Հայաստանի Հանրապետության ինտերնետով ծանուցման պաշտոնական կայք

ԿԴ2/0149/02/20


Պատասխանող՝ Դավիթ Աշոտի Գյուլումյան
Հասցե՝ ՀՀ, Կոտայքի մարզ, ք. Չարենցավան, 2 թաղամաս, 13 շենք, 9 բնակարան

Ո Ր Ո Շ ՈՒ Մ
ՔԱՂԱՔԱՑԻԱԿԱՆ ԳՈՐԾԸ ՎԱՐՈՒՅԹ ԸՆԴՈՒՆԵԼՈՒ ԵՎ
ՆԱԽՆԱԿԱՆ ԴԱՏԱԿԱՆ ՆԻՍՏ ՆՇԱՆԱԿԵԼՈՒ ՄԱՍԻՆ
Հայաստանի Հանրապետության Կոտայքի մարզի առաջին ատյանի ընդհանուր իրավասության դատարանը (այսուհետ՝ նաև Դատարան)

նախագահությամբ՝ դատավոր Ա. ՄՈՒՇԵՂՅԱՆԻ
2023 թվականի հունվարի 3-ին
ծանոթանալով ըստ հայցի Սոնա Պավելի Ասլանյանի՝ ի դեմս խնամակալ Ջուլիետա Մուշեղի Բարսեղյանի (այսուհետ նաև՝ Հայցվոր) ընդդեմ Արմիկ Ազատի Ղարիբյանի, Դավիթ Աշոտի Գյուլումյանի, Աննա Ռուբիկի Չաթոյանի, Լիլիթ Դավթի Չաթոյանի և Աշոտ Դավթի Չաթոյանի (այսուհետ նաև՝ Պատասխանողներ)՝ վնասի հատուցման պահանջի մասին քաղաքացիական գործին

