ՀՀ ԱՐՄԱՎԻՐԻ ՄԱՐԶ ԷՋՄԻԱԾԻՆ ՀԱՄԱՅՆՔԻ ՂԵԿԱՎԱՐԻ 22.10.2021Թ. ՈՐՈՇՈՒՄ ԹԻՎ 1365՝ ԱՎԵՏԻՍ ՌՈՒԲԻԿԻ ԿԱՐԱԳՈՒԼՅԱՆԻՑ ԳՈՒՅՔԱՀԱՐԿԻ ԵՎ ՀՈՂԻ ՀԱՐԿԻ ԺԱՄԱՆԱԿԻՆ ՉՎՃԱՐՎԱԾ ԳՈՒՄԱՐՆԵՐԸ ԳԱՆՁԵԼՈՒ ՄԱՍԻՆ
10.11.2021
ԳՈՒՅՔԱՀԱՐԿԻ ԵՎ ՀՈՂԻ ՀԱՐԿԻ ԺԱՄԱՆԱԿԻՆ ՉՎՃԱՐՎԱԾ ԳՈՒՄԱՐՆԵՐԸ
ԳԱՆՁԵԼՈՒ ՄԱՍԻՆ
Էջմիածին համայնքի ղեկավարը, քննության առնելով թիվ 314/21 վարչական գործը՝ գույքահարկի և հողի հարկի ժամանակին չվճարված գումարները գանձելու մասին, պարզեց որ, քաղաքացի Ավետիս Ռուբիկի Կարագուլյանը /հասցե՝ ք. Էջմիածին, Իսակով փող. թիվ 71 տուն, անձնագիր ----------/, հանդիսանալով գույքահարկ և հողի հարկ վճարող սուբյեկտ, «Գույքահարկի մասին» և «Հողի հարկի մասին» ՀՀ օրենքներով սահմանված կարգով չի կատարել գույքահարկ և հողի հարկ վճարելու պարտականությունը, ինչի կապակցությամբ Էջմիածնի համայնքապետարանի աշխատակազմի բյուջետային մուտքերի ապահովման բաժնի 14.08.2021թ. տեղեկանքների և 23.08.2021թ-ի զեկուցագրի հիման վրա, 2021 թվականի օգոստոսի 23-ին «Վարչարարության հիմունքների և վարչական վարույթի մասին» Հայաստանի Հանրապետության օրենքի 30-րդ հոդվածի 1-ին մասի «բ» ենթակետի և նույն օրենքի 34-րդ հոդվածով սահմանված կարգով հարուցվել է վարչական վարույթ:
Ավետիս Ռուբիկի Կարագուլյանը պատշաճ ծանուցվել է /հիմք 30.08.2021թ. թիվ 4049 ծանուցումը/ վարչական վարույթի հարուցման մասին: Վերջինիս առաջարկվել է ծանուցումը ստանալուց հետո 7-օրյա ժամկետում ներկայացնել դիմում (պնդում) վարչական գործով լսումներ անցկացնելու վերաբերյալ և կատարել համայնքի հանդեպ առաջացած հարկային պարտավորությունները:
Ղեկավարվելով «Վարչարարության հիմունքների և վարչական վարույթի մասին» ՀՀ օրենքի 38-րդ հոդվածի երկրորդ մասի «ա» ենթակետով, Ավետիս Ռուբիկի Կարագուլյանը ծանուցումը և իրազեկումը ստանալուց հետո /փոստային առաքանի` ADLEO0100059134AM/, 24.09.2021թ-ի ներկայացրել է դիմում-պնդումը վարչական վարույթի շրջանակներում լսումներ անցկացնելու վերաբերյալ:
Էջմիածնի համայնքապետարանի վարչական իրավախախտման դեպքերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքների իրականացման հանձնաժողովը (այսուհետ՝ հանձնաժողով) հրավիրել և անցկացրել է լսում, Ավետիս Ռուբիկի Կարագուլյանի մասնակցությամբ:
Վարչական ակտն ընդունելու համար հիմք հանդիսացող փաստերը
• Հարկային պարտավորությունների վերաբերյալ Էջմիածնի համայնքապերարանի բյուջետային մուտքերի ապահովման բաժնի կողմից տրված 14.08.2021թ.-ի տեղեկանքները և 23.08.2021թ զեկուցագիրը:
• Ավետիս Ռուբիկի Կարագուլյանի 24.09.2021թ-ի դիմում-պնդումը վարչական վարույթի լսում անցկացնելու վերաբերյալ:
• Հանձնաժողովի 08,10.2021թ.-ի թիվ 314/21 վարչական գործով լսումներ անցկացնելու վերաբերյալ արձանագրությունը:
Վարչարարության կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները և հիմք ընդունելով վերոհիշյալ փաստերը՝ արձանագրում ենք հետևյալը.
