Հայաստանի Հանրապետության ինտերնետով ծանուցման պաշտոնական կայք

23.10.2023թ.

Հայկ Արամայիսի Բալասանյանի
/հասցե՝ ք. Երևան, Տիգրան Մեծի 27 շենք, 29 բն./

ԴԱՏԱԿԱՆ ԾԱՆՈՒՑԱԳԻՐ


ՀՀ Սնանկության դատարանի /դատավոր Տ.Փոլադյան/ վարույթում է գտնվում թիվ ՍնԴ/0045/02/23 քաղաքացիական գործն ըստ Մարիամ Բալասանյանի ընդդեմ Հայկ Արամայիսի Բալասանյանի, ՀՀ հարկադիր կատարումն ապահովող ծառայությանը`սեփականության իրավունքը ճանաչելու, գույքն ուրիշի ապորինի տիրապետումից վերադարձնելու պահանջի մասին:
Դիմումը վարույթ ընդունելու և ժամանակավոր կառավարիչ նշանակելու որոշումը պատշաճ կարգով ուղարկվել է պարտասխանող Հայկ Արամայիսի Բալասանյանին՝ առաջարկելով 15 օրվա ընթացքում, առարկություն ունենալու դեպքում, վիճարկել իր սնանկությունը:
Պարտասխանող Հայկ Արամայիսի Բալասանյանի կողմից հասցեագրված ծրարը վերադարձվել է ՙչպահանջված՚ է նշումով:
Համաձայն ՀՀ քաղաքացիական դատավարության օրենսգրքի 95-րդ հոդվածի 5-րդ մասիª եթե դատավարության մասնակիցը հրաժարվել է ստանալ ծանուցագիրը, կամ նրա հայտնած հասցեով ուղարկված ծանուցագիրը վերադարձվել է դատարան, կամ ուղարկելու օրվանից երկշաբաթյա ժամկետում դատարանը չի ստացել հետադարձ ծանուցումը (ծանուցման մասին անդորրագիրը), կամ դատավարության մասնակցի հասցեն անհայտ է, ապա դատարանը դատական ծանուցագիրը ուղարկում է՝
1) ֆիզիկական անձի դեպքում` այդ անձի հաշվառման, աշխատանքի վայրի հայտնի հասցեով և անձի վերջին հայտնի բնակության վայրի համապատասխան համայնքի կամ վարչական շրջանի ղեկավարին, իսկ գործի նյութերում ֆիզիկական անձի այլ հասցեների, այդ թվում՝ էլեկտրոնային փոստի վերաբերյալ տվյալների առկայության դեպքում՝ նաև այդ հասցեներով.
2) իրավաբանական անձի դեպքում՝ այդ անձի մշտապես գործող մարմնի գտնվելու վայրի հասցեով, իսկ գործի նյութերում իրավաբանական անձի այլ հասցեների, այդ թվում՝ էլեկտրոնային փոստի վերաբերյալ տվյալների առկայության դեպքում՝ նաև այդ հասցեներով:
Նույն հոդվածի 6-րդ մասի համաձայն՝ սույն հոդվածի 5-րդ մասով սահմանված գործողությունները կատարելու հետ միաժամանակ դատական ծանուցագիրը տեղադրվում է Հայաստանի Հանրապետության հրապարակային ծանուցումների պաշտոնական ինտերնետային կայքում: Սույն մասով նախատեսված գործողությունները կատարելուց հետո 15-րդ օրն անձը համարվում է ծանուցված:
Համաձայն ՀՀ քաղաքացիական դատավարության օրենսգրքի 99-րդ հոդվածի 3-րդ մասիª այն դեպքերում, երբ, սույն օրենսգրքի համաձայն, դատավարական ժամկետի հաշվարկն սկսվում է դատավարական փաստաթուղթն ստանալու օրվանից, և դատավարության մասնակիցը հրաժարվել է ստանալ դատավարական փաստաթուղթը, կամ դատարանին հայտնի հասցեով ուղարկված դատավարական փաստաթուղթը վերադարձվել է, կամ ուղարկելու օրվանից երկշաբաթյա ժամկետում դատարանը չի ստացել այն ստանալու մասին անդորրագիրը, կամ դատավարության մասնակցի հասցեն անհայտ է, ապա դատարանը սույն օրենսգրքի 95-րդ հոդվածի 5-րդ մասով նախատեսված գործողությունները կատարելու հետ միաժամանակ Հայաստանի Հանրապետության հրապարակային ծանուցումների պաշտոնական ինտերնետային կայքում տեղադրում է հրապարակային ծանուցում, որ նշված դատավարական փաստաթղթերը դեպոնացված են առաջին ատյանի դատարանում` դրանց ծանոթանալու նպատակով: Դատավարական փաստաթղթերի դեպոնացման մասին հրապարակային ծանուցումը Հայաստանի Հանրապետության հրապարակային ծանուցումների պաշտոնական ինտերնետային կայքում տեղադրելուց հետո՝ 15-րդ օրը, դատավարական փաստաթղթերը համարվում են հանձնված (ստացված):


Դատավորի օգնական Ա.Մարտիրոսյան

Հասցե` Otyan

Հեռ..` 74-22-33

Էլ. փոստ`