ՀՀ ԱՐՄԱՎԻՐԻ ՄԱՐԶ ՎԱՂԱՐՇԱՊԱՏ ՀԱՄԱՅՆՔԻ ՂԵԿԱՎԱՐԻ 08.07.2022Թ. ՈՐՈՇՈՒՄ ԹԻՎ 1155-Ա՝ ԱՆԴՐԱՆԻԿ ՍԱՖԱՐԻ ՍԱՖԱՐՅԱՆԻՆ ԱՌԱՆՑ ԹՈՒՅԼՏՎՈՒԹՅԱՆ ԲԱՑՕԹՅԱ ԱՌԵՎՏՈՒՐ ԻՐԱԿԱՆԱՑՆԵԼՈՒ ՀԱՄԱՐ ՎԱՐՉԱԿԱՆ ՊԱՏԱՍԽԱՆԱՏՎՈՒԹՅԱՆ ԵՆԹԱՐԿԵԼՈՒ ԵՎ ՏՈՒԳԱՆՔ ՆՇԱՆԱԿԵԼՈՒ ՄԱՍԻՆ
25.07.2022
ԱՆԴՐԱՆԻԿ ՍԱՖԱՐԻ ՍԱՖԱՐՅԱՆԻՆ ԱՌԱՆՑ ԹՈՒՅԼՏՎՈՒԹՅԱՆ ԲԱՑՕԹՅԱ ԱՌԵՎՏՈՒՐ ԻՐԱԿԱՆԱՑՆԵԼՈՒ ՀԱՄԱՐ ՎԱՐՉԱԿԱՆ ՊԱՏԱՍԽԱՆԱՏՎՈՒԹՅԱՆ ԵՆԹԱՐԿԵԼՈՒ ԵՎ ՏՈՒԳԱՆՔ ՆՇԱՆԱԿԵԼՈՒ ՄԱՍԻՆ
Վաղարշապատ համայնքի ղեկավարը, քննության առնելով թիվ 20/22 վարչական գործը՝ Վաղարշապատ համայնքի Էջմիածին քաղաքի Սոս Մանուկյան /Կնունյանց/ փողոցի վրա Անդրանիկ Սաֆարի Սաֆարյանի կողմից բացօթյա առևտուր իրականացնելու մասին, պարզեց որ
Անդրանիկ Սաֆարի Սաֆարյանի (հասցե ք.Էջմիածին Մովսես Գորգիսյան /Կույբիշև/ փող. 2Բ տուն, ն/ք 003581972, տրված 15.12.2014թ-ին 057-ի կողմից) կողմից Վաղարշապատ համայնքի Էջմիածին քաղաքի Սոս Մանուկյան /Կնունյանց/ փողոցի հասցեին հարակից տարածքում կատարվել է Վարչական իրավախախտումների վերաբերյալ Հայաստանի Հանրապետության օրենսգրքի 169.16-րդ հոդվածի 3-րդ մասով նախատեսված վարչական իրավախախտում, ինչի կապակցությամբ 26.05.2022 թվականին կազմված թիվ ԱՍ1 արձանագրության հիման վրա 2022 թվականի մայիսի 30-ին «Վարչարարության հիմունքների և վարչական վարույթի մասին» Հայաստանի Հանրապետության օրենքի 30-րդ հոդվածի 1-ին մասի «բ» ենթակետի և նույն օրենքի 34-րդ հոդվածով սահմանված կարգով, Վարչական իրավախախտումների վերաբերյալ Հայաստանի Հանրապետության օրենսգրքի 169.16-րդ հոդվածի 3-րդ մասով նախատեսված իրավախախտման փաստով հարուցվել է վարչական վարույթ: Վաղարշապատի համայնքապետարանի վարչական իրավախախտման դեպքերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքների իրականացման հանձնաժողովը, հրավիրել և անցկացրել է լսում Անդրանիկ Սաֆարի Սաֆարյանի լիազորված անձ՝ Քնարիկ Գրիգորի Ավագյանի մասնակցությամբ:
Վարչական ակտն ընդունելու համար հիմք հանդիսացող փաստերը
• Վաղարշապատի համայնքապետարանի աշխատակազմի եկամուտների հաշվառման և հավաքագրման բաժնի մասնագետի կողմից 26.05.2022 թվականին կազմված թիվ ԱՍ1 արձանագրությունը և իրավախախտման վերաբերյալ տարածքի լուսանկարը:
• Հանձնաժողովի 13.06.2022թ. թիվ 23/22 վարչական լսման արձանագրությունը:
«Վարչարարության հիմունքների և վարչական վարույթի մասին» ՀՀ օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները և հիմք ընդունելով վերոհիշյալ փաստերը, վարչական մարմինը հաստատված է համարում հետևյալը.
