Որոշում N Տ(19)210430 Վարչական տույժ նշանակելու մասին «ՀԱՅԱՍՏԱՆԻ ՄԱՆՈՒԿՆԵՐ» բարեգործական հիմնադրամի տնօրեն Կորյուն Խաչատուրյանին Վարչական իրավախախտումների վերաբերյալ Հայաստանի Հանրապետության օրենսգրքի 137.4-րդ հոդվածի 1-ին մասի հատկանիշներով ենթարկել վարչական պատասխանատվության և նրա նկատմամբ նշանակել վարչական տույժ՝ նախազգուշացում:
19.01.2022
Տեսչական մարմնի Լոռու տարածքային բաժնի կողմից 27․10․2021 թվականին իրականացվել են վերահսկողական գործառույթներ՝ ընդհանուր օգտագործման պետական ավտոմոբիլային ճանապարհներին՝ գովազդի մասին օրենսդրության պահանջների պահպանման վերաբերյալ, որի արդյունքում կազմվել է տրանսպորտի բնագավառում իրավախախտում կատարելու վերաբերյալ թիվ Տ(19)210430 արձանագրությունը՝ Հիմնադրամի (հասցե՝ ՀՀ, ք․ Երևան, Մելիք Ադամյան 2/2) կողմից կատարված վարչական իրավախախտման փաստի վերաբերյալ, այն է՝ Մ–6 Վանաձոր (Մ-3 հատման կետ)-Ալավերդի-Վրաստանի Հանրապետության սահման միջպետական նշանակության ավտոմոբիլային ճանապարհի 28+100 կմ հատվածի աջ մասում, 27․10․2021 թվականի ժամը՝ 15։13-ի դրությամբ, առանց համապատասխան թույլտվության տեղադրված է եղել գովազդային վահանակ՝ «Բարի գալուստ ՔՈԱՖ ՍՄԱՐԹ ԿԵՆՏՐՈՆ» գրառմամբ:
Այսինքն՝ Հիմնադրամի տնօրեն Կորյուն Խաչատուրյանը խախտել է գովազդի մասին օրենսդրության պահանջները, որի համար Վարչական իրավախախտումների վերաբերյալ Հայաստանի Հանրապետության օրենսգրքի 137.4 -րդ հոդվածի 1-ին մասի 1-ին պարբերությամբ նախատեսված է վարչական պատասխանատվություն։
Վերոնշյալ իրավախախտման վերաբերյալ գործի քննությունը տեղի է ունեցել 2021թ. դեկտեմբերի 07-ին։ Հիմնադրամի տնօրեն Կորյուն Խաչատուրյանի (անձնագիր AA0006440, տրվ․՝ 10․03․2016թ․002-ի կողմից) լիազորված անձ Անժելիկա Հարությունի Նազարեթյանը (լիազորագիր՝ տրվ․՝ 06․12․2021թ․, մեկ ամիս ժամկետով) իր գրավոր բացատրությամբ ընդունել է իրենց կողմից կատարված վարչական իրավախախտման փաստը և հայտնել, որ արդեն իսկ միջոցներ են ձեռնակել համապատասխան թույլտվություն ստանալու ուղղությամբ։
«Գովազդի մասին» ՀՀ օրենքի 11-րդ հոդվածի համաձայն՝ արտաքին գովազդը տեղաբաշխվում է բնակավայրերում պլակատների, ազդագրերի, հայտարարությունների, վահանակների, լուսատախտակների և այլ տեխնիկական միջոցների ձևով: Արտաքին գովազդի ծավալը, քանակությունը, տեղաբաշխման կարգն ու պայմանները որոշում են տեղական ինքնակառավարման մարմինները:
Արգելվում է առանց համայնքի ղեկավարի թույլտվության և համայնքի ավագանու կողմից սահմանված գոտիներից դուրս համայնքի ընդհանուր օգտագործման տարածքներում, հենասյուների, էլեկտրասյուների, ծառաբների, քաղաքային կահավորանքների, ինչպես նաև ցանկացած այլ հանրային վայրերում արտաքին գովազդի, ինչպես նաև նախատեսված վահանակներից դուրս հայտարարությունների տեղադրումը:
