Հայաստանի Հանրապետության ինտերնետով ծանուցման պաշտոնական կայք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԱՐՉԱԿԱՆ ԴԱՏԱՐԱՆ

Վարչական գործ թիվ ՎԴ/6702/05/23


Ո Ր Ո Շ ՈՒ Մ
ԴԱՏԱՎԱՐՈՒԹՅԱՆ ՄԵՋ ԵՐՐՈՐԴ ԱՆՁԻՆՔ ՆԵՐԳՐԱՎԵԼՈՒ ՄԱՍԻՆ
«14» փետրվարի 2024թ. ք. Երևան
Հայաստանի Հանրապետության վարչական դատարանը (այսուհետ` Դատարան)` նախագահությամբ դատավոր Վարազդատ Միքաելյանի, քննարկելով ըստ հայցի Թամարա Միրզոյանն ընդդեմ նոտար Յուրա Խաչիկի Եղիազարյանի՝ Մանվել Սահակի Միրզոյանին և Հոռոմսիմ Սողոմոնի Միրզոյանին տրված ժառանգության իրավունքի վկայագրերը և որպես հետևանք՝ պետական գրանցումը մասնակի՝ Էմմա Միրզոյանի գույքի բնակելի տան 20,2 քմ և 55,3 քմ հողամասի չափով անվավեր ճանաչելու պահանջի մասին, վարչական գործով դատավարության մեջ Մանվել Սահակի Միրզոյանին և Հոռոմսիմ Սողոմոնի Միրզոյանին որպես երրորդ անձինք ներգրավելու հարցը,

Պ Ա Ր Զ Ե Ց

Դատարանի վարույթում է գտնվում Թամարա Միրզոյանի հայցն ընդդեմ նոտար Յուրա Խաչիկի Եղիազարյանի՝ Մանվել Սահակի Միրզոյանին և Հոռոմսիմ Սողոմոնի Միրզոյանին տրված ժառանգության իրավունքի վկայագրերը և որպես հետևանք՝ պետական գրանցումը մասնակի՝ Էմմա Միրզոյանի գույքի բնակելի տան 20,2 քմ և 55,3 քմ հողամասի չափով անվավեր ճանաչելու պահանջի մասին:
Քննարկելով սույն գործով դատավարության մեջ Մանվել Սահակի Միրզոյանին և Հոռոմսիմ Սողոմոնի Միրզոյանին որպես երրորդ անձինք ներգրավելու հարցը՝ Դատարանը գտնում է, որ վերջիններիս անհրաժեշտ է ներգրավել որպես երրորդ անձինք հետևյալ պատճառաբանությամբ.
ՀՀ վարչական դատավարության օրենսգրքի 19-րդ հոդվածի 1-ին մասի համաձայն՝ երրորդ անձինք այն ֆիզիկական կամ իրավաբանական անձինք են կամ մարմինները, որոնց իրավունքները շոշափվում են կամ անմիջականորեն կարող են շոշափվել գործի քննության արդյունքում ընդունվելիք դատական ակտով, ինչպես նաև այն մարմինները կամ պաշտոնատար անձինք, որոնց լիազորություններին առնչվում է կամ կարող է առնչվել ընդունվելիք դատական ակտը:
Նույն հոդվածի 2-րդ մասի համաձայն՝ երրորդ անձինք դատավարության մեջ կարող են ներգրավվել իրենց դիմումի հիման վրա:
Նույն հոդվածի 3-րդ մասի համաձայն՝ եթե դատական ակտը անխուսափելիորեն և ուղղակիորեն տարածվելու է նաև որոշակի անձանց կամ մարմինների վրա, ապա վարչական դատարանը պարտավոր է այդ անձանց (մարմիններին) ներգրավել դատավարության մեջ որպես երրորդ անձ։
Վերոնշյալ նորմերի վերլուծությունից հետևում է, որ այն դեպքերում, երբ գործի քննության արդյունքում կայացվող դատական ակտով շոշափելու է կամ հնարավոր է շոշափվի այլ անձանց իրավունքները, ինչպես նաև այդ դատական ակտն առնչվելու է կամ կարող է առնչվել այլ մարմինների կամ պաշտոնատար անձանց լիազորություններին, ապա այդ անձինք համարվում են երրորդ անձինք, ովքեր դատավարության մեջ կարող են ներգրավվել ինչպես իրենց դիմումի հիման վրա, այնպես էլ՝ դատարանի նախաձեռնությամբ: Ընդ որում, այն դեպքերում, երբ դատարանը գտնում է, որ դատական ակտը անխուսափելիորեն և ուղղակիորեն տարածվելու է որոշակի անձանց կամ մարմինների վրա՝ վերջիններիս որպես երրորդ անձ ներգրավելը հանդիսանում է դատարանի պարտականությունը:
Դատարանը, ուսումնասիրելով սույն գործի նյութերը և հիմք ընդունելով վերոգրյալ վերլուծությունը, գտնում է, որ տվյալ դեպքում կայացվող դատական ակտը առնչվելու է Մանվել Սահակի Միրզոյանի և Հոռոմսիմ Սողոմոնի Միրզոյանի իրավունքներին:
Ելնելով վերոգրյալից և հիմք ընդունելով ՀՀ վարչական դատավարության օրենսգրքի 19-րդ հոդվածի 1-ին և 3-րդ մասերը՝ Դատարանը եզրահանգում է, որ սույն գործով Մանվել Սահակի Միրզոյանին և Հոռոմսիմ Սողոմոնի Միրզոյանին դատավարության մեջ պետք է ներգրավել որպես երրորդ անձինք:
Վերոգրյալի հիման վրա և ղեկավարվելով ՀՀ վարչական դատավարության օրենսգրքի 19-րդ, 123-րդ հոդվածներով և 127-րդ հոդվածի 10-րդ մասով, ՀՀ քաղաքացիական դատավարության օրենսգրքի 200-րդ հոդվածով, Դատարանը`

Ո Ր Ո Շ Ե Ց

1. Ըստ հայցի Թամարա Միրզոյանն ընդդեմ նոտար Յուրա Խաչիկի Եղիազարյանի՝ Մանվել Սահակի Միրզոյանին և Հոռոմսիմ Սողոմոնի Միրզոյանին տրված ժառանգության իրավունքի վկայագրերը և որպես հետևանք՝ պետական գրանցումը մասնակի՝ Էմմա Միրզոյանի գույքի բնակելի տան 20,2 քմ և 55,3 քմ հողամասի չափով անվավեր ճանաչելու պահանջի մասին, վարչական գործով դատավարության մեջ Մանվել Սահակի Միրզոյանին և Հոռոմսիմ Սողոմոնի Միրզոյանին դատավարության մեջ ներգրավել որպես երրորդ անձինք:
2. Սույն որոշումն օրինական ուժի մեջ է մտնում կայացման պահից և ենթակա չէ բողոքարկման:


ԴԱՏԱՎՈՐ՝ ՎԱՐԱԶԴԱՏ ՄԻՔԱԵԼՅԱՆ










ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԱՐՉԱԿԱՆ ԴԱՏԱՐԱՆ

0026, ք. Երևան, Գարեգին Նժդեհի փող. 23, հեռ.՝ (+37410)-49-48-07 (216)

ԴԴ-9-Ե-___________ 0026 ք.Երևան, Գ.Նժդեհի 23
Վարչական գործ թիվ ՎԴ/6702/05/23 «14» փետրվարի 2024թ.

Երրորդ անձ՝ Հոռոմսիմ Միրզոյանին
(Արմավիրի մարզ գ. Հայկավան 17 փողոց, 5 տուն)

ՀՀ վարչական դատարանի վարույթում է գտնվում թիվ ՎԴ/6702/05/23 վարչական գործն ըստ հայցի Թամարա Միրզոյանն ընդդեմ նոտար Յուրա Խաչիկի Եղիազարյանի՝ Մանվել Սահակի Միրզոյանին և Հոռոմսիմ Սողոմոնի Միրզոյանին տրված ժառանգության իրավունքի վկայագրերը և որպես հետևանք՝ պետական գրանցումը մասնակի՝ Էմմա Միրզոյանի գույքի բնակելի տան 20,2 քմ և 55,3 քմ հողամասի չափով անվավեր ճանաչելու պահանջի մասին:
Ձեզ ուղարկվում է ՀՀ վարչական դատարանի 14.02.2024 թվականի «Դատավարության մեջ երրորդ անձինք ներգրավելու մասին» որոշումը՝ «2» թերթից, հայցադիմումի և կից փաստաթղթերի պատճենները՝ «35» թերթից
ՀՀ վարչական դատավարության օրենսգրքի 19-րդ հոդվածի 7-րդ մասի համաձայն՝ երրորդ անձինք օգտվում են կողմի բոլոր իրավունքներից և կրում են նրա բոլոր պարտականությունները, բացառությամբ հայց (ներառյալ` հակընդդեմ հայց) ներկայացնելու, հայցի հիմքը և (կամ) առարկան փոխելու, հայցային պահանջների չափը ավելացնելու և (կամ) նվազեցնելու, հայցն ընդունելու կամ հայցից հրաժարվելու և դատական ակտի հարկադիր կատարում պահանջելու իրավունքներից։


ԴԱՏԱՎՈՐ Վ. ՄԻՔԱԵԼՅԱՆԻ ՕԳՆԱԿԱՆ՝ ՇՈՒՇԱՆ ԽԱՉԱՏՐՅԱՆ

Հասցե` ք. Երևան, Գարեգին Նժդեհի 23

Հեռ..` 010-494807 /216/

Էլ. փոստ`