Հայաստանի Հանրապետության ինտերնետով ծանուցման պաշտոնական կայք

ՀՀ ԱՐԱՐԱՏԻ ՄԱՐԶԻ ԱՐԱՐԱՏ ՀԱՄԱՅՆՔԻ
ՂԵԿԱՎԱՐ ՊԱՐՈՆ ԱՍԼԱՆ ԱՎԵՏԻՍՅԱՆԻՆ
Ծանուցող՝ Արա Արմենի Մարության

ԾԱՆՈՒՑՈՒՄ

ՀՀ Արարատի մարզի Նոյակերտ գյուղական համայնքի (այսուհետ նաև՝ «Համայնք») և Արա Արմենի Մարությանի միջև 30․11․2021թ․-ին կնքվել է անշարժ գույքի վարձակալության պայմանագիր (այսուհետ նաև՝ «Պայմանագիր») (գ/մ 17001, նոտար՝ Քրիստինե Արսենյան):
Համաձայն Պայմանագրի 2․6 կետի՝ Վարձատուն պարտավոր է գույքը հանձնել Պայմանագրի պայմաններին և դրա նշանակությանը համապատասխանող վիճակում։
Համաձայն Պայմանագրի 2․7 կետի՝ Վարձատուն պարտավոր է՝ Վարձակալին տեղյակ պահել Գույքի թերությունների մասին։
ՀՀ քաղաքացիական օրենսգրքի 614-րդ հոդվածի 1-ին մասի 1-ին պարբերության համաձայն՝ վարձատուն պատասխանատվություն է կրում վարձակալության հանձնված գույքի օգտագործմանը լրիվ կամ մասնակիորեն խոչընդոտող թերությունների համար, եթե նույնիսկ վարձակալության պայմանագիրը կնքելիս նա չի իմացել այդ թերությունների մասին։
ՀՀ քաղաքացիական օրենսգրքի 614-րդ հոդվածի 1-ին մասի 2-րդ պարբերության 3-րդ կետի համաձայն՝ այդպիսի թերություններ հայտնաբերելիս վարձակալը, իր ընտրությամբ, իրավունք ունի պահանջել վաղաժամկետ լուծելու պայմանագիրը:
Համայնքի հետ մինչև այս պահն ունեցել եմ որոշակի նամակագրություն, որով անդրադարձել եմ. (1) այն դատական գործերին, որոնց շրջանակներում վեճի առարկա է հանդիսանում Պայմանագրով սահմանված հողամասը, (2) Պայմանագրով սահմանված հողամասին առնչվող թերություններին։
Համաձայն Պայմանագրի 3․1.-րդ կետի՝ Պայմանագիրը կարող է վաղաժամկետ լուծվել, եթե այդ մասին կողմերից մեկը գրավոր դիմում է մյուս կողմին 1 (մեկ) ամիս առաջ։
Ուստի ղեկավարվելով Պայմանագրի 3․1 կետով՝
1) սույնով ես՝ Արա Արմենի Մարությանս, վաղաժամկետ լուծում եմ ՀՀ Արարատի մարզի Նոյակերտ գյուղական համայնքի և Արա Մարությանի միջև 30․11․2021թ․-ին կնքված անշարժ գույքի վարձակալության պայմանագիրը (գ/մ 17001, նոտար՝ Քրիստինե Արսենյան)` ամբողջությամբ հրաժարվելով այդ պայմանագրից և խնդրում եմ պայմանագիրը հարամել լուծված։

Կից ներկայացվում են.
1.Արա Մարությանի անձնագրի պատճենը,
2.ՀՀ Արարատի մարզի Նոյակերտ գյուղական համայնքի և Արա Արմենի Մարությանի միջև 30․11․2021թ․-ին կնքված անշարժ գույքի վարձակալության պայմանագրի (գ/մ 17001, նոտար՝ Քրիստինե Արսենյան) պատճենը,
3․ Լիազորագիրը,
4․ Ներկայացուցչի անձը հաստատող փաստաթղթի և փաստաբանական գործունեության արտոնագրի պատճենները։

Հասցե` ՀՀ, ք․ Երևան, Գ․ Նժդեհի 56/2

Հեռ..` +37477796706

Էլ. փոստ`