«Ավտոմոբիլային ճանապարհների մասին» ՀՀ օրենքի 14-րդ հոդվածի 2-րդ մասի համաձայն՝ ավտոմոբիլային ճանապարհի օտարման շերտում և պաշտպանական գոտում սպասարկման օբյեկտների և գովազդի (գովազդային վահանակի) տեղադրումը կատարվում է շինարարական նորմերին և այլ իրավական ակտերով սահմանված պահանջներին համապատասխան` դրանց տնօրինողների թույլտվությամբ:
Վարչական իրավախախտումների վերաբերյալ Հայաստանի Հանրապետության օրենսգրքի 137.4-րդ հոդվածի 1-ին մասի համաձայն՝ ընդհանուր օգտագործման պետական ավտոմոբիլային ճանապարհներին առանց դրանց տնօրինողների թույլտվության գովազդային վահանակի տեղադրումը առաջացնում է նախազգուշացում:
ՀՀ կառավարության 2006 թվականի հունվարի 19-ի N 765-Ն որոշման հավելվածի 4-րդ կետի համաձայն՝ ճանապարհների վրա գովազդ տեղադրելու համաձայնությունը ճանապարհային երթևեկության անվտանգության մասով համաձայնեցնելով Հայաստանի Հանրապետության կառավարությանն առընթեր Հայաստանի Հանրապետության ոստիկանության հետ տալիս է` ա) միջպետական և հանրապետական նշանակության ճանապարհներին (ներառյալ պաշտպանական գոտիները)` Հայաստանի Հանրապետության տարածքային կառավարման և ենթակառուցվածքների նախարարությունը, բ) մարզային ենթակայության տեղական նշանակության ճանապարհներին` համապատասխան մարզպետը։
Վերոնշյալ օրենսդրական պահանջների և չափորոշիչների հաշվառմամբ` վարչական վարույթի նյութերի հետազոտումից պարզվել է, որ վարչական վարույթի նյութերում առկա են իրավախախտման փաստը հաստատող բավարար ապացույցներ (2021 թվականի հոկտեմբերի 27-ին կազմված տրանսպորտի բնագավառում իրավախախտում կատարելու վերաբերյալ թիվ Տ(19)210430 արձանագրությունը, լուսանկարի պատճենը, վարչական իրավախախտման վերաբերյալ գործի քննության արձանագրությունը և այլ նյութեր), որոնցով հիմնավորվել է Հիմնադրամի տնօրեն Կորյուն Խաչատուրյանի կողմից կատարված վարչական իրավախախտման փաստը:
Հիմք ընդունելով վերոգրյալը և ղեկավարվելով Վարչական իրավախախտումների վերաբերյալ Հայաստանի Հանրապետության օրենսգրքի 24413-րդ հոդվածով, 281-րդ հոդվածով, 282-րդ հոդվածի 1-ին կետով՝
ՈՐՈՇԵՑԻ
ՀԱՅԱՍՏԱՆԻ ՄԱՆՈՒԿՆԵՐ» բարեգործական հիմնադրամի տնօրեն Կորյուն Խաչատուրյանին Վարչական իրավախախտումների վերաբերյալ Հայաստանի Հանրապետության օրենսգրքի 137.4-րդ հոդվածի 1-ին մասի հատկանիշներով ենթարկել վարչական պատասխանատվության և նրա նկատմամբ նշանակել վարչական տույժ՝ նախազգուշացում:
Ծանոթություն․
Սույն որոշումը կարող է բողոքարկվել այն սահմանված կարգով հանձնելու (հանձնված համարվելու) օրվանից հետո՝ երեսուն օրվա ընթացքում Տեսչական մարմին կամ ՀՀ վարչական դատարան՝ օրենքով սահմանված կարգով և ժամկետներում:
Հասցե` 0054, Երևան, Դավթաշեն 4-րդ թաղ․, Ա․ Միկոյան 109/8
Հեռ..` (+374 60) 86 66 66
Վեբ կայք` https://www.utfsib.am/
Էլ. փոստ`