ԵԶՐԱԿԱՑՈՒԹՅՈՒՆ
Վիճակախաղերի, շահումով խաղերի, ինտերնետ շահումով խաղերի և խաղատների լիցենզավորող հանձնաժողովի 15.01.2019թ. կայացած նիստի
արձանագրությունից
15.01.2019
Հանձնաժողովը հրապարակեց իր եզրակացությունը.
1. Հիմք ընդունելով «Կաբարկո» ՍՊԸ կողմից 20.12.2018թ. ներկայացված գրությունը, կից փաստաթղթերը և ղեկավարվելով «Շահումով խաղերի, ինտերնետ շահումով խաղերի և խաղատների մասին» օրենքի 7-րդ հոդվածի 3-րդ մասով՝ «Կաբարկո» ՍՊԸ կողմից 20.12.2018թ. ներկայացված ինտերնետ շահումով խաղերի կազմակերպման և անցկացման կանոնակարգի փոփոխություններին և լրացումներին տալ համաձայնություն:
2. Հիմք ընդունելով «ԴԻՋԻԹԵՅՆ» ՍՊԸ կողմից 18.12.2018թ. ներկայացված գրությունը, կից փաստաթղթերը և առաջնորդվելով «Շահումով խաղերի, ինտերնետ շահումով խաղերի և խաղատների մասին» օրենքի 7-րդ հոդվածի 3-րդ մասով` «ԴԻՋԻԹԵՅՆ» ՍՊԸ կողմից 18.12.2018թ. ներկայացված ինտերնետ շահումով խաղերի կազմակերպման և անցկացման կանոնակարգի փոփոխությանը (այսուհետ՝ Կանոնակարգի փոփոխություն) համաձայնություն տալ վերապահումով՝ ստորև նշված թերությունները շտկելուց հետո.
- Կանոնակարգի փոփոխության մեջ անհրաժեշտ է հստակեցնել այն դրույթը, երբ խաղացողի կողմից առավելագույն (երեք) խաղադաշտերով խաղալու դեպքում բաժանված խաղաթղթերն ունենան նույն թվային արժեքը (սփլիթ), խաղադաշտեր ավելանալու են, թե ոչ:
- Կանոնակարգի փոփոխության մեջ անհրաժեշտ է հստակեցնել «Կատարյալ զույգ» շահող համակցությունների տարբերակների սահմանումները:
- Կանոնակարգի փոփոխության մեջ անհրաժեշտ է հստակեցնել «21+3» շահող համակցությունների 1-ին և 3-րդ տողերի տարբերակների սահմանումները:
