Վարչապետի աշխատակազմը հայտարարում է բաց մրցույթ Վարչապետի աշխատակազմի «Հանրային կապերի և տեղեկատվության կենտրոն» պետական ոչ առևտրային կազմակերպության տնօրենի թափուր պաշտոն զբաղեցնելու համար
09.12.2021
ՀԱՅՏԱՐԱՐՈՒԹՅՈՒՆ
Վարչապետի աշխատակազմը հայտարարում է բաց մրցույթ
Վարչապետի աշխատակազմի «Հանրային կապերի և տեղեկատվության կենտրոն» պետական ոչ առևտրային կազմա¬կեր¬պության տնօրենի թափուր պաշտոն զբաղեցնելու համար
• Տնօրենը`
Իրականացնում է ուսումնասիրություններ հանրային կապերի, պետական կառույցների թափանցիկության, տեղեկատվության մատչելիության, տեղեկատվության հավաքման և տարածման գործընթացների վերաբերյալ, զանգվածային լրատվության միջոցների ընդհանուր և թեմատիկ դիտարկում և վերլուծություն, ուսումնասիրություններ և դիտարկումներ զանգվածային լրատվամիջոցների շուկայի վերաբերյալ` նրանց տպաքանակների, իրացման ծավալների և ծածկույթների, բազմազանության, թափանցիկության և այլ խնդիրների շուրջ, հանրային կապերի և տեղեկատվության ոլորտում միջազգային փորձի, քաղաքացիների սահմանադրական իրավունքների և ազատությունների, մասնավորապես` տեղեկացված լինելու իրավունքի հետ առնչվող խնդիրների ուսումնասիրություն, ինչպես նաև կանոնադրությամբ սահմանված այլ գործառույթներ:
• Նշված թափուր պաշտոնը զբաղեցնելու համար պահանջվում է՝
ա) բարձրագույն կրթություն.
բ) համապատասխան բնագավառի առնվազն երեք տարվա մասնագիտական աշխատանքային ստաժ.
գ) տվյալ թափուր պաշտոնի լիազորությունների հետ կապված անհրաժեշտ իրավա¬կան ակտերի (այդ թվում` Հայաստանի Հանրապետության Սահմանադրություն, համապատասխան ոլորտի օրենսդրություն և այլ իրավական ակտեր) իմացություն,
դ) պետական կազմակերպության զարգացման ու բարեփոխման հայեցակարգ և հիմնա-դրույթներ մշակելու կարողություն.
ե) տրամաբանելու և տարբեր իրավիճակներում կողմնորոշվելու ունակություն.
զ) ֆինանսատնտեսական գործունեության իրականացման կարողություն.
է) համակարգչով և ժամանակակից այլ տեխնիկական միջոցներով աշխատելու ունակություն.
ը) աշխատանքի կազմակերպման և ղեկավարման անհրաժեշտ հմտություն.
թ) ենթակաների հետ վարվելու անհրաժեշտ էթիկայի կանոնների իմացություն.
ժ) առնվազն մեկ օտար լեզվի իմացություն։
• Դիմող ՀՀ քաղաքացիները պետք է ներկայացնեն հետևյալ փաստաթղթերը՝
ա) դիմում,
բ) մեկ լուսանկար ` 3 x 4 սմ չափսի,
գ) քաղվածք` աշխատանքային գրքույկից,
դ) ինքնակենսագրություն,
ե) բարձրագույն կրթության դիպլոմի պատճենը,
զ) կադրերի հաշվառման անձնական թերթիկ (լրացված),
է) տեղեկանք` մշտական բնակության վայրից,
ը) հրատարակված հոդվածների ցանկ կամ գիտական կոչումը հավաստող փաստա¬թղթի պատճենը (դրանց առկայության դեպքում),
թ) բնութագիր` վերջին աշխատավայրից (եթե այն չի լուծարվել)։
Քաղաքացին մրցույթին մասնակցելու համար փաստաթղթերը հանձնում է անձամբ՝ ներկայացնելով անձնագիր։
Մրցույթը կանցկացվի 2022 թ. հունվարի 18 ին, ժամը 11:00-ին, ք. Երևան, Հանրապետության հրապարակ, Կառավարական տուն 1 հասցեում։
Փաստաթղթերը ընդունվում են ք. Երևան, Հանրապետության հրապարակ, Կառավարական տուն 1 հասցեում՝ երկուշաբթի, երեքշաբթի, չորեքշաբթի օրերին` ժամը 1000-ից մինչև 1200-ը, հինգշաբթի, ուրբաթ օրերին` ժամը 1400-ից մինչև 1700-ը (մուտքը անցագրային բյուրոյից)։
Դիմումների ընդունման վերջին ժամկետն է` 14 հունվարի 2022 թ.։
Լրացուցիչ տեղեկություններ ստանալու, ինչպես նաև թափուր պաշտոնի լիազորությունների հետ կապված իրավա¬կան ակտերի ցանկին ծանոթանալու համար դիմել Վարչապետի աշխատակազմ (հեռ․ 51-57-56)։
Հասցե` Կառավարական տուն 1
Հեռ..` 51-57-56
Էլ. փոստ`