Որոշում հարկադիր կատարողի կողմից կայացաված որոշումը անշարժ գույքը հարկադիր վտարելու մասին (պարտապաններ՝ Վլադիմիր Սմբատյան, Նառա Առուստամյան)
12.02.2024
ՀՀ Երևան քաղաքի ընդհանուր իրավասության դատարանի կողմից 27.07.2021թ. տրված թիվ ԵԴ/1699/02/21 կատարողական թերթի համաձայն պետք է Վլադիմիր Վաչագանի Սմբատյանից և Նառա Գալուստի Առուստամյանից հօգուտ «Այ Դի բանկ» ՓԲԸ-ի բռնագանձել 4.323.147 ՀՀ դրամ և հաշվարկվող տոկոսներ, ինչպես նաև 91.000 ՀՀ դրամ՝ որպես նախապես վճարված պետական տուրքի գումար, բռնագանձումը տարածելով գրավի առարկա հանդիսացող ՀՀ, Լոռու մարզ, ք. Վանաձոր, Աղայան փող. 81 շենք թիվ 37 հասցեում գտնվող անշարժ գույքի վրա:
Գրավի առարկա հանդիսացող ՀՀ, Լոռու մարզ, ք. Վանաձոր, Աղայան փող. 81 շենք թիվ 37 հասցեի անշարժ գույքը հրապարակային սակարկությունների միջոցով վաճառվել է:
05.10.2023թ. գնորդ «Այ Դի բանկ» ՓԲԸ-ն գրություն է ներկայացրել Հարկադիր կատարումն ապահովող ծառայություն՝ խնդրելով ձեռնարկել անհրաժեշտ միջոցներ՝ առանց որևէ իրավական հիմքի վերոնշյալ անշարժ գույքը զբաղեցնող անձանց վտարելու համար:
Պարտապաններին անշարժ գույքը ինքնակամ ազատելու համար տրվել է մինչև 04.12.2023թ. ժամկետ:
Սահմանված ժամկետում այն չի ազատվել: