Թիվ ՎԴ/1380/05/11 վարչական գործով որոշում
16.07.2014
ՎԴ/1380/05/11
Ո Ր Ո Շ ՈՒ Մ
ՎԱՐՉԱԿԱՆ ԳՈՐԾԻ ՎԱՐՈՒՅԹԸ ՎԵՐՍԿՍԵԼՈՒ ՄԱՍԻՆ
26.06.2014թ. ք.Երևան
Հայաստանի Հանրապետության վարչական դատարանի դատավոր` Ա.Թովմասյանս քննության առնելով թիվ ՎԴ/1380/05/11 վարչական գործի նյութերն ըստ հայցի ՀՀ ԿԱ ՊԵԿ Նոր Նորքի հարկային տեսչության ընդդեմ «Նիկոլ Գալանտերյանի անվան բեմարվեստի մանկավարժական համալսարան» ՍՊԸ-ի տնօրեն` Արմեն Նալբանդյանի` գումարի բռնագանձման պահանջի մասին, վարչական գործի վարույթը վերսկսելու հարցը.
Պ Ա Ր Զ Ե Ց Ի
14.04.2011 թվականին ՀՀ ԿԱ ՊԵԿ Նոր Նորքի հարկային տեսչությունը, դատարան ներկայացրած հայցադիմումով, խնդրել է «Նիկոլ Գալանտերյանի անվան բեմարվեստի մանկավարժական համալսարան» ՍՊԸ-ի տնօրեն` Արմեն Նալբանդյանից հօգուտ ՀՀ պետկան բյուջեի բռնագանձել 25.000 ՀՀ դրամ։
18.04.2011 թվականին ՀՀ վարչական դատարանը որոշում է կայացրել հայցադիմումը վարույթ ընդունելու մասին։
09.08.2011 թվականին ՀՀ վարչական դատարանը որոշում է կայացրել կասեցնել թիվ ՎԴ/1380/05/11 վարչական գործի վարույթը մինչև թիվ ՎԴ/0808/05/11 վարչական գործով վերջնական դատական ակտն ուժի մեջ մտնելը։
20.08.2012 թվականին թիվ ՎԴ/0808/05/11 վարչական գործով վճիռը մտել է օրինական ուժի մեջ։
Հայաստանի Հանրապետության վարչական դատավարության օրենսգրքի 95-րդ հոդվածի համաձայն` գործի վարույթը վերսկսվում է դրա կասեցումն առաջացրած հանգամանքների վերանալուց հետո։
Նկատի ունենալով, որ վերացել են սույն վարչական գործի վարույթի կասեցումն առաջացրած հանգամանքները, դատարանը գտնում է, որ վարչական գործի վարույթը ենթակա է վերսկսման։
Ելնելով վերոգրյալից և ղեկավարվելով Հայաստանի Հանրապետության վարչական դատավարության օրենսգրիք 95-րդ, 127-րդ հոդվածներով, Հայաստանի Հանրապետության քաղաքացիական դատավարության օրենսգրքի 144-րդ հոդվածներով.
Ո Ր Ո Շ Ե Ց Ի
Թիվ ՎԴ/1380/05/11 վարչական գործի վարույթը ըստ հայցի ՀՀ ԿԱ ՊԵԿ Նոր Նորքի հարկային տեսչության ընդդեմ «Նիկոլ Գալանտերյանի անվան բեմարվեստի մանկավարժական համալսարան» ՍՊԸ-ի տնօրեն` Արմեն Նալբանդյանի` գումարի բռնագանձման պահանջի մասին, վերսկսել և նախնական դատական նիստ նշանակել 2014 թվականի սեպտեմբերի 16-ին, ժամը` 16։00-ին, Հայաստանի Հանրապետության վարչական դատարանի Երևան քաղաքի նստավայրում։
Սույն որոշումն ուժի մեջ է մտնում կայացման պահից և ենթակա չէ բողոքարկման։
ԴԱՏԱՎՈՐ Ա.ԹՈՎՄԱՍՅԱՆ
Հասցե` ք. Երևան, Գ. Նժդեհի 23
Հեռ..` +374 10 447121/218/
Էլ. փոստ`