Հայաստանի Հանրապետության ինտերնետով ծանուցման պաշտոնական կայք

Էջմիածին համայնքի ղեկավարը քննության առնելով թիվ 159/20 վարչական գործը՝ հողի հարկի ժամանակին չվճարված գումարները գանձելու մասին, պարզեց որ, քաղաքացի Ազիզ Ռոստամի Սադոյանը /հասցե՝ք.Էջմիածին Մայիսյան փող., թիվ 38 տուն, անձնագիր AH0592554/, հանդիսանալով հողի հարկ վճարող սուբյեկտ, <<Հողի հարկի մասին>> ՀՀ օրենքով սահմանված կարգով չի կատարել հողի հարկ վճարելու պարտականությունը, ինչի կապակցությամբ Էջմիածնի համայնքապետարանի աշխատակազմի բյուջետային մուտքերի ապահովման բաժնի 30.04.2020թ. տեղեկանքների և 11.05.2020թ. զեկուցագրի հիման վրա, 2020 թվականի մայիսի 11-ին <<Վարչարարության հիմունքների և վարչական վարույթի մասին>> Հայաստանի Հանրապետության օրենքի 30-րդ հոդվածի 1-ին մասի <<բ>> ենթակետի և նույն օրենքի 34-րդ հոդվածով սահմանված կարգով հարուցվել է վարչական վարույթ:
Ազիզ Ռոստամի Սադոյանը ծանուցվել է /հիմք 18.05.2020թ. թիվ 1454 ծանուցումը/ վարչական վարույթի հարուցման մասին: Վերջինիս առաջարկվել է ծանուցումը ստանալուց հետո 7-օրյա ժամկետում ներկայացնել դիմում (պնդում) վարչական գործով լսումներ անցկացնելու վերաբերյալ և կատարել համայնքի հանդեպ առաջացած հարկային պարտավորությունները:
Ղեկավարվելով <<Վարչարարության հիմունքների և վարչական վարույթի մասին>> ՀՀ օրենքի 38-րդ հոդվածի երկրորդ մասի <<ա>> ենթակետով, հիմք ընդունելով այն հանգամանքը, որ Ազիզ Ռոստամի Սադոյանը, ծանուցումը և իրազեկումը ստանալով 01.06.2020թ-ին, չի պնդել լսում անցկացնելու անհրաժեշտության մասին, վարչական վարույթի լսում չի անցկացվել:
Վարչարարության կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները և հիմք ընդունելով վերոհիշյալ փաստերը, վարչական մարմինը հաստատված է համարում հետևյալը.
Համաձայն ՀՀ ԿԱ ԱԳԿՊ կոմիտեի աշխատակազմի հողամասերի հաշվառման ու գնահատման տվյալների ամփոփ ցուցակից քաղվածքի՝ Էջմիածին համայնքի վարչական սահմաններում գտնվող հողամասերը հանդիսանում է Ազիզ Ռոստամի Սադոյանի սեփականությունը և <<Հողի հարկի մասին>> ՀՀ օրենքներով սահմանված կարգով վերջինս կողմից չի կատարվել հողի հարկ վճարելու պարտականությունները, որի հետևանքով առաջացել է`
1) Էջմիածին համայնքի տարածքում գտնվող 1 հա մակերեսով /գյուղ. նշանակության/ հողատարածքի համար հողի հարկի գծով 343 615 /երեք հարյուր քառասուներեք հազար վեց հարյուր տասնհինգ/ ՀՀ դրամ հարկային պարտավորություն, որից 237 857 /երկու հարյուր երեսունյոթ հազար ութ հարյուր հիսունյոթ/ ՀՀ դրամը 2011-2019թ. համար ապառքի գումար և 105 758 /հարյուր հինգ հազար յոթ հարյուր հիսունութ/ ՀՀ դրամը՝ 2011-2019թթ. ապառքը ժամանակին չվճարելու համար հաշվարկված տույժերի գումարը:
2) Վաղարշապատ ԳԿՏ-ում գտնվող 0.476 հա մակերեսով /գյուղ. նշանակության/ հողատարածքի համար հողի հարկի գծով 76 311 /յոթանասունվեց հազար երեք հարյուր տասնմեկ/ ՀՀ դրամ հարկային պարտավորություն, որից 52 182 /հիսուներկու հազար հարյուր ութսուներկու/ ՀՀ դրամը 2012-2019թ. համար ապառքի գումար և 24 129 /քսանչորս հազար հարյուր քսանինը/ ՀՀ դրամը՝ 2012-2019թթ. ապառքը ժամանակին չվճարելու համար հաշվարկված տույժերի գումարը:
Վարչական ակտ ընդունելու հիմնավորումը.
ՀՀ Սահմանադրության 60-րդ հոդվածի 8-րդ կետի համաձայն` յուրաքանչյուր ոք պարտավոր է մուծել օրենքին համապատասխան սահմանված հարկեր, տուրքեր, կատարել պետական կամ համայնքային բյուջե մուտքագրվող պարտադիր այլ վճարումներ:
Համաձայն <<Հողի հարկի մասին>> ՀՀ օրենքի 1-ին հոդվածի` հողի հարկ վճարողներ են հանդիսանում հողի սեփականատերերը, պետական սեփականություն հանդիսացող հողի մշտական օգտագործողները:
Համաձայն <<Հողի հարկի մասին>> ՀՀ օրենքի 2-րդ հոդվածի 1-ին մասի` գյուղատնտեսական նշանակության հողերի համար հարկման օբյեկտ է հանդիսանում հողի կադաստրային գնահատմամբ որոշված հաշվարկային զուտ եկամուտը:
Համաձայն <<Հողի հարկի մասին>> ՀՀ օրենքի 16-րդ հոդվածի` հողի հարկի գումարը համայնքի վարչական սահմաններում գտնվող հողամասերի համար վճարվում է հարկվող օբյեկտի գտնվելու վայրի համայնքի բյուջե:
Համաձայն <<Տեղական ինքնակառավարման մասին>> ՀՀ օրենքի 38-րդ հոդվածի 1-ին մասի 3-րդ և 4-րդ կետերի` համայնքի ղեկավարը, որպես սեփական լիազորություն, օրենքով սահմանված կարգով կազմակերպում է տեղական հարկերի, տուրքերի և վճարների, համայնքի վարչական սահմաններում գտնվող համայնքային և պետական սեփականություն հանդիսացող հողերի, համայնքի սեփականություն հանդիսացող գույքի վարձավճարների գանձումն ու վերահսկումը:
Տեղական հարկերը, տուրքերը և վճարները չվճարող անձանց նկատմամբ oրենքով սահմանված կարգով կիրառում է համապատասխան միջոցներ:
Ելնելով վերոգրյալից և ղեկավարվելով ՀՀ Սահմանադրության 60-րդ հոդվածի 8-րդ կետով, ՀՀ Հարկային օրենսգրքի 3-րդ, 4-րդ, 397-րդ, 400-րդ և 401-րդ հոդվածներով, <<Տեղական ինքնակառավարման մասին>> ՀՀ օրենքի 38-րդ հոդվածով, <<Հողի հարկի մասին>> ՀՀ օրենքի 1-2-րդ և 16-րդ հոդվածներով և <<Վարչարարության հիմունքների և վարչական վարույթի մասին>> ՀՀ օրենքի 30-րդ հոդվածի 1-ին մասի <<բ>> ենթակետով, 34-րդ, 53-րդ, 58-60-րդ և 89-րդ հոդվածներով՝
ՈՐՈՇՈՒՄ ԵՄ

