ՎԴ/0257/05/23 վարչական գործով հայցի առարկայի փոփոխությունը թույլատրելու մասին որոշում
19.03.2024
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԱՐՉԱԿԱՆ ԴԱՏԱՐԱՆ
Վարչական գործ թիվ ՎԴ/0257/05/23
Ո Ր Ո Շ ՈՒ Մ
ՀԱՅՑԻ ԱՌԱՐԿԱՅԻ ՓՈՓՈԽՈՒԹՅՈՒՆԸ ԹՈՒՅԼԱՏՐԵԼՈՒ ՄԱՍԻՆ
«23» փետրվարի 2024թ. ք. Երևան
Հայաստանի Հանրապետության վարչական դատարանը (այսուհետ` Դատարան)` նախագահությամբ դատավոր Վարազդատ Միքաելյանի, քննարկելով հայցվորի ներկայացուցչի կողմից ներկայացված «Հայցի առարկան փոփոխելու մասին» միջնորդությունը,
Պ Ա Ր Զ Ե Ց
Դատարանի վարույթում է գտնվում վարչական գործն ըստ հայցի «Վան Բիզնես Կենտրոն» փակ բաժնետիրական ընկերությունն ընդդեմ Երևանի քաղաքապետարանի, երրորդ անձինք՝ Գագիկ Հովսեփյան, Ալբերտ Հովսեփյան, Կարապի Լիճ սահմանափակ պատասխանատվությամբ ընկերություն՝ Երևանի քաղաքապետարանի 15.11.2022 թվականի թիվ 01/18-Դ-87659-2033 շինարարության թույլտվությունն անվավեր ճանաչելու պահանջի մասին:
Հայցվորի ներկայացուցչի կողմից Դատարան է ներկայացվել (ստացվել է 19.02.2024 թվականին) «Հայցի առարկան փոփոխելու մասին» միջնորդություն:
Ուսումնասիրելով ներկայացված միջնորդությունը՝ Դատարանը գտնում է, որ այն ենթակա է բավարարման հետևյալ պատճառաբանությամբ.
ՀՀ վարչական դատավարության օրենսգրքի 88-րդ հոդվածի 1-ին մասի համաձայն՝ (...) Հայցի հիմքը և (կամ) առարկան կարող են փոփոխվել գործը քննող վարչական դատարանի ընդդատության սահմաններում։
Նույն հոդվածի 2-րդ մասի համաձայն՝ վարչական դատարանը կարող է թույլ չտալ նման փոփոխություն, եթե այն հանգեցնում է հայցի էության փոփոխության։ Այդ դեպքում վարչական դատարանը կայացնում է որոշում։
Վերոնշյալ իրավակարգավորումների վերլուծությունից հետևում է, որ հայցվորն ունի հայցի հիմքը և (կամ) առարկան փոփոխելու իրավունք, որը, սակայն բացարձակ իրավունք չէ և դատարանի կողմից կարող է թույլատրվել, եթե իրականացվում է գործը քննող վարչական դատարանի ընդդատության սահմաններում և չի հանգեցնում հայցի էության փոփոխության:
Տվյալ դեպքում, Դատարանը գտնում է, որ փոփոխությունը վարչական դատարանի ընդդատության սահմաններում է և չի հանգեցնում հայցի էության փոփոխության:
Հետևաբար, Դատարանը թույլատրում է հայցի առարկայի փոփոխությունը՝ պահանջը ձևակերպելով հետևյալ կերպ. ոչ իրավաչափ ճանաչել Երևանի քաղաքապետարանի 15.11.2022 թվականի թիվ 01/18-Դ-87659-2033 շինարարության թույլտվությունը:
Վերոգրյալի հիման վրա և ղեկավարվելով ՀՀ վարչական դատավարության օրենսգրքի 88-րդ, 123-րդ հոդվածներով, 127-րդ հոդվածի 10-րդ մասով, ՀՀ քաղաքացիական դատավարության օրենսգրքի 200-րդ հոդվածով, Դատարանը`
Ո Ր Ո Շ Ե Ց
1. Հայցվորի ներկայացուցչի միջնորդությունը՝ հայցի առարկան փոփոխելու մասին, բավարարել և թույլատրել հայցի առարկայի փոփոխությունը:
2. Սույն որոշումն ուժի մեջ է մտնում կայացման պահից և ենթակա չէ բողոքարկման։
ԴԱՏԱՎՈՐ՝ ՎԱՐԱԶԴԱՏ ՄԻՔԱԵԼՅԱՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԱՐՉԱԿԱՆ ԴԱՏԱՐԱՆ
0026, ք. Երևան, Գարեգին Նժդեհի փող. 23, հեռ.՝ (+37410)-49-48-07 (216)
ԴԴ-9-Ե-___________ 0026 ք.Երևան, Գ.Նժդեհի 23
Վարչական գործ թիվ ՎԴ/0257/05/23 «23» փետրվարի 2024թ.
Երրորդ անձ՝ Գագիկ Հովսեփյանին
(ք. Երևան, Եկմալյան 1 փ., հ. 10 տուն)
Ձեզ է ուղարկվում ՀՀ վարչական դատարանի 23.02.2024 թվականի «Հայցի առարկայի փոփոխությունը թույլատրելու մասին» որոշումը՝ «2» թերթից:
ԴԱՏԱՎՈՐ՝ ՎԱՐԱԶԴԱՏ ՄԻՔԱԵԼՅԱՆ
Հասցե` ք. Երևան, Գարեգին Նժդեհի 23
Հեռ..` 010-494807 /216/
Էլ. փոստ`