Համաձայն գույքահարկով հարկվող օյբեկտ համարվող շենքերի և շինությունների հաշվառման ու գնահատման տվյալների վերաբերյալ ՀՀ ԿԱ հարկային պետական ծառայության հարկային (տարածքային) տեսչության ՀՀ ԿԱ ԱԳԿՊ-ի աշխատակազմի ամփոփ ցուցակից և ՀՀ ԿԱ ԱԳԿՊ կոմիտեի աշխատակազմի հողամասերի հաշվառման ու գնահատման տվյալների ամփոփ ցուցակից քաղվածքների՝ ք. Էջմիածին, Իսակով փող. թիվ 54/1 տուն հասցեում գտնվող անշարժ գույքերը հանդիսանում են Ավետիս Ռուբիկի Կարագուլյանի սեփականությունը և «Գույքահարկի մասին» ու «Հողի հարկի մասին» ՀՀ օրենքներով սահմանված կարգով վերջինս կողմից չի կատարվել գույքահարկ և հողի հարկ վճարելու պարտականությունները, որի հետևանքով առաջացել է`
1) Նշված հասցեում գտնվող անշարժ գույքի գույքահարկի /շինություն/ գծով 216 919 /երկու հարյուր տասնվեց հազար ինը հարյուր տասնինը/ ՀՀ դրամ հարկային պարտավորություն, որից 138 796 /հարյուր երեսունութ հազար յոթ հարյուր իննսունվեց/ ՀՀ դրամ 2011-2020թթ. ապառքի գումար և 78 123 /յոթանասունութ հազար հարյուր քսաներեք/ ՀՀ դրամ 2010-2020թթ. ապառքը ժամանակին չվճարելու ընթացքում գոյացած տույժերի գումար:
2) Նշված հասցեում գտնվող 0,0076 հա մակերեսով ոչ գյուղ. նշանակության հողատարածքի համար հողի հարկի գծով 512 /հինգ հարյուր տասներկու/ ՀՀ դրամ հարկային պարտավորություն, որից 475 /չորս հարյուր յոթանասունհինգ/ ՀՀ դրամ 2020թ. ապառքի գումար և 37 /երեսունյոթ/ ՀՀ դրամ 2020թ. ապառքը ժամանակին չվճարելու ընթացքում գոյացած տույժերի գումար:
Համաձայն ՀՀ Ոստիկանության «Ճանապարհային ոստիկանություն ծառայություն» Արմավիրի հաշվառման-քննական բաժանմունքի փոխադրամիջոցների հաշվառման տվյալների ամփոփ ցուցակից քաղվածքի Ավետիս Ռուբիկի Կարագույանը հանդիսանում է MITSUBISHI CHARIOT GRANDIS 2.4 I մակնիշի 34DU865 պետհամարանիշի փոխադրամիջոցի սեփականատերը, որի համար գոյացել է գույքահարկի պարտավորություն, որը կազմել է 77 429 /յոթանասունյոթ հազար չորս հարյուր քսանինը/ ՀՀ դրամ, որից 64 500 /վաթունչորս հազար հինգ հարյուր/ ՀՀ դրամ 2019-2020թթ-ի. ապառքի գումար և 12 929 /տասներկու հազար ինը հարյուր քսանինը/ ՀՀ դրամ 2019-2020թթ. ՀՀ դրամ ապառքը ժամանակին չվճարելու ընթացքում գոյացած տույժեր:
Նշված փաստական հանգամանքները հաշվի առնելով՝ 2021 թվականի հոկտեմբերի 08-ին Էջմիածնի համայնքապետարանում հարուցված վարչական վարույթի շրջանակներում 2021 օգոստոսի 23-ին հրավիրվել է լսում, որին մասնակցելու նպատակով ծանուցվել է` Ավետիս Ռուբիկի Կարագուլյանը:
Վերջինս ներկայանալով վարչական վարույթի նիստին հայտարարեց, որ ելնելով ներկա սոցիալ-տնտեսական վիճակից, խնդրում է կատարել զիջում` տույժերի, ինչ վերաբերում է ապառքներին, պատրաստակամ է մուծումներ կատարել 2016թ.-ից մինչ այսօր գոյացած ապառքի պարտավորությունների համար:
Վերջինիս պարզաբանվեց, որ պարտավորությունները ենթակա են կատարման ամբողջ ծավալով և ներկա պահին չկա որև է իրավական ակտ, որի հիման վրա հնարավոր կլիներ կատարել պարտավորությունների զիջում:
Վարչական ակտ ընդունելու հիմնավորումը.
ՀՀ Սահմանադրության 60-րդ հոդվածի 8-րդ կետի համաձայն` յուրաքանչյուր ոք պարտավոր է մուծել օրենքին համապատասխան սահմանված հարկեր, տուրքեր, կատարել պետական կամ համայնքային բյուջե մուտքագրվող պարտադիր այլ վճարումներ:
Համաձայն «Գույքահարկի մասին» ՀՀ օրենքի 2-րդ հոդվածի` գույքահարկը սեփականության իրավունքով նույն օրենքի 3-րդ հոդվածում նշված անձանց պատկանող հարկվող օբյեկտ համարվող գույքի համար վերը նշված օրենքով սահմանված կարգով և չափով համապատասխան բյուջեներ վճարվող ուղղակի հարկ է, որը կախված չէ հարկ վճարողների տնտեսական գործունեության արդյունքներից:
Նույն օրենքի 3-րդ հոդվածի համաձայն` գույքահարկ վճարողներ են համարվում նաև Հայաստանի Հանրապետությունում և օտարերկրյա պետություններում ստեղծված կազմակերպությունները, Հայաստանի Հանրապետության քաղաքացիները, օտարերկրյա քաղաքացիները, ինչպես նաև քաղաքացիություն չունեցող անձինք, որոնց Հայաստանի Հանրապետության տարածքում պատկանում է օրենքի 4-րդ հոդվածով սահմանված հարկվող օբյեկտ համարվող գույք։
«Գույքահարկի մասին» ՀՀ օրենքի 4-րդ հոդվածի համաձայն` սույն oրենքի իմաuտով գույքահարկով հարկվող oբյեկտ են համարվում շենքերը, շինությունները, փոխադրամիջոցները։
Համաձայն «Գույքահարկի մասին» ՀՀ օրենքի 13 հոդվածի 2-րդ կետի՝ ֆիզիկական անձինք գույքահարկի գումարը նույն հոդվածի 3-րդ մասով սահմանված կարգով համապատասխան բյուջե են վճարում, տվյալ դեպքում Էջմիածին քաղաքային համայնքի բյուջե, մինչև հաշվետու տարվա դեկտեմբերի 1-ը ներառյալ։
Նույն հոդվածի 3-րդ մասի համաձայն՝ Հայաստանի Հանրապետության օրենսդրությամբ սահմանված կարգով և համամասնությամբ գույքահարկի գումարը վճարվում է`
1) համայնքի վարչական տարածքում գտնվող շինությունների համար` հարկվող օբյեկտի գտնվելու վայրի համայնքի բյուջե, իսկ համայնքների վարչական տարածքներից դուրս գտնվող շինությունների համար` Հայաստանի Հանրապետության պետական բյուջե:
2) Հայաստանի Հանրապետության օրենսդրությամբ սահմանված կարգով և համամասնությամբ գույքահարկի գումարը վճարվում է` հարկվող օբյեկտ համարվող փոխադրամիջոցի համար` գույքահարկ վճարող կազմակերպության գտնվելու (հաշվառման) վայրի համայնքի բյուջե: Փոխադրամիջոցի սեփականատեր համարվող ֆիզիկական անձը գույքահարկը վճարում է իր հաշվառման (գրանցման) վայրի համայնքի բյուջե: Նշված հաշվառման (գրանցման) բացակայության դեպքում գույքահարկի գումարը վճարում է իր հիմնական բնակության վայրի համայնքի բյուջե: Եթե ֆիզիկական անձի հիմնական բնակության վայրը Հայաստանի Հանրապետության տարածքից դուրս է, ապա գույքահարկի գումարը վճարվում է փոխադրամիջոցի հիմնական գտնվելու վայրի համայնքի բյուջե:
«Գույքահարկի մասին» ՀՀ օրենքի 17-րդ հոդվածի համաձայն նույն օրենքը խախտելու համար գույքահարկ վճարողները պատասխանատվություն են կրում Հայաստանի Հանրապետության օրենսդրությամբ սահմանված կարգով։
Համաձայն «Հողի հարկի մասին» ՀՀ օրենքի 1-ին հոդվածի` հողի հարկ վճարողներ են հանդիսանում հողի սեփականատերերը, պետական սեփականություն հանդիսացող հողի մշտական օգտագործողները:
Համաձայն «Հողի հարկի մասին» ՀՀ օրենքի 2-րդ հոդվածի 2-րդ մասի` ոչ գյուղատնտեսական նշանակության հողերի համար հարկման օբյեկտ է հանդիսանում հողի կադաստրային գնահատման արժեքը:
Նույն օրենքի 5-րդ հոդվածով սահմանվում են հողի հարկի գանձման չափերը:
Համաձայն «Հողի հարկի մասին» ՀՀ օրենքի 16-րդ հոդվածի` հողի հարկի գումարը համայնքի վարչական սահմաններում գտնվող հողամասերի համար վճարվում է հարկվող օբյեկտի գտնվելու վայրի համայնքի բյուջե:
Համաձայն «Տեղական ինքնակառավարման մասին» ՀՀ օրենքի 38-րդ հոդվածի 1-ին մասի 3-րդ և 4-րդ կետերի` համայնքի ղեկավարը, որպես սեփական լիազորություն, օրենքով սահմանված կարգով կազմակերպում է տեղական հարկերի, տուրքերի և վճարների, համայնքի վարչական սահմաններում գտնվող համայնքային և պետական սեփականություն հանդիսացող հողերի, համայնքի սեփականություն հանդիսացող գույքի վարձավճարների գանձումն ու վերահսկումը:
Տեղական հարկերը, տուրքերը և վճարները չվճարող անձանց նկատմամբ oրենքով սահմանված կարգով կիրառում է համապատասխան միջոցներ:
Վկայակոչված իրավանորմերի իրավազորության պայմաններում անրադառնալով Ա.Գրիգորյանի առարկություններին՝ հարկ է ընդգծել, որ դրանք անհնարին են և չեն բխում իրավահարաբերության կարգավորման օրենսդրական կարգավորումներից և հողի հարկի, ինչպես նաև գույքահարկի հաշվարկման որոշմամբ մատնանշված նորմերի պահանջներից:
Ելնելով վերոգրյալից և ղեկավարվելով ՀՀ Սահմանադրության 60-րդ հոդվածի 8-րդ կետով, ՀՀ Հարկային օրենսգրքի 3-րդ, 4-րդ, 397-րդ, 400-րդ, 401-րդ հոդվածներով և 447-րդ հոդվածի 1.1-րդ մասով, «Տեղական ինքնակառավարման մասին» ՀՀ օրենքի 38-րդ հոդվածով, «Գույքահարկի մասին» ՀՀ օրենքի 2-4-րդ, 13-րդ և 17-րդ հոդվածներով, «Հողի հարկի մասին» ՀՀ օրենքի 1-2-րդ և 16-րդ հոդվածներով և «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» ենթակետով, 34-րդ, 53-րդ, 58-60-րդ և 89-րդ հոդվածներով՝
ՈՐՈՇՈՒՄ ԵՄ
1. Քաղաքացի Ավետիս Ռուբիկի Կարագուլյանից հօգուտ Էջմիածին համայնքի բյուջեի գանձել ընդհանուր` 294 860 /երկու հարյուր իննսունչորս հազար ութ հարյուր վաթսուն/ ՀՀ դրամ, որպես ք. Էջմիածին, Իսակով փող. թիվ 54/1 տուն հասցեում գտնվող անշարժ գույքերի գույքահարկի և հողի հարկի պարտավորություն, որից նշված հասցեում գտնվող անշարժ գույքի գույքահարկի /շինություն/ գծով 216 919 /երկու հարյուր տասնվեց հազար ինը հարյուր տասնինը/ ՀՀ դրամ, նույն հասցեում գտնվող 0,0076 հա մակերեսով ոչ գյուղ. նշանակության հողատարածքի համար հողի հարկի գծով 512 /հինգ հարյուր տասներկու/ ՀՀ դրամ և MITSUBISHI CHARIOT GRANDIS 2.4 I մակնիշի 34DU865 պետհամարանիշի փոխադրամիջոցի գույքահարկ, որը կազմում է 77 429 /յոթանասունյոթ հազար չորս հարյուր քսանինը/ ՀՀ դրամ:
2.Սույն որոշումը կարող է բողոքարկվել վարչական կարգով` Էջմիածնի համայնքի ղեկավարին, դրա ուժի մեջ մտնելու օրվանից երկու ամսվա ընթացքում կամ դատական կարգով ՀՀ վարչական դատարանին` երկամսյա ժամկետում։
3. Սույն որոշման պահանջները չկատարելու դեպքում, «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով, այն ենթակա է հարկադիր կատարման` ՀՀ ԱՆ Հարկադիր կատարումն ապահովող ծառայության միջոցով` անբողոքարկելի դառնալուց հետո եռամսյա ժամկետում:
4. Սույն որոշումն ուժի մեջ է մտնում կողմերին իրազեկելուն հաջորդող օրվանից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am-ի կամ համայնքապետարանի տեղեկագրում հրապարակելու միջոցով:
Հասցե` ՀՀ Արմավիրի մարզ, ք.Էջմիածին, Սբ.Մ.Մաշտոց 0
Հեռ..` (0231)5-36-63 (650)
Վեբ կայք` http://ejmiatsin.am/
Էլ. փոստ`