Անդրանիկ Սաֆարի Սաֆարյանը Վաղարշապատ համայնքի Էջմիածին քաղաքի Սոս Մանուկյան /Կնունյանց / փողոցի վրա, իրականացրել է բացօթյա առևտուր (ծաղիկների վաճառք):
Նշված փաստական հանգամանքները հաշվի առնելով՝ 2022 թվականի հունիսի 13-ին Վաղարշապատի համայնքապետարանում հրավիրվել է լսում, որին մասնակցելու նպատակով ծանուցում է ուղարկվել Անդրանիկ Սաֆարի Սաֆարյանին:
Անդրանիկ Սաֆարի Սաֆարյանը պատշաճ ծանուցվել է վարչական վարույթի անցկացման վայրի և ժամանակի մասին, սակայն չի ներկայացել վարչական վարույթի լսմանը, չի ներկայացրել բացատրություններ և միջնորդություններ, փոխարենը ներկայացել է վերջինիս լիազորված անձ՝ Քնարիկ Գրիգորի Ավագյանը, ով հայտարարել է, որ ունեն ֆինանսական և առողջական լուրջ խնդիրներ և խնդրել է մեղմել տույժը, իսկ իր վստահորդը պատրաստակամ է դիմել համայնքապետարան բացօթյա առևտրի թույլտվություն ստանալու և գործունեությունը օրինական պայմաններում շարունակելու համար:
Հետագա կատարված ուսումնասիրության ժամանակ պարզվել է, որ Անդրանիկ Սաֆարի Սաֆարյանը չի ստացել համապատասխան գործունեություն իրականացնելու թույլտվություն: Ավելին, գործին կցված 19.05.2021թ-ին, 20.05.2021թ-ին, 21.05.2021թ-ին, 22.05.2021թ-ին և 24.05.2021թ-ին կատարված տարածքի լուսանկարահանման փաստաթղթերից պարզ է դառնում, որ չնայած բազմաթիվ նախազգուշացումների և վարչական վարույթով ընթացող գործի Անդրանիկ Սաֆարի Սաֆարյանը շարունակում է առանց թույլտվության առևտուր իրականացնել նշված հասցեում:
Վարչական ակտ ընդունելու իրավական հիմքերը և հիմնավորումները.
