական քաղաք Երևան

ՀՀ Երևան քաղաքի առաջին ատյանի ընդհանու իրավասության դատարանը` նախագահությամբ դատավոր Ս. Սահակյանի, քննության առնելով Սեյեդե Հոդա Սաջադիի ընդդեմ Ալիռեզա Բախթարի, Հելեն Հմայակի Իսախանյանի, երրորդ անձինք Հարություն Մյուդիկի Մոսոյանի, նոտար Նունե Սարգսյանի` ամուսնության ընթացքում ձեռք բերված բնակարանի նկատմամբ սեփականության իրավունքը ճանաչելու և դրա վերաբերյալ կնքված առուվաճառքի պայմանագիրն անվավեր ճանաչելու, որպես անվավերության հետևանք սեփականության իրավունքի գրանցումն անվավեր ճանաչելու պահանջների մասին հայցադիմումը վարույթ ընդունելու հարցը,

ՊԱՐԶԵՑ

Սեյեդե Հոդա Սաջադին 31․05․2022թ. հայցադիմում է ներկայացրել ՀՀ Երևան քաղաքի առաջին ատյանի ընդհանուր իրավասության դատարան ընդդեմ Ալիռեզա Բախթարի, Հելեն Հմայակի Իսախանյանի, երրորդ անձինք Հարություն Մյուդիկի Մոսոյանի, նոտար Նունե Սարգսյանի` ամուսնության ընթացքում ձեռք բերված բնակարանի նկատմամբ սեփականության իրավունքը ճանաչելու և դրա վերաբերյալ կնքված առուվաճառքի պայմանագիրն անվավեր ճանաչելու, որպես անվավերության հետևանք սեփականության իրավունքի գրանցումն անվավեր ճանաչելու պահանջների մասին:
ՀՀ Երևան քաղաքի առաջին ատյանի ընդհանուր իրավասության դատարանը 14․06․2022թ․ կայացրել է որոշում հայցադիմումը վերադարձնելու մասին։
Հայցվորը 19.08.2022թ. հայցադիմումը կրկին ներկայացրել է դատարան:
ՀՀ Երևան քաղաքի առաջին ատյանի ընդհանուր իրավասության դատարանը 30․08․2022թ․ կայացրել է որոշում հայցադիմումը կրկին վերադարձնելու մասին։
Հայցվորը 09․11․2022թ. հայցադիմումը կրկին ներկայացրել է դատարան /հիմք` դիմումի վրա առկա դրոշմակնիք/:
Ուսումնասիրելով հայցադիմումը և կից փաստաթղթերը` Դատարանը գտնում է, որ հայցադիմումը ներկայացվել է ՀՀ քաղաքացիական դատավարության օրենսգրքով նախատեսված պահանջների պահպանմամբ և նույն օրենսգրքի 126-րդ և 127-րդ հոդվածներով նախատեսված` հայցադիմումի ընդունումը մերժելու կամ հայցադիմումը վերադարձնելու հիմքեր չկան:
ՀՀ քաղաքացիական դատավարության օրենսգրքի 127-րդ հոդվածի 4-րդ մասի համաձայն` հայցադիմումի թերությունները վերացնելու համար առաջին ատյանի դատարանը տրամադրում է եռօրյա ժամկետ` սկսած հայցադիմումը վերադարձնելու մասին որոշումն ստանալու պահից, բացառությամբ սույն հոդվածի 1-ին մասի 1-ին, 2-րդ, 6-րդ, 7-րդ և 10-12-րդ կետերով սահմանված դեպքերի: Եռօրյա ժամկետում հայցադիմումի թերությունները վերացվելու և այն դատարան կրկին ներկայացվելու դեպքում հայցադիմումը համարվում է առաջին ատյանի դատարան ներկայացված այն սկզբնապես ներկայացնելու օրը:
Տվյալ դեպքում նկատի ունենալով, որ հայցվորը որոշմամբ մատնանշված հայցադիմումում առկա թերությունները վերացրել և այն դատարան կրկին ներկայացրել է եռօրյա ժամկետում` դատարանը գտնում է, որ հայցադիմումը պետք է դատարան ներկայացված համարել այն սկզբնապես ներկայացնելու օրը` 31․05․2022թ.:
Ելնելով վերոգրյալից և ղեկավարվելով ՀՀ քաղաքացիական դատավարության օրենսգրքի 125-րդ, 199-րդ, 200-րդ հոդվածներով, դատարանը
ՈՐՈՇԵՑ

Սեյեդե Հոդա Սաջադիի հայցն ընդդեմ Ալիռեզա Բախթարի, Հելեն Հմայակի Իսախանյանի, երրորդ անձինք Հարություն Մյուդիկի Մոսոյանի, նոտար Նունե Սարգսյանի` ամուսնության ընթացքում ձեռք բերված բնակարանի նկատմամբ սեփականության իրավունքը ճանաչելու և դրա վերաբերյալ կնքված առուվաճառքի պայմանագիրն անվավեր ճանաչելու, որպես անվավերության հետևանք սեփականության իրավունքի գրանցումն անվավեր ճանաչելու պահանջների մասին, ընդունել վարույթ, ընդունված համարելով այն սկզբնապես ներկայացնելու օրը` 31․05․2022թ.:

ԴԱՏԱՎՈՐ Ս. ՍԱՀԱԿՅԱՆ

Հասցե` ք․Երևան, Հալաբյան 41ա

Հեռ..` 010-51-18-13 (436)

Էլ. փոստ`