Պ Ա Ր Զ Ե Ց
1. Հայցվորի ներկայացուցիչը հայցադիմում է ներկայացրել Դատարան ընդդեմ Պատասխանողների՝ համապարտությամբ վնասի (բաց թողնված օգուտի) հատուցման պահանջի մասին:
Կոտայքի մարզի առաջին ատյանի ընդհանուր իրավասության դատարանի դատավոր (Ա. Օհանյան) կողմից 31.01.2020 թվականին կայացվել է հայցադիմումը վարույթ ընդունելու մասին որոշում:
Կոտայքի մարզի առաջին ատյանի ընդհանուր իրավասության դատարանի դատավոր (Ա. Օհանյան) կողմից 28.02.2020 թվականին կայացվել է նախնական դատական նիստ նշանակելու մասին որոշում:
Հայցվորի ներկայացուցչի կողմից 07.12.2020 թվականին նշանակված դատական նիստի ընթացքում ներկայացվել է միջնորդություն՝ հայցապահանջը հստակեցնելու և փորձաքննություն նշանակելու մասին:
Կոտայքի մարզի առաջին ատյանի ընդհանուր իրավասության դատարանի դատավոր (Ա. Օհանյան) կողմից 08.12.2020 թվականին կայացվել է հայցի առարկայի փոփոխություն թույլատրելու մասին որոշում:
Կոտայքի մարզի առաջին ատյանի ընդհանուր իրավասության դատարանի դատավոր (Ա. Օհանյան) կողմից 23.02.2021 թվականին կայացվել է ապացուցման պարտականությունը բաշխելու մասին որոշում:
Կոտայքի մարզի առաջին ատյանի ընդհանուր իրավասության դատարանի դատավոր (Ա. Օհանյան) կողմից 23.02.2021 թվականին կայացվել է դատաապրանքագիտական փորձաքննություն նշանակելու և քաղաքացիական գործի վարույթը կասեցնելու մասին որոշում:
«ՎԱՐՄՕՆ ՌԻԵԼԹԻ» ՍՊ ընկերության կողմից 25.10.2022 թվականին Դատարան է ներկյացվել 20.09.2022 թվականի թիվ «080-01/Վ-021» փորձագետի եզրակացությունը:
Կոտայքի մարզի առաջին ատյանի ընդհանուր իրավասության դատարանի դատավոր (Ա. Օհանյան) կողմից 31.10.2022 թվականին կայացվել է գործի կասեցված վարույթը վերսկսելու մասին որոշում:
Կոտայքի մարզի առաջին ատյանի ընդհանուր իրավասության դատարանի դատավոր Ա. Օհանյանի այլ դատարանի դատավոր նշանակվելու հիմքով թիվ ԿԴ2/0149/02/20 քաղաքացիական գործը (այսուհետ՝ Գործ) էլեկտրոնային մակագրությամբ 2022 թվականի դեկտեմբերի 7-ին վերամակագրվել է նույն դատարանի դատավոր Ա. Մուշեղյանիս:
Գործը դատավոր Ա. Մուշեղյանի աշխատակազմին է հանձնվել 2022 թվականի դեկտեմբերի 12-ին:
Դատարանի դատավոր Ա. Մուշեղյանի 2022 թվականի դեկտեմբերի 21-ից 30-ը ներառյալ արձակուրդում գտնվելու հիմքով քաղաքացիական գործը վարույթ ընդունելու մասին որոշումը կայացվել է 2023 թվականի հունվարի 3-ին:
2. ՀՀ քաղաքացիական դատավարության օրենսգրքի 27-րդ հոդվածի 5-րդ մասի համաձայն՝ առաջին ատյանի դատարանում գործի քննությունը, իսկ վերաքննիչ դատարանում բողոքի քննությունն անցկացվում են դատարանի անփոփոխ կազմով, բացառությամբ սույն օրենսգրքով նախատեսված դեպքերի: Դատարանի կազմը փոխվելու կամ կազմում փոփոխության դեպքում կայացվում է գործը (վերաքննիչ բողոքը) վարույթ ընդունելու մասին որոշում, և գործի (վերաքննիչ բողոքի) քննությունն սկսվում է սկզբից:
ՀՀ քաղաքացիական դատավարության օրենսգրքի 165-րդ հոդվածի 1-ին մասի համաձայն՝ հայցային վարույթի գործերով նախնական դատական նիստի անցկացումը պարտադիր է, բացառությամբ այն դեպքերի, երբ դատարանը գործը քննում է պարզեցված վարույթի կարգով կամ կիրառում է արագացված դատաքննություն:
Քննարկվող դեպքում քաղաքացիական գործը հնարավոր չէ քննել այն վարույթ ընդունած դատավորի կողմից, միևնույն ժամանակ գործը պետք է քննվի նույն դատարանի այլ դատավորի կողմից, ուստի ղեկավարվելով ՀՀ քաղաքացիական դատավարության օրենսգրքի 27-րդ հոդվածի 5-րդ մասի պահանջներով, հիմք ընդունելով այն հանագմանքը, որ գործը մակագրվել է դատավոր Ա. Մուշեղյանիս՝ գտնում եմ, որ քաղաքացիական գործը պետք է ընդունել վարույթ և գործով հրավիրել նախնական դատական նիստ:
Հաշվի առնելով վերոգրյալը և ղեկավարվելով ՀՀ քաղաքացիական դատավարության օրենսգրքի 5-րդ, 27-րդ, 165-րդ, 188-րդ և 199-200-րդ հոդվածներով՝ Դատարանը
Ո Ր Ո Շ Ե Ց
1. Ըստ հայցի Սոնա Պավելի Ասլանյանի՝ ի դեմս խնամակալ Ջուլիետա Մուշեղի Բարսեղյանի ընդդեմ Արմիկ Ազատի Ղարիբյանի, Դավիթ Աշոտի Գյուլումյանի, Աննա Ռուբիկի Չաթոյանի, Լիլիթ Դավթի Չաթոյանի և Աշոտ Դավթի Չաթոյանի՝ Պատասխանողներից համապարտությամբ հօգուտ հայցվոր Սոնա Պավելի Ասլանյանի 07.05.2019 թվականից սկսած մինչև Չարենցավան քաղաքի 2-րդ թաղամասի 13-րդ շենքի թիվ 9 բնակարանի՝ հայցվորին պատկանող ¼-րդ բաժնի նկատմամբ վերջինիս սեփականության իրավունքի դադարեցման պահը յուրաքանչյուր ամիս որպես վարձավճար, փորձաքննությամբ որոշված չափով, Չարենցավան քաղաքի 2-րդ թաղամասի 13-րդ շենքի թիվ 9 բնակտարածքի ապօրինի տիրապետման և օգտագործման պատճառով նրա կրած վնասը (բաց թողնված օգուտը) բռնագանձելու պահանջի մասին քաղաքացիական գործն ընդունել վարույթ։
2. Թիվ ԿԴ2/0149/02/20 քաղաքացիական գործով հրավիրել նախնական դատական նիստ 2023 թվականի հունիսի 22-ին՝ ժամը 16:00-ին, Կոտայքի մարզի առաջին ատյանի ընդհանուր իրավասության դատարանում:
Որոշումը սահմանված կարգով ուղարկել գործին մասնակցող անձանց:
Որոշումն օրինական ուժի մեջ է մտնում կայացման պահից և ենթակա չէ բողոքարկման:


ԴԱՏԱՎՈՐ՝
Ա. ՄՈՒՇԵՂՅԱՆ

Հասցե` ՀՀ Կոտայքի մարզ, ք. Եղվարդ, Չարենցի 29

Հեռ..` (0224) 2-16-15

Էլ. փոստ`