1.Քաղաքացի Ազիզ Ռոստամի Սադոյանից հօգուտ Էջմիածին համայնքի բյուջեի գանձել ընդհանուր` 419 926 /չորս հարյուր տասնինը հազար ինը հարյուր քսանվեց/ ՀՀ դրամ հարկային պարտավորություն, որից Էջմիածին համայնքի տարածքում գտնվող 1 հա մակերեսով /գյուղ. նշանակության/ հողատարածքի համար 343 615 /երեք հարյուր քառասուներեք հազար վեց հարյուր տասնհինգ/ ՀՀ դրամ հարկային պարտավորություն, որից 237 857 /երկու հարյուր երեսունյոթ հազար ութ հարյուր հիսունյոթ/ ՀՀ դրամը 2011-2019թ. համար ապառքի գումար և 105 758 /հարյուր հինգ հազար յոթ հարյուր հիսունութ/ ՀՀ դրամը՝ 2011-2019թթ. ապառքը ժամանակին չվճարելու համար հաշվարկված տույժերի գումարը և Վաղարշապատ ԳԿՏ-ում գտնվող 0.476 հա մակերեսով /գյուղ. նշանակության/ հողատարածքի համար 76 311 /յոթանասունվեց հազար երեք հարյուր տասնմեկ/ ՀՀ դրամ հարկային պարտավորություն, որից 52 182 /հիսուներկու հազար հարյուր ութսուներկու/ ՀՀ դրամը 2012-2019թ. համար ապառքի գումար և 24 129 /քսանչորս հազար հարյուր քսանինը/ ՀՀ դրամը՝ 2012-2019թթ. ապառքը ժամանակին չվճարելու համար հաշվարկված տույժերի գումարը:
2. Սույն որոշումը կարող է բողոքարկվել վարչական կարգով` Էջմիածնի համայնքի ղեկավարին, դրա ուժի մեջ մտնելու օրվանից երկու ամսվա ընթացքում կամ դատական կարգով ՀՀ վարչական դատարանին` երկամսյա ժամկետում։
3. Սույն որոշման պահանջները չկատարելու դեպքում, <<Վարչարարության հիմունքների և վարչական վարույթի մասին> ՀՀ օրենքի 88-րդ հոդվածով սահմանված կարգով, այն ենթակա է հարկադիր կատարման` ՀՀ ԱՆ Հարկադիր կատարման ծառայության միջոցով` անբողոքարկելի դառնալուց հետո եռամսյա ժամկետում:
4. Սույն որոշումն ուժի մեջ է մտնում կողմերին իրազեկելուն հաջորդող օրվանից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am-ի կամ համայնքապետարանի տեղեկագրում հրապարակելու միջոցով:

Հասցե` ՀՀ Արմավիրի մարզ, ք.Էջմիածին, Սբ.Մ.Մաշտոց 0

Հեռ..` (0231)5-36-63 (650)

Վեբ կայք` http://ejmiatsin.am/

Էլ. փոստ`