Համաձայն «Տեղական ինքնակառավարման մասին» ՀՀ օրենքի 35-րդ հոդվածի առաջին մասի 26-րդ կետի` համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության:
Վարչական իրավախախտումների վերաբերյալ ՀՀ օրենսգրքի 169.16-րդ հոդվածի 3-րդ մասի համաձայն՝ առանց թույլտվության բացօթյա առևտուր իրականացնելը` առաջացնում է տուգանքի նշանակում` սահմանված նվազագույն աշխատավարձի հիսնապատիկից մինչև յոթանասունապատիկի չափով:
«Տեղական տուրքերի և վճարների մասին» ՀՀ օրենքի 9-րդ հոդվածի 1-ին մասի 10-րդ կետի համաձայն` Հայաստանի Հանրապետության համայնքներում սահմանվում են տեղական տուրք` իրավաբանական անձանց և անհատ ձեռնարկատերերին համայնքի վարչական տարածքում «Առևտրի և ծառայությունների մասին» Հայաստանի Հանրապետության օրենքով սահմանված՝ բացօթյա առևտրի կազմակերպման թույլտվության համար:
«Առևտրի և ծառայությունների մասին» Հայաստանի Հանրապետության օրենքի 51-րդ հոդվածի 1-ին և 2-րդ մասերի համաձայն՝ բացօթյա առևտուր կարող են իրականացնել միայն օրենսդրությանը համապատասխան տեղական ինքնակառավարման մարմինների կողմից թույլտվություն ստացած իրավաբանական անձինք և անհատ ձեռնարկատերերը:
Թույլատրվում է միայն ծաղիկների, տնկիների, ամանորյա տոնակատարությունների համար նախատեսված եղևնիների և սոճիների, պաղպաղակի, ջրի, այդ թվում` հանքային, հյութերի և զովացուցիչ ըմպելիքների բացօթյա առևտուրը:
Այսինքն` Անդրանիկ Սաֆարի Սաֆարյանը Վաղարշապատ համայնքի Էջմիածին քաղաքի Սոս Մանուկյան /Կնունյանց/ փողոցի վրա, իրականացրել է բացօթյա առևտուր (ծաղիկների վաճառք), առանց համապատասխան թույլտվության։
Ելնելով վերոգրյալից և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի առաջին մասի 26-րդ կետով, Վարչական իրավախախտումների վերաբերյալ ՀՀ օրենսգրքի 169.16-րդ հոդվածի 3-րդ մասով, 23-րդ և 32-րդ հոդվածներով, «Տեղական տուրքերի և վճարների մասին» ՀՀ օրենքի 9-րդ հոդվածի 1-ին մասի 10-րդ կետով, «Առևտրի և ծառայությունների մասին» ՀՀ օրենքի 51-րդ հոդվածով և «Վարչարարության հիմունքների և վարչական վարույթի մասին» ՀՀ օրենքի 53-րդ, 58-60-րդ հոդվածներով՝
ՈՐՈՇՈՒՄ ԵՄ
1. Անդրանիկ Սաֆարի Սաֆարյանի նկատմամբ նշանակել տուգանք՝ առանց թույլտվության բացօթյա առևտուր իրականացնելու համար 70 000 /յոթանասուն հազար/ՀՀ դրամ գումարի չափով:
2. Նախազգուշացնել Անդրանիկ Սաֆարի Սաֆարյանին, որ սույն որոշմամբ տուգանք նշանակելուց հետո Վարչական իրավախախտումների վերաբերյալ ՀՀ օրենսգրքի 169.16-րդ հոդվածի 3-րդ մասով նախատեսված արարքը վարչական տույժի նշանակման օրվանից հետո` մեկ տարվա ընթացքում, կրկին կատարելը՝ առաջացնում է տուգանքի նշանակում` սահմանված նվազագույն աշխատավարձի իննսունապատիկից մինչև հարյուրտասնապատիկի չափով:
3. Սույն որոշումը կարող է դատական կարգով բողոքարկվել ՀՀ վարչական դատարան՝ «Վարչարարության հիմունքների և վարչական վարույթի մասին» ՀՀ օրենքի 70-րդ և ՀՀ վարչական դատավարության օրենսգրքի 73-րդ հոդվածներով նախատեսված կարգով՝ դրա ուժի մեջ մտնելու օրվանից երկամսյա ժամկետում։
4. Սույն որոշման պահանջները չկատարելու դեպքում, «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ենթակա է հարկադիր կատարման` ՀՀ ԱՆ հարկադիր կատարումն ապահովող ծառայության միջոցով` անբողոքարկելի դառնալուց հետո եռամսյա ժամկետում:
5. Սույն որոշումն ուժի մեջ է մտնում կողմերին իրազեկելուն հաջորդող օրվանից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am կայքի և /կամ համայնքապետարանի տեղեկագրերում հրատարակելու միջոցով:
Հասցե` ՀՀ Արմավիրի մարզ, ք.Էջմիածին, Սբ.Մ.Մաշտոց 0
Հեռ..` (0231)5-36-63 (650)
Վեբ կայք` http://ejmiatsin.am/
Էլ